ஆஸ்கார் விருது பெற்ற டைரக்டர் போலன்ஸ்கி செக்ஸ் வழக்கில் விடுவிப்பு

சுவிட்சர்லாந்தை சேர்ந்தவர் ரோமன் போலன்ஸ்கி. ஆஸ்கார் விருது பெற்ற ஹாலிவுட் சினிமா டைரக்டர். இவர் ரோஸ்மேரிஸ் பேபி, ஹசனாடவுன், மற்றும் பியானிஸ்ட் உள்ளிட்ட படங்களை இயக்கியுள்ளார்.

கடந்த 1977-ம் ஆண்டு அமெரிக்காவின் லாஸ்ஏஞ்சல்ஸ் நகரில் சினிமா படப்பிடிப்புக்கு சென்று இருந்தார். அப்போது அவர் 13 வயது மாடலிங் பெண்ணை கற்பழித்ததாக குற்றம் சாட்டப்பட்டது.

போதை மருந்து பயன் படுத்தி கற்பழித்தல், குழந்தையை மானபங்கப் படுத்துதல் உள்ளிட்ட 6 குற்றச்சாட்டுகள் இவர் மீது பதிவு செய்யப்பட்டன. இதைத் தொடர்ந்து அவருக்கு 90 நாட்கள் சிறை தண்டனை விதிக்கப்பட்டது.

இந்த நிலையில் அவர் 42 நாட்களிலேயே விடுவிக்கப்பட்டார். இதையடுத்து அவர் அமெரிக்காவை விட்டு வெளியேறும்படியும் உத்தரவிடப்பட்டது. அதன்படி அவர் 1978-ம் ஆண்டு பிப்ரவரி 1-ந்தேதி அமெரிக்காவில் இருந்து வெளியேறி தனது சொந்த நாடானா சுவிட்சர்லாந்துக்கு வந்து விட்டார்.

இதற்கிடையே போலன்ஸ்கி மீதி தண்ட னையை அனுபவிக்க அவரை மீண்டும் லாஸ்ஏஞ்சல்ஸ்சுக்கு அனுப்ப வேண்டும் என அமெரிக்கா வலியுறுத்தி வந்தது. அந்த கோரிக்கையை சுவிட்சர்லாந்து அரசு நிரா கரித்து விட்டது.

ரோமன் போலன்ஸ்கி அமெரிக்க ஜெயிலில் ஏற்கனவே தண்டனையை அனுபவித்து விட்டார். எனவே அவர் மீதுள்ள தண்டனையை அனுபவிக்க வேண்டியதில்லை. இந்த வழக்கில் இருந்து அவரை விடுவித்து விட்டோம். தற்போது அவர் சுதந்திர மனிதர் என்று அறிவித்துள்ளது.

சுமார் 30 வருடமாக சர்ச்சையில் இருந்த இந்த பிரச்சினை தற்போது முடிவுக்கு வந்துள்ளது.