காவிரி கரையோர பகுதிகளில் ஆடிப் பெருக்கு கொண்டாட்டம்:புது மண தம்பதிகள் மாலைகளை ஆற்றில் விட்டு புது தாலி- மஞ்சள் கயிறு அணிந்து வழிபாடு

நவீன் · நவீன் Tue Aug 03, 2010 4:51 pm

ஆடி மாதம் 18-ந்தேதியே, ஆடிபெருக்கு விழாவாக ஒவ்வொரு ஆண்டும், காவிரி கரையோர மக்களால் சிறப்பாக கொண்டாடப்பட்டு வருகிறது.

ஆடிபெருக்கை முன்னிட்டு இன்று அதிகாலை முதலே திருச்சி ஸ்ரீரங்கம் அம்மா மண்டபத்தில் ஏராளமான பெண்கள் குவிந்தனர். புதுமண
தம்பதிகள் பட்டு வேட்டி- பட்டுசேலை அணிந்து காலையிலே வந்தனர். பின்னர்
திருமண மாலைகளை ஆற்றில் மிதக்கவிட்டு, சூரியனை வழிபட்டனர்.

காவிரி
வெள்ளம்போல், எங்கள் வாழ்வில் என்றும் மகிழ்ச்சி வெள்ளம் ஏற்பட வேண்டும்
என்று வேண்டினர். பின்னர் திருமணமான பெண்களுக்கு கணவர்கள் புது தாலி
கட்டினர். அதைத் தொடர்ந்து படித்துறையில் பூ, பழங்கள் வைத்து குடம் ஏந்தி
சிறப்பு பூஜை செய்து வழிபட்டனர்.

ஸ்ரீரங்கம்
அம்மா மண்டபத்தில், திருமணமாகாத ஏராளமான கன்னி பெண்களும் குவிந்தனர்.
விரைவில் தங்களுக்கு திருமணம் நடைபெற வேண்டியும் நல்ல கணவன் அமைய
வேண்டியும், தங்களது கழுத்தில் கன்னி பெண்கள் மஞ்சள் கயிறு அணிந்து
வழிபட்டனர். இதனால் ஸ்ரீரங்கம் அம்மா மண்டபத்தில் ஒரே நேரத்தில் புதுமண
தம்பதிகள் கன்னி பெண்கள் வழிபாடும் பக்தர்கள் புனித நீராடுதலும் நடந்ததால்
அப்பகுதி உற்சாக களை கட்டியது.

இதே
போல் திருச்சி சிந்தாமணி படித்துறை, ஒடத்துறை, படித்துறை தில்லை நாயகம்
படித்துறை ஆகிய இடங்களில் ஆடிபெருக்கு விழா நடந்தது. இதில் ஏராளமான
பெண்கள் வழிபாடு நடத்தி சிறப்பு பூஜை நடத்தினர்.

திருச்சி மற்றும் பிற மாவட்டங்களில் இருந்து ஏராளமான புதுமண தம்பதிகள், சுற்றுலா தலமான முக்கொம்பிலும் இன்று குவிந்தனர். அங்குள்ள காவிரி ஆற்றில் புனித நீராடி, புதுமண தம்பதிகள் கட்டி சோறு சாப்பிட்டு மகிழ்ந்தனர்.

இதே
போல் தஞ்சை பெரியகோவில் படித்துறை, காவிரி படித்துறை, திருவையாறு புஷ்ப
மண்டப படித்துறை ஆகிய இடங்¢களில் இன்று காலை முதலே ஏராளமான புதுமண
தம்பதிகள்-கன்னி பெண்கள் சிறப்பு வழிபாடு நடத்தினர்.

அம்மனுக்கு
உகந்த மாதம் ஆடி மாதம் என்பார்கள். இன்று ஆடி 18 செவ்வாய்க்கிழமை அன்று
வந்துள்ளதால் அம்மன் கோவில்களுக்கு ஏராளமான பெண்கள் வந்து வழிபட்டனர்.

திருச்சி
சமயபுரம் மாரியம்மன் கோவில், உறையூர் வெக்காளியம்மன் கோவில், தஞ்சை
புன்னைநல்லூர் மாரியம்மன் கோவில், கும்பகோணம் அருகேயுள்ள பட்டீஸ்வரம்
துர்க்கை ஸ்தலம், திருக்கருகாவூர் கர்ப்பராட் சாம்பிகை கோவில், வலங்கைமான்
மகா மாரியம்மன் கோவில்களில், இன்று காலை முதலே ஆடி செவ்வாய்கிழமை ஆடி 18-ஐ
முன்னிட்டு சிறப்பு பூஜைகள் நடநதன.

ஆடி மாதத்தில் விதைத்தால்தான் தை மாதத்தில் அறுவடை செய்ய முடியும். அதனால்தான் ஆடி பட்டம் தேடி விதைக்கணும் என்பார்கள்.

இந்த
ஆண்டு காவிரியில் தண்ணீர் வருமா, வராதா என்று ஏங்கி தவித்த டெல்டா மாவட்ட
விவசாயிகளுக்காக, கடந்த 28-ந்தேதி மேட்டூரில் இருந்து தண்ணீர்
விடப்பட்டது. இதனால் காவிரி ஆற்றில் இருகரைகளை தொட்டப்படி தண்ணீர்
செல்வதால், விவசாயிகள் மகிழ்ச்சியடைந்துள்ளனர். இதனால் குறுவை சாகுபடி
பணிகளில், மும்முரமாக ஈடுபட்டு வருகின்றனர்.

ஆடிபெருக்கை முன்னிட்டு இன்று, டெல்டா பாசன விவசாயிகள், வாழ்வளிக்கும காவிரி தாய்க்கு நன்றி தெரிவித்து வழிபட்டனர்.

காவிரி
கரையோர பகுதிகளில், ஆடிபெருக்கு விழா விவசாயிகள், புதுமண தம்பதிகள்,
கன்னிபெண்கள் மற்றும் பக்தர்கள் வழிபாடுகளால்களை கட்டியது.