தஞ்சையில் பயங்கரம்: பட்டதாரி மனைவியை எரித்து கொன்ற தொழிலாளி; நடத்தையில் ஏற்பட்ட சந்தேகத்தால் விபரீதம்

நவீன் · நவீன் Tue Aug 17, 2010 5:08 pm

தஞ்சை,

தஞ்சை
அருகே உள்ள வல்லம் தெற்கு காளியப்பகோவில் தெருவை சேர்ந்தவர் ராஜேஷ்கண்ணா.
கடடிட தொழிலாளி. இவரது மனைவி லட்சுமிபிரபா (வயது25). எம்.ஏ. பட்டதாரியான
லட்சுமி பிரபாவுக்கும் ராஜேஷ்கண்ணாவுக்கும் திருமணமாகி 1? வருடம் ஆகிறது.
திருமணமான சில காலம் தென்றல் வீசிய இவர்கள் வாழ்க்கையில் சந்தேகம்
ஏற்பட்டதால் புயல் வீசத் தொடங்கியது.

லட்சுமி
பிரபாவின் நடத்தையில் ராஜேஷ்கண்ணாவுக்கு சந்தேகம் ஏற்பட்டதால் அவர்
மனைவியை அடித்துஉதைத்து கொடுமைபடுத்தினார். இதனால் தினசரி அவர்களுக்குள்
தகராறு ஏற்பட்டது.

கடந்த
11-ந்தேதியும் கணவன்-மனைவி இடையே தகராறு ஏற்பட்டது. இந்த தகராறு
முற்றியதால் ஆத்திரத்தின் உச்சிக்கு சென்ற ராஜேஷ்கண்ணா வீட்டில் இருந்த
மண்எண்ணையை எடுத்து லட்சுமிபிரபா உடலில் ஊற்றி தீவைத்து விட்டு ஓடி
விட்டார்.
இதில்
உடல் கருகி உயிருக்கு போராடிக்கொண்டு இருந்த லட்சுமி பிரபாவை அக்கம்
பக்கத்தவர்கள் காப்பாற்றி சிகிச்சைக்காக தஞ்சை அரசு ஆஸ்பத்திரியில்
அனுமதித்தனர். லட்சுமி பிரபா தனது மரண வாக்குமூலத்தில் ராஜேஷ்கண்ணா தன்னை
உயிரோடு எரித்ததை கூறி விட்டார். இதன் அடிப்படையில் அப்போதே ராஜேஷ்கண்ணாவை
போலீசார் கைது செய்தனர்.

இந்த
நிலையில் தஞ்சை ஆஸ்பத்திரியில் சிகிச்சை பெற்று வந்த லட்சுமிபிரபா
சிகிச்சை பலனின்றி நேற்று இரவு பரிதாபமாக இறந்து போனார். இந்த கொலை பற்றி
தஞ்சை டி.எஸ்.பி. அன்புநேசன் விசாரணை நடத்தினார். திருமணமாகி 1 1/2
வருடத்தில் லட்சுமிபிரபா இறந்து உள்ளதால் அவரது சாவு பற்றி தஞ்சை
ஆர்.டி.ஒ.வும் விசாரணை நடத்தி வருகிறார்.

தஞ்சையில் பயங்கரம்: பட்டதாரி மனைவியை எரித்து கொன்ற தொழிலாளி; நடத்தையில் ஏற்பட்ட சந்தேகத்தால் விபரீதம்

தஞ்சையில் பயங்கரம்: பட்டதாரி மனைவியை எரித்து கொன்ற தொழிலாளி; நடத்தையில் ஏற்பட்ட சந்தேகத்தால் விபரீதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக