பெண்களுக்கு பயன்தரும் பலவிதமான வீட்டுக் குறிப்புகள்

**சிவா** · **சிவா** Fri Jul 31, 2009 8:22 pm

பூ வாடாமல் இருக்க

முதல் நாள் மாலையில் வாங்கிய பூ மறுநாள் காலை வரையில் வதங்காமல் இருக்க வேண்டுமா? பூவை ஈரத்துணியில் சுற்றி வைக்காதீர்கள். ஒரு பாத்திரத்தை நன்றாகக் கழுவிவிட்டு அந்த பாத்திரத்திற்குள் பூவை வைத்து மூடி வையுங்கள்.பூ வாடாமல் வதங்காமல் நீங்கள் வைத்த மாதிரியே இருக்கும்!

கிழங்கு விரைவாக வேக

கிழங்கை உப்புக் கரைத்த நீரில் பதினைந்து நிமிஷங்கள் ஊற வைத்துவிட்டுப் பிறகு அடுப்பில் வைத்தால் சீக்கிரம் அது வெந்துவிடும்.

பாகற்காய் பழுக்காமல் இருக்க

பாகற்காய் சீக்கிரம் பழுத்துவிடும். இதைத் தவிர்க்க பாகற்காய்களை இரண்டிரண்டடாக நறுக்கி வைத்துவிடுங்கள்.

இஞ்சி மிச்சம் இருந்தால்

இஞ்சி தேவைக்கு அதிகமாக இருந்தால் அதை மண்ணில் புதைத்து வைத்து தண்ணீர் விட்டு வையுங்கள். தேவைப்படும்போது எடுத்து உபயோகிக்கலாம். இஞ்சி காய்ந்து போகாது.

பிறக்கும் குழந்தை பிரகாசமாக இருக்க

கர்ப்பிணிப் பெண்கள் குங்குமப் பூ கலந்த பால் குடித்து வந்தால் பிறக்கும் குழந்தை சிவப்பாக இருக்கும்.

ஷூ மிருதுவாக இருக்க

மழைக்காலங்களில் தண்ணீர் பட்டு ஷூ கெட்டியாகப் போயிருக்கும். ஒரு சிறு துணியை மண்ணெண்ணெயில் நனைத்து ஷூவைத் துடைத்தால் ஷூ மிருதுவாக இருக்கும்.

kirupairajah · kirupairajah Fri Jul 31, 2009 8:29 pm

பிறக்கும் குழந்தை பிரகாசமாக இருக்க

கர்ப்பிணிப் பெண்கள் குங்குமப் பூ கலந்த பால் குடித்து வந்தால் பிறக்கும் குழந்தை சிவப்பாக இருக்கும்.

இதை நான் கேள்விப்பட்டிருகிறேன் சிவா. இது விஞ்ஞான ரீதியாக நிருபிக்க பட்டுள்ளதா