பருப்பு கறி

**சிவா** · **சிவா** Fri Nov 12, 2010 12:24 pm

தேவையானவை:

துவரம் பருப்பு - அரை கப்

வெங்காயம் - பாதி

பச்சை மிளகாய் - 2

பால் - 3 மேஜைக்கரண்டி

சீரகம் - ஒரு தேக்கரண்டி

மஞ்சள் தூள் - அரை தேக்கரண்டி

கறிவேப்பிலை - தாளிக்க

உப்பு - தேவைக்கேற்ப

மிளகுத்தூள் - தேவைக்கேற்ப

செய்முறை:

பருப்பை நன்றாகக் கழுவி, ஒரு கப் தண்ணீர் சேர்த்து வேக வைக்கவும். அதனுடன் நறுக்கிய வெங்காயம், பச்சை மிளகாயைச் சேர்க்கவும். சிறிது நேரம் கழித்து, சீரகம் மற்றும் மஞ்சள்தூளைச் சேர்க்க வேண்டும். பருப்பு நன்றாக வெந்தவுடன், பால், உப்பு, மிளகுத்தூள் ஆகியவற்றை பருப்புக்கலவையில் கொட்டி கிளறவும். தீயை மிதமாக எரியவிட்டு, 2 நிமிடங்கள் கழித்து இறக்கி விடவும். இதை சாதம், இடியாப்பம், பூரி, சப்பாத்தி என எதற்கு வேண்டுமானாலும் தொட்டுக்கொண்டு சாப்பிடலாம்.

ஊட்டச்சத்து விவரங்கள்:

சாம்பார், குருமா என சாப்பிட்டுப் பழகிய குழந்தைகளுக்கு, வித்தியாசமான உணவு இது. குழந்தைகளின் உடல் வளர்ச்சிக்கு மிகவும் இன்றியமையாதது, புரதம். இதில் சேர்க்கப்பட்டுள்ள துவரம் பருப்பு, அந்தத் தேவையை எளிதில் ஈடுசெய்து, உடல் வளர்ச்சியை ஊக்குவிக்கிறது. இதை 3 வயதிலிருந்து குழந்தைகளுக்கு சாப்பிடக் கொடுக்கலாம்.

தினதந்தி!