தமிழக அரசு அறிவிப்புகள் ( தேவைப் படுவோருக்கு தகவல் தரவும்)

Guest · Guest Thu Feb 10, 2011 10:19 pm

1. பேரவையில் நேற்று கேள்வி நேரத்தின்போது உணவுத் துறை அமைச்சர் எ.வ.வேலு அளித்த பதில் வருமாறு: தற்போது புதிய ரேஷன் கார்டுகளை பெற 60 நாட்கள் அவகாசம் என்று தமிழக அரசு
உத்தரவிட்டுள்ளது.
கூட்டுக் குடும்பத்தில் இருந்தவர்கள் தனியாக ரேஷன் கார்டு வேண்டுமானால் அவர்களின் பெயர்களை நீக்கிய சான்றிதழைத் தர வேண்டும். இதனால், ரேஷன் கார்டுகளை பெற முடியாத நிலை உள்ளதாக உறுப்பினர்கள் தெரிவித்துள்ளனர். தற்போது விண்ணப்பிப்பவர், தான்
வேலை
பார்க்கும் நிறுவனத்தின் அடையாள அட்டை , சமீபத்தில்
திருமணம் நடந்திருந்தால் திருமண அழைப்பிதழ் ஆகியவற்றை விண்ணப்பத்துடன்
இணைத்து கொடுத்தால் புதிய ரேஷன் கார்டு வழங்கப்படும். இதில் பிரச்னை ஏதாவது
இருந்தால் தெரிவிக்கலாம். அது குறித்து நடவடிக்கை எடுக்கப்படும்.

2. இதய அறுவை சிகிச்சை என்ற வகையில் இதுவரை 23,767 பேர்
பயன்பெற்றுள்ளனர். இதய அறுவை சிகிச்சை மற்றும் சிறுநீரக மாற்று அறுவை
சிகிச்சைக்கு கூடுதல் செலவாகிறது என்று உறுப்பினர்கள் கூறுகிறார்கள்.
ஒப்பந்தப்படி
ரூ 1 லட்சம் வரை சிகிச்சைக்காக தரப்படுகிறது. இதய அறுவை சிகிச்சை,சிறுநீரக மாற்று அறுவை சிகிச்சைகளுக்கு கூடுதலாக செலவு வரும்போது மருத்துவமனை கோரிக்கை வைத்தால் ரூ 1.5 லட்சம் வரை இன்சூரன்ஸ் நிறுவனம் தரும் என அமைச்சர்
எம்.ஆர்.கே.பன்னீர்செல்வம் கூறினார்.

3. கருவுற்ற மற்றும் பாலூட்டும் 15 லட்சம் பெண்களுக்கு ரூ.6.3 கோடி
அயோடின் கலந்த உப்பு ரேஷன் கடை மூலம் இலவசமாக வினியோகிக்க தமிழக
அரசு
ஏற்பாடு செய்துள்ளது. அமைச்சர் அன்பழகன் பேசும் போது கருவில் உள்ள
குழந்தைகள் மூளை வளர்ச்சிக்கு தேவையான அயோடின் சத்து கிடைக்கும் வகையில்
உப்பு கழகம் மூலம் அயோடின் கலந்த உப்பு ரேஷன் கடைகளில் இலவசமாக
வழங்கப்படும் என்று குறிப்பிட்டார்.

அதன்படி தமிழ்நாட்டில் உள்ள ஆரம்ப சுகாதார நிலையங்களில் 15 லட்சம் கருவுற்ற மற்றும் பாலூட்டும் பெண்கள் பதிவு செய்து உள்ளதாக கணக்கிடப்பட்டுள்ளது. ஒவ்வொரு மாவட்டத்திலும்
கலெக்டர்
தலைமையிலான குழுவினர் கருவுற்ற, பாலூட்டும் தாய்மார்களை கண்டறிவார்கள். சென்னையில் உணவு பொருள் வழங்கு துறை இணை செயலர் தலைவராக இருப்பார்.

கண்டறியப்பட்ட கருவுற்ற, பாலூட்டும் பெண்களுக்கு தனி அட்டை வழங்கப்படும். அதில் அயோடின் உப்பு பெற வேண்டிய இடம், எத்தனை மாதம்
என்ற விவரங்கள் அதில் இடம் பெற்றிருக்கும். மாதம் ஒரு கிலோ வீதம் கருவுற்ற பெண்களுக்கு முதல் 8 மாதமும் பாலூட்டும் காலத்தில் 12 மாதமும் அயோடின் உப்பு இலவசமாக ரேஷன் கடைகளில் வழங்கப்படும். , ஊட்டச்
சத்து
மையங்கள் மூலம் வழங்கவும் அரசு பரிசீலித்து வருகிறது.

3 மாதத்திற்கு தேவையான உப்பை ஒரே நேரத்தில் வாங்கிக் கொள்ளலாம். 15 லட்சம் பெண்களுக்கு 12மாதம் மாதம் 1 கிலோ அயோடின் உப்பு வழங்க 18000 டன் உப்பு தேவைப்படும். கிலோ உப்பு 3.50 வீதம் இதற்காக ரூ. 6.3 கோடி செலவாகும். இந்த தகவல்களை உணவுத் துறை
செயலர்
சுவரண்சிங் தெரிவித்துள்ளார்.

தமிழக அரசு அறிவிப்புகள் ( தேவைப் படுவோருக்கு தகவல் தரவும்)

தமிழக அரசு அறிவிப்புகள் ( தேவைப் படுவோருக்கு தகவல் தரவும்)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக