உணவே மருந்து : வேப்பம்பூ!!!

**அருண்** · **அருண்** Sat Mar 19, 2011 2:12 pm

First topic message reminder :

இந்த உலகில் எத்தனையோ வகையான மரங்களும், செடி கொடிகளும் இருந்தாலும்... அவை எல்லாம் வேப்பமரத்துக்கு ஈடாகாது. வேப்பமரத்திலிருந்து கிடைக்கும் வேப்பிலை, வேப்பம்பூ, வேப்பங்கொட்டை, வேப்ப எண்ணை, வேப்பம்பட்டை என அனைத்தும் நமக்கு உணவாக... மருத்துவப் பொருட்களாக பயன்படுகின்றன.

பொதுவாகவே, தமிழ் மருத்துவத்தில் தட்பவெப்ப நிலைக்கு ஏற்ப, அந்தந்த சூழலுக்கு ஏற்ப... உணவுப் பழக்க வழக்கமும் மாறும். தட்ப வெப்பநிலைக்கு அந்தந்த பருவத்தில் கிடைக்கும் உணவுகளையே நாம் சாப்பிட வேண்டும். கோடை காலம் ஆரம்பிக்கும் இந்த சித்திரை மாதத்தில் வேப்பம்பூ பூத்து... காற்றில் ஒருவித நறுமணத்தை பரப்பிக் கொண்டிருக்கும். கிருமி நாசினியான வேப்பம்பூவில் பல மருத்துவ குணங்கள் பொதிந்துள்ளன.

வெயில் காலத்தில் ஏற்படும் நாவறட்சி, தோல் வியாதி, அரிப்பு, வயிற்றுப்பிரட்டல் போன்ற பிரச்சினைகளுக்கு வேப்பம்பூ சிறந்த மருந்தாகின்றது. கபம், பித்தம் சம்பந்தப்பட்ட வியாதிகளை வேப்பம்பூ கட்டுப்படுத்தும்.

குடலில் தங்கியுள்ள கிருமிகளை அழிக்கும் ஆற்றல் வேப்பம்பூவுக்கு உண்டு. பாங்காக்கில் உள்ள தேசிய புற்று நோய் ஆராய்ச்சி நிறுவனம், `புற்று நோயை உருவாக்கக்கூடிய செல்களை வேப்பம்பூ அழிக்கும் தன்மை வாய்ந்தது' எனக் கண்டறிந்து நிரூபித்துள்ளனர். `அரோமா தெரபி' எனப்படும் சிகிச்சையில் மன அமைதியையும், சாந்தமான மனநிலையை உண்டாக்க வேப்பம்பூவை பயன்படுத்துகின்றனர்.

கோடை காலத்தில் அதிகமாக கிடைக்கும் வேப்பம்பூவை சேகரித்து, நிழலில் உலர்த்தி வைத்து, அதை சில வாரங்கள் பயன்படுத்தலாம். பழங்காலத்தில் வேப்பம்பூ பச்சடி சமைத்து சாப்பிட்டனர். இப்போதும் சித்திரை மாதத்தில் கிராமங்களில் வேப்பம்பூ பச்சடி சாப்பிடுகின்றனர். நீங்களும் தயாரித்து சாப்பிடுங்கள்.

வேப்பம்பூ பச்சடி:

தேவையான பொருட்கள்:
வேப்பம்பூ - 50 கிராம்
புளி - சிறிய எலுமிச்சை அளவு (அல்லது வேகவைத்த சிறிய மாங்காய்)
வெல்லம் - 2 மேஜைக்கரண்டி
கடுகு, காய்ந்த மிளகாய் - தாளிக்கும் அளவுக்கு
எண்ணை - ஒரு தேக்கரண்டி.

செய்முறை:

புளியை கரைத்து வெல்லம் கலந்து கொதிக்க வைக்க வேண்டும். வேப்பம்பூவை சிறிது நெய்விட்டு நன்கு வதக்கி கலந்து விடவும். கடுகு, காய்ந்தமிளகாய் இரண்டையும் சேர்த்து தாளித்து வேப்பம்பூவில் விடவும்.

புளிக்கு பதிலாக வேக வைத்த மாங்காயில் வெல்லம் கலந்தும் செய்யலாம்.

**krishnaamma** · **krishnaamma** Wed Apr 27, 2011 3:31 pm

வேப்பம் பூ வற்றல் - காய்ந்த வேப்பம் பூ வையும் இப்படி தான் கூறுவது வழக்கம்.
வேப்பம் பூவை நாங்கள் Sunday, Tuesday and Friday சமாக்க மாட்டோம். மற்றும் மாலை 6 மணிக்கு மேல் வறுக்க மாட்டோம் இது பல காலமாக நாங்கள் பின்பற்றி வரும் எழுதாத சட்டம் புன்னகை

இப்ப வேப்பம் பூ வற்றல்கு வருவோம்.

தேவயானவை:
1 கப் ஜவ்வரிசி வத்தல் மாவு
50 - 5 வேப்பம் பூ குச்சிகள் ( பூ நிறைந்த குச்சிகள் )

செய்முறை :
வத்தல் மாவில் அந்த பூ குச்சிகளை முக்கி காயவைக்கவும்.
காய்ந்ததும் வறுத்து சாப்பிடவும்.

குறிப்பு: அது சிரமமாக இருந்தால், சுத்தம் செய்த வேப்பம் பூவை வத்தல் மாவில் போட்டு வத்தல் போடவும். காய்ந்ததும் பொரிக்கவும்.

**krishnaamma** · **krishnaamma** Wed Apr 27, 2011 3:34 pm

தாமு wrote:அம்மா சாப்பிடணும் போல இருக்கு. எங்க வீட்டுக்கு செய்து பார்சல் அனுப்புரிங்களா

அனுப்பிட்டா போச்சு

தாமு · தாமு Wed Apr 27, 2011 3:37 pm

krishnaamma wrote:
தாமு wrote:அம்மா சாப்பிடணும் போல இருக்கு. எங்க வீட்டுக்கு செய்து பார்சல் அனுப்புரிங்களா

அனுப்பிட்டா போச்சு

உணவே மருந்து : வேப்பம்பூ!!! - Page 3 755837

நன்றி அம்மா உணவே மருந்து : வேப்பம்பூ!!! - Page 3 154550

பாலாஜி · பாலாஜி Wed Apr 27, 2011 3:38 pm

krishnaamma wrote:
வேப்பம் பூவை நாங்கள் Sunday, Tuesday and Friday சமாக்க மாட்டோம். மற்றும் மாலை 6 மணிக்கு மேல் வறுக்க மாட்டோம் இது பல காலமாக நாங்கள் பின்பற்றி வரும் எழுதாத சட்டம்

ஏன் என்று சொல்ல இயலுமா சகோ...

தாமு · தாமு Wed Apr 27, 2011 3:40 pm

வை.பாலாஜி wrote:
krishnaamma wrote:
வேப்பம் பூவை நாங்கள் Sunday, Tuesday and Friday சமாக்க மாட்டோம். மற்றும் மாலை 6 மணிக்கு மேல் வறுக்க மாட்டோம் இது பல காலமாக நாங்கள் பின்பற்றி வரும் எழுதாத சட்டம்

ஏன் என்று சொல்ல இயலுமா சகோ...

அது கசப்பு இல்லையா அதனாலையா இருக்கலாம் நண்பா உணவே மருந்து : வேப்பம்பூ!!! - Page 3 838572

பாலாஜி · பாலாஜி Wed Apr 27, 2011 3:45 pm

தாமு wrote:
வை.பாலாஜி wrote:
krishnaamma wrote:
வேப்பம் பூவை நாங்கள் Sunday, Tuesday and Friday சமாக்க மாட்டோம். மற்றும் மாலை 6 மணிக்கு மேல் வறுக்க மாட்டோம் இது பல காலமாக நாங்கள் பின்பற்றி வரும் எழுதாத சட்டம்

ஏன் என்று சொல்ல இயலுமா சகோ...

அது கசப்பு இல்லையா அதனாலையா இருக்கலாம் நண்பா

இல்ல ஜி ஆன்மிக காரணமாக இருக்கலாம் என்று நினைக்கின்றேன்....

தாமு · தாமு Wed Apr 27, 2011 3:46 pm

வை.பாலாஜி wrote:
தாமு wrote:
வை.பாலாஜி wrote:
krishnaamma wrote:
வேப்பம் பூவை நாங்கள் Sunday, Tuesday and Friday சமாக்க மாட்டோம். மற்றும் மாலை 6 மணிக்கு மேல் வறுக்க மாட்டோம் இது பல காலமாக நாங்கள் பின்பற்றி வரும் எழுதாத சட்டம்

ஏன் என்று சொல்ல இயலுமா சகோ...

அது கசப்பு இல்லையா அதனாலையா இருக்கலாம் நண்பா

இல்ல ஜி ஆன்மிக காரணமாக இருக்கலாம் என்று நினைக்கின்றேன்....

இருக்கலாம் ஜி உணவே மருந்து : வேப்பம்பூ!!! - Page 3 838572

**krishnaamma** · **krishnaamma** Thu Apr 28, 2011 3:21 pm

வை.பாலாஜி wrote:
krishnaamma wrote:
வேப்பம் பூவை நாங்கள் Sunday, Tuesday and Friday சமாக்க மாட்டோம். மற்றும் மாலை 6 மணிக்கு மேல் வறுக்க மாட்டோம் இது பல காலமாக நாங்கள் பின்பற்றி வரும் எழுதாத சட்டம்

ஏன் என்று சொல்ல இயலுமா சகோ...

அது ஸ்வாமி ஆச்சே பாலாஜி புன்னகை

நாம் வேப்பமரத்தை அம்பாளாக - அம்மன் ஆக வணங்குகிறோம் இல்லயா அதனால் அந்த நாட்களில் உபயோகிக்க கூடாது என் என் பாட்டி சொல்வார் அதை நாங்கள் இன்றும் பின்பற்றுகிறோம் . எதுவுமே நம்பிக்கை , தான் காரணம் (மற்ற நாட்களில் ஸ்வாமி இல்லயா என் கேட்டால் என்க்கு பதில் தெரியாது பெரியவா சொன்னத நாங்க கேட்கிறோம் அவ்வளவுதான் புன்னகை

)

Sponsored content · Sponsored content

உணவே மருந்து : வேப்பம்பூ!!!

உணவே மருந்து : வேப்பம்பூ!!!

வேப்பம் பூ வற்றல்

Re: உணவே மருந்து : வேப்பம்பூ!!!

Re: உணவே மருந்து : வேப்பம்பூ!!!

Re: உணவே மருந்து : வேப்பம்பூ!!!

Re: உணவே மருந்து : வேப்பம்பூ!!!

Re: உணவே மருந்து : வேப்பம்பூ!!!

Re: உணவே மருந்து : வேப்பம்பூ!!!

Re: உணவே மருந்து : வேப்பம்பூ!!!

Re: உணவே மருந்து : வேப்பம்பூ!!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக