ஸ்கைப் உரையாடலை ஒட்டுக்கேட்கத் துடிக்கும் கோத்தபாய.

இந்து · இந்து Fri 8 Apr 2011 - 11:14

இலங்கையில் விடுதலைப் புலிகள் ஆனாலும் சரி மற்றும் செயற்பாட்டாளர்கள் ஆனாலும் சரி பலராலும் ஸ்கைப் பயன்படுத்தப்பட்டு வருகிறது. குறிப்பாக தற்போது இலங்கையில் உள்ளவர்கள் ஸ்கைப்பில் எதை பேசுகிறார்கள் என ஒட்டுக்கேட்க கோத்தபாய முனைகிறார் என்ற செய்தி கிடைக்கப்பெற்றுள்ளது. கொழும்பிலும் அதனை அண்டிய பகுதிகளிலும் கண்காணிப்புக் கமராக்களைப் பொருத்தி, சகல இடங்களையும் நோட்டமிட்டுவரும் கோத்தாபாய தற்போது ஸ்கைப்புக்குள்ளும் மூக்கை நுளைத்துள்ளார்.

இலங்கைத் தீவுக்குள் வரும், வெளிச் செல்லும் ஸ்கைப் அழைப்புக்களைப் பதிவுசெய்தல் மற்றும் ஒட்டுக் கேட்டல் சாத்தியமா என அவர் ஆராய ஆரம்பித்துள்ளாராம். ஆரம்பத்தில் வேர்ச்சஸ் எனப்படும் அமெரிக்காவை தளமாகக் கொண்ட பிரபல கணினி தொழில்நுட்ப நிறுவனம் ஒன்றை கோத்தபாய அணுகியுள்ளார். அவர்களின் ஆலோசனைகள் பெறப்பட்டபோது ஸ்கைப் உரையாடல்களை ஒட்டுக்கேட்க முடியுமாயின் அதனை இதுவரை அமெரிக்கப் படையினர் விட்டுவைத்திருக்க மாட்டார்கள் என்று தெரிவித்துள்ள நிறுவனம், வேண்டும் என்றால் ஸ்கைப் உரையாடல்களை தடைசெய்ய மட்டுமே முடியும் ஆனால் ஒட்டுக் கேட்க முடியாது என அறிவுரை வழங்கியுள்ளனர்.

ஆயினும் அதனை செவிசாய்க்காத கோத்தபாய இஸ்ரேலின் தொழில்நுட்ப நிறுவனமொன்றை நாடியுள்ளதாகவும் அந்த நிறுவனம் இலங்கை வந்து பேச்சுவார்த்தை நடாத்திச் சென்றுள்ளதாகவும் செய்திகள் வெளியாகியுள்ளது. பல நூறு மில்லியன் அமெரிக்க டொலர்கள் ஒப்பந்தத்தில் இதனை மேற்கொள்ள இணங்கியுள்ள அந்த நிறுவனம் எவ்வகையான தொழில் நுட்பத்தில் இதை தாம் கையாள உள்ளதாக தெரிவிக்கவில்லை என செய்திகள் வெளியாகியுள்ளன. வொய்ப்(VOIP) பற்றிய தொழில்நுட்ப அறிவு மிகக் குறைவாக உள்ள இலங்கையில் இதுபோன்ற பாரிய திட்டமொன்றை கோத்தபாய அரங்கேற்றவுள்ளார். அமெரிக்காவைத் தளமாகக் கொண்டு இயங்கும் ஸ்கைப் நிறுவனம் இதற்கு என்ன நடவடிக்கை எடுக்க இருக்கிறது என்பதனைப் பொறுத்திருந்துதான் பார்க்கவேண்டும்.