"நாஷ்டா " பண்ணி லேட்டாய் வா!

**rameshnaga** · **rameshnaga** Wed Jun 01, 2011 6:52 pm

கோழியைக் கூவ வைத்து-உடன் எழும்பும்
ஏழைக் கூலிமார் முதுகை எல்லாம் -
சுடும் நெருப்பினால் சுட்டெரித்து
காலன் கை கயிறு போலக்
கடமை செய்யும் சூரியனே--
நாளை ஒரு பொழுது மட்டும்
"நாஷ்டா"-பண்ணி லேட்டாய் வா!

நீ கிளம்பி வரும் முன்னே-
நான் பள்ளி வந்து சேரும்படி
நாளைக்கு-
எனக்கு என் ஆசிரியர் உத்தரவு.

பள்ளி வந்து சேரும் முன்னே -
இடைப்பட்ட பொழுதினிலே
இடுப்பு ஒடிய வேலை செய்ய -
ஏழை வயிறு தரும் தொந்தரவு.

காலை நீ உதிக்கும் முன்னர் -
கஞ்சிக்கு வேலை தரும்
கவுண்டர் வீட்டு மாடுகளைக்
குளிப்பாட்டி நிறுத்த வேணும்.

எப்போதும்-
உனக்கு இணையாய் உழைப்பதினால்
உடல் களைத்த அக்காவின்
இடுப்பொடியும் வேலையினை -நான்
இன்று மட்டும் செய்ய வேண்டும்.

நாளை-
பலர் சேரும் திருவிழாவாம்-பள்ளியில்.
அதனால்-
என் கந்தையான பழந்துணியை
இன்று மட்டும்-
கசக்கியேனும் உலர்த்த வேண்டும்.

இவைகளுக்கு நடுவினிலே-
கல்லூரி வயதினிலே-கான்வெண்டைத் தொட்டு நிற்கும்
கவுண்டர் வீட்டுப் பையனுக்கு
பணிவுடன் நான் பாடம் சொல்லித் தர வேணும்.

வயதும் தெரியாத-
என் வறுமையும் தெரியாத
அன்பான சூரியனே!
உன் போல் நானும்-
உயரத்தில் நின்றிருந்தால்-
ஒரு போதும் கவலை இல்லை.
எனைப் போல -
தரை மீது நீயும் நின்றால்
தவிக்கின்ற நிலைதான் உனக்கும்.

என்றாலும்-
நாளை எம் திருவிழாவில் -
64-ஆண்டுகளில் தன் கனவுகளை
ஜெயித்துவிட்ட சுதந்திர இந்தியாவில்
"ஏழைகள் இல்லையடி பாப்பா"-எனும் தலைப்பினிலே நான் -
சிறப்பாகப் பேசவேண்டும்.

இத்தனையும் செய்வதற்கு-
இருக்கின்ற நேரமது
இறைவனுக்கும் போதாது.
ஆதலினால்-அன்பான சூரியனே!
என் வேலை- நான் செய்ய
நாளை ஒரு பொழுது மட்டும்
"நாஷ்டா"பண்ணி லேட்டாய் வா.

மகா பிரபு · மகா பிரபு Wed Jun 01, 2011 8:25 pm

கவிதை அருமை நண்பா. ஆனால் இதை கவிதை பகுதியில் சேர்க்கலாமே!

**rameshnaga** · **rameshnaga** Wed Jun 01, 2011 8:45 pm

தங்களின் பாராட்டுக்கு மிகவும் நன்றி நண்பா!

கவிதையைப் பதிவிடல் செய்கையில் இந்தத் தவறு நேர்ந்து விட்டது
தோழா! எனக்கு கொஞ்சம் வயது அதிகம் !(45+)!
அதனால், எனக்குக் கணினியைச் சரியாகக் கையாளத் தெரியவில்லை.
அதனால், நேர்ந்த இந்தத் தவறை எப்படிச் சரி செய்வது என்று எனக்குத்
தெரியவில்லை.இந்தக் கவிதை என்னுடைய "ரமேஷ் நாகா"வின்
சொந்தக் கவிதைகள் -தலைப்பில் "புதுக்கவிதை"பிரிவில் வரும்படி
செய்ய உங்களால் முடியும் என்றால் உதவுங்களேன்! சிரமத்திற்கு
வருந்துகிறேன்! மீண்டும் நன்றியுடன், ரமேஷ்.

மகா பிரபு · மகா பிரபு Wed Jun 01, 2011 8:53 pm

இதை என்னால் மாற்ற இயலாது. ஆனால் நிச்சயம் நம் ஈகரை நிர்வாகிகள் உங்களுக்கு உதவுவார்கள். கணினியை இயக்க வயது ஒன்றும் உங்களுக்கு தடையில்லை. ஆர்வம் ஒன்றே போதும். தொடக்கத்தில் அனைவரும் செய்யும் சிறு தவறு தான் இது. கவலை ஏதும் கொள்ளாதீர்கள்.

இந்த பதிவைத் துவங்கியவர் நன்றி கூறியுள்ளார் மகா பிரபு

**rameshnaga** · **rameshnaga** Sat Jun 04, 2011 11:18 am

நன்றி! மகா பிரபு!
நேற்றுத்தான் மறுமொழியிட கற்றுக்கொண்டேன்!
நீங்கள் எனக்கு அனுப்பிய பதிலுக்கு ரொம்பவும் நன்றி!
அன்புடன் ரமேஷ்.

முரளிராஜா · முரளிராஜா Sat Jun 04, 2011 11:24 am

கவிதை பகுதிக்கு மாற்றிவிட்டேன் ரமேஷ்

**rameshnaga** · **rameshnaga** Sat Jun 04, 2011 11:26 am

ரொம்ப, ரொம்ப, ரொம்ப நன்றி! முரளி ராஜா.
அன்புடன் ரமேஷ்.

மகா பிரபு · மகா பிரபு Sat Jun 04, 2011 11:32 am

rameshnaga wrote:நன்றி! மகா பிரபு!
நேற்றுத்தான் மறுமொழியிட கற்றுக்கொண்டேன்!
நீங்கள் எனக்கு அனுப்பிய பதிலுக்கு ரொம்பவும் நன்றி!
அன்புடன் ரமேஷ்.

**rameshnaga** · **rameshnaga** Sun Jun 05, 2011 3:24 pm

தேங்க்ஸ்! மகா பிரபு!
அன்புடன் ரமேஷ்.

Sponsored content · Sponsored content

"நாஷ்டா " பண்ணி லேட்டாய் வா!

"நாஷ்டா " பண்ணி லேட்டாய் வா!

Re: "நாஷ்டா " பண்ணி லேட்டாய் வா!

ரிப்ளை:"நாஷ்டா " பண்ணி லேட்டாய் வா!-திரு.மகா பிரபு அவர்களின் நன்றிக்கடிதத்திற்கு:

Re: "நாஷ்டா " பண்ணி லேட்டாய் வா!

Re: "நாஷ்டா " பண்ணி லேட்டாய் வா!

Re: "நாஷ்டா " பண்ணி லேட்டாய் வா!

Re: "நாஷ்டா " பண்ணி லேட்டாய் வா!

Re: "நாஷ்டா " பண்ணி லேட்டாய் வா!

Re: "நாஷ்டா " பண்ணி லேட்டாய் வா!

Re: "நாஷ்டா " பண்ணி லேட்டாய் வா!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக