முத்துச் சிதறல்கள் - பொது அறிவுத் தகவல்கள்

**சிவா** · **சிவா** Thu Sep 15, 2011 4:37 am

First topic message reminder :

மும்முரமாகத் தேடுவதை, `ஒரு கல்லையும் திருப்பாமல் விடாதே' (Leave no stone unturned) என்று ஆங்கிலத்தில் கூறுவார்கள்.

இதன் பின்னணி என்னவென்று தெரியுமா?

கிரேக்கப் புராணக் கதையின் அடிப்படையில் கூறப்படும் வார்த்தைகள் இவை. `ஆரக்கிள் ஆப் டெல்பி'யால் (Oracle of Delphi) கடவுளுடன் பேச முடியும். அதனால் அவன் பேரறிவைப் பெற்றிருந்தான்.

தோற்கடிக்கப்பட்ட ஒரு ராணுவத் தளபதியால் ஒளித்து வைக்கப்பட்ட புதையலை எப்படிக் கண்டுபிடிப்பது என்று ஆரக்கிளிடம் கேட்கப்பட்டபோது, `ஒரே ஒரு வழிதான் உள்ளது. எந்தக் கல்லையும் திருப்பாமல் விடாதே!' என்று அவன் கூறினானாம்.

அந்த அறிவுரைதான் அப்படியே சொற்றொடராக நீடிக்கிறது.

Thiraviamurugan · Thiraviamurugan Wed Dec 07, 2011 2:51 pm

புதிய செய்தி

**சிவா** · **சிவா** Wed Dec 07, 2011 2:54 pm

குடை ராட்டினம்!

மத்திய காலத்தில் ஐரோப்பிய உயர்குலப் பிரபுக்கள் அதுவரை நடைபெற்றுவந்த வன்முறை கலந்த விளையாட்டுப் போட்டிகளில் பங்கேற்றுச் சலிப்படைந்தனர். அவற்றுக்கு மாற்றாகப் புதிதாக ஒன்றை ஏற்படுத்த முயன்றனர்.

குதிரை மீது அமர்ந்தவாறே கையில் இருக்கும் ஈட்டிகளால் வளையங்களைப் பிடிக்கும் பயிற்சியில் ஈடுபட்டனர். அதற்கு ஸ்பெயின் மொழியில் `கரோஸிலா' (carossela) என்று பெயர். `சிறிய யுத்தம்' என்பது இதன் பொருள். உயிருள்ள குதிரைகளுக்குப் பதிலாக தொங்குகின்ற, சுழலுகின்ற இருக்கைகள் வைக்கப்பட்டன. பின்னர், வண்ணம் தீட்டப்பட்ட மரக்குதிரைகள் வந்தன. இவ்வாறு `மெர்ரி-கோ- ரவுண்டு' எனப்படும் குடை ராட்டினம் மேலை நாடுகளில் பயன்பாட்டுக்கு வந்தது.

**சிவா** · **சிவா** Wed Dec 07, 2011 2:56 pm

வான்கோழி Turkey ஆனவிதம்!

மெக்சிகோவையும், பெருவையும் வென்ற ஸ்பானிய வீரர் ஹெர்னான்டோ கார்டெஸ் 1519-ல் ஸ்பெயினுக்கு திரும்பிவந்தபோது வான்கோழியைக் கொண்டுவந்தார்.

மெக்சிகோ நாட்டுப் பழங்குடியினர் அவருக்கு அந்தப் பறவையைக் கொடுத்திருந்தனர். வினோதமான அந்தப் பறவை, ஐரோப்பியர்களைக் குழப்பியது. பிரெஞ்சு மக்கள் அது இந்தியாவில் இருந்து வந்தது என்று எண்ணி `டின்டன்' (dindont) என்று பெயரிட்டனர். ஜெர்மானியர்கள், டச்சுக்காரர்கள் மற்றும் சுவீடன் நாட்டினரும் அப்பறவை இந்தியாவில் இருந்து வந்ததாகக் கருதினர். ஆனால் கல்கத்தா என்பதைக் குறிக்கும் விதமாக `கில்கான்' Kilcon என்று பெயரிட்டனர்.

இந்தச் செய்தி இங்கிலாந்தை அடைவதற்குள்ளாக, அப்பறவை துருக்கியில் இருந்து வந்ததாக வதந்தி பரவியது. அதனால் வான்கோழிக்கு `டர்க்கி' Turkey என்ற பெயர் நிலைத்து விட்டது.

**சிவா** · **சிவா** Wed Dec 07, 2011 2:56 pm

நயாகரா!

உலகின் மிகப் பெரிய அருவியான நயாகராவுக்கு அப்பெயர் எப்படி ஏற்பட்டது தெரியுமா? நயாகரா பகுதியில் வாழ்ந்த மக்களின் மொழியில் இந்த அருவி `ஒங்கியாஹ்ரா' என்று அழைக்கப்பட்டது. அதற்கான சான்று 1641-ல் காணப்பட்டது. ஆனால் அந்தப் பழங்குடியின மொழிக்கு எழுத்து வடிவம் இல்லை.

ஒங்கியாஹ்ரா என்பது பின் ஒங்கியாரா என்று சுருங்கியது. `ஒங்கியாஹ்ரா' என்பதற்கு `இடி போல விழுகின்ற நீர்' என்று பொருள். ஒங்கியாரா என்ற வார்த்தை வாய்மொழி வழியாகவே பரவியதால் அது நாளடைவில் நயாகரா என்று மருவி விட்டது.

**சிவா** · **சிவா** Wed Dec 07, 2011 2:58 pm

வெளிப்படையான பொய்!

`வெளிப்படையான பொய்' என்பது தெள்ளத்தெளிவானது, திரித்து, மாற்றிச் சொல்லாமல் ஓர் அறிவற்றவர் அல்லது தைரியசாலியால் அடுத்தவர் முகத்துக்கு நேரே சொல்லப்படுவது என்பதாகும்.

இதை ஆங்கிலத்தில் ('bare faced Lie') என்று குறிப்பிடுகிறார்கள்.

16-ஆம் நூற்றாண்டில் ஆண்களில் பலரும் தாடி, மீசை, கிருதா வைத்திருப்பார்கள். புரட்சியாளர்கள் மட்டுமே முகச்சவரம் செய்து கொள்வார்கள். பட்டவர்த்தனமாக ஒரு பொய்யைச் சொல்லக்கூடிய தைரியம் அவர்களுக்கு மட்டுமே உண்டு என்று கருதப்பட்டது.

அதன் அடிப்படையிலேயே இந்தச் சொற்றொடரும் பிறந்தது.

ரேவதி · ரேவதி Wed Dec 07, 2011 2:59 pm

ஒவ்வொருக்கும் நல்ல விளக்கம்...
இதெல்லாம் அறிந்து வைத்து இருப்பது ரொம்ப அவசியம்..பிரிண்ட் எடுத்து கொள்கிறேன்

நன்றி அண்ணா

**ராஜா** · **ராஜா** Wed Dec 07, 2011 3:01 pm

அட ..... நிறைய புதிய தகவல்கள்... தலைப்பை அனைத்து பதிவுக்கும் ஏற்றவாறு மாற்றுங்கள் தல

**சிவா** · **சிவா** Wed Dec 07, 2011 3:04 pm

ராஜா wrote:அட ..... நிறைய புதிய தகவல்கள்... தலைப்பை அனைத்து பதிவுக்கும் ஏற்றவாறு மாற்றுங்கள் தல

என்ன பெயர் வைப்பது எனத் தெரியாமல்தான் அப்படியே விட்டுவிட்டேன்! முத்துச் சிதறல்கள் - பொது அறிவுத் தகவல்கள் - Page 3 440806

**ராஜா** · **ராஜா** Wed Dec 07, 2011 3:17 pm

சிவா wrote:
ராஜா wrote:அட ..... நிறைய புதிய தகவல்கள்... தலைப்பை அனைத்து பதிவுக்கும் ஏற்றவாறு மாற்றுங்கள் தல
என்ன பெயர் வைப்பது எனத் தெரியாமல்தான் அப்படியே விட்டுவிட்டேன்!

தமிழறிஞர்களை கேட்போம் ,

சார்லஸ் mc · சார்லஸ் mc Wed Dec 07, 2011 4:07 pm

அற்புதமான தகவல்கள். சூப்பருங்க

Sponsored content · Sponsored content

முத்துச் சிதறல்கள் - பொது அறிவுத் தகவல்கள்

முத்துச் சிதறல்கள் - பொது அறிவுத் தகவல்கள்

ஒரு கல்லையும்...

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக