கணவருடன் ஏற்பட்ட தகராறில் 2 குழந்தைகளை எரித்துக் கொன்ற தாய், தானும் தற்கொலை!

kitcha · kitcha Fri Sep 23, 2011 10:46 am

கணவருடன் ஏற்பட்ட தகராறில் 2 குழந்தைகளை எரித்துக் கொன்ற பெண், தானும் தீக்குளித்து தற்கொலை செய்து கொண்டார்.

காஞ்சிபுரம் அருகே தாமல் கிராமத்தை சேர்ந்தவர் வெங்கடேசன் (26), லாரி டிரைவர். இவரது மனைவி தேவி (21). இவர்களுக்கு திருமணமாகி 4 ஆண்டுகள் ஆகின்றன. சத்யபிரியா (3), செண்பகம் (1) என்ற 2 மகள்கள் இருந்தனர்.

வெங்கடேசனுக்கு குடிப்பழக்கம் உடையவர். தினமும் குடித்துவிட்டு வந்து மனைவியை அடித்து துன்புறுத்தியுள்ளார். தேவி, தனது குழந்தைகளுக்காக கணவரின் கொடுமைகளை தாங்கிக் கொண்டு குடும்பம் நடத்தி வந்தார்.

இந்நிலையில், நேற்று முன்தினம் இரவு குடித்து விட்டு போதையில் வீட்டிற்கு வந்த வெங்கடேசன், மனைவியிடம் தகராறு செய்துள்ளார். சிறிது நேரத்தில் வெளியே சென்றுவிட்டார்.

மனம் உடைந்த தேவி, இரவு முழுதும் அழுதுகொண்டிருந்தார். இரவு 11 மணியளவில் குழந்தைகள் இருவரும் தூங்கிக் கொண்டிருந்தனர். திடீரென எழுந்த தேவி, குழந்தைகள் மீது மண்ணெண்ணையை ஊற்றி தீ வைத்தார். பின்னர் தனது உடலிலும் மண்ணெண்ணெய் ஊற்றி தீ வைத்துக்கொண்டார்.

அலறல் சத்தம் கேட்ட அக்கம் பக்கத்தினர் திரண்டு வந்தனர். தீயில் கருகிய குழந்தைகள் அந்த இடத்திலேயே பரிதாபமாக இறந்தார். உயிருக்கு போராடிய தேவியை காஞ்சிபுரம் அரசு மருத்துவமனைக்கு கொண்டு சென்றனர்.

ஆஸ்பத்திரியில் சேர்க்கப்பட்ட சிறிது நேரத்தில் தேவியும் இறந்தார். தகவலறிந்த காஞ்சிபுரம் இன்ஸ்பெக்டர் பாலசுப்பிரமணியம் (பொறுப்பு) ஆகியோர் சம்பவ இடத்துக்கு வந்து விசாரணை நடத்தினர்.

வெங்கடேசனை பிடித்து விசாரித்து வருகின்றனர். காஞ்சிபுரம் ஆர்டிஓ வீரப்பனும் விசாரிக்கிறார். குடும்ப தகராறில் குழந்தைகளை கொன்று இளம்பெண் தற்கொலை செய்து கொண்ட சம்பவம் அப்பகுதி மக்களிடையே சோகத்தை ஏற்படுத்தி உள்ளது.

தமிழ் சி‌என்‌என்

கணவருடன் ஏற்பட்ட தகராறில் 2 குழந்தைகளை எரித்துக் கொன்ற தாய், தானும் தற்கொலை!

கணவருடன் ஏற்பட்ட தகராறில் 2 குழந்தைகளை எரித்துக் கொன்ற தாய், தானும் தற்கொலை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக