கோவை அன்னூரில் ஆலை கழிவுநீரை குடித்த 176 ஆடுகள் பரிதாப சாவு

மீனு · மீனு Tue Sep 22, 2009 7:16 pm

[ செவ்வாய்க்கிழமை, 22 செப்ரெம்பர் 2009

கோவை மாவட்டம், சூலூர் கண்ணாம்பாளையத்தை சேர்ந்தவர் ரங்கசாமி. இவரது மகன் ரவிக்குமார். பள்ளபாளையத்தை சேர்ந்தவர் குப்பண்ணன். மூவரும் அன்னூர் பகுதியில் ஆட்டு பண்ணை நடத்தி வருகின்றனர்.

இங்கு 1200 ஆடுகள் வளர்க்கப்பட்டு வந்தன. பண்ணையில் வேலை பார்ப்பவர்கள், நேற்று காலையில் ஆடுகளை மேய்ப்பதற்காக கோவை சாலைக்கு ஓட்டிச் சென்றனர். கணேசபுரத்தில் தனியார் இருசக்கர வாகன செயின் தயாரிப்பு தொழிற்சாலை பகுதியை கடந்த போது, ஆடுகள் அங்கு குட்டையாக தேங்கியிருந்த நீரை குடித்தன. சிறிது நேரத்தில் 30 ஆடுகள் வாயில் நுரை தள்ளி செத்து விழுந்தன. அதற்குள் ஓரைக்கால் பாளையத்தில் நூற்பாலைக்கு பின்புறம் தேங்கியிருந்த கழிவு நீரை சில ஆடுகள் குடித்து, அவையும் செத்து விழுந்தன. நேற்று மாலைக்குள் 176 ஆடுகள் இறந்தன.

இதையடுத்து, கால்நடை மருத்துவ இணை இயக்குனர் உமாபதி, உதவி இயக்குனர் சண்முகம், கோவை வடக்கு தாசில்தார் தசரதராம சுப்பிரமணியம் உள்ளிட்டோர் வந்து பார்வையிட்டனர். தேங்கிய கழிவு நீரை எடுத்து ஆய்வுக்கு அனுப்பினர்.

இந்நிலையில், தொழிற்சாலைகள் மீது நடவடிக்கை எடுக்கவும், நஷ்ட ஈடு கோரியும், உ.உ. கட்சியின் மாவட்ட தலைவர் சுப்பிரமணியம் தலைமையில் விவசாயிகள், இறந்த ஆடுகளை கோவை-சத்தி மெயின் ரோட்டில் போட்டு மறியலில் ஈடுபட்டனர். தொழிற்சாலை முன்பும் ஆர்ப்பாட்டம் செய்தனர். போராட்டம் நேற்றிரவு 8 மணி வரை தொடர்ந்தது.

மேட்டுப்பாளையம் எம்.எல்.ஏ சின்னராஜ், அவிநாசி எம்.எல்.ஏ பிரேமா, திமுக ஒன்றிய செயலாளர் மணிராஜ், அதிமுக ஒன்றிய செயலாளர் காளியப்பன் ஆகியோர் பாதிக்கப்பட்ட விவசாயிகளிடம் சமரசம் பேசினர். எனினும், விவசாயிகள் மறியல் செய்தனர். அங்கு போலீசார் குவிக்கப்பட்டனர். இதனால், நள்ளிரவு வரை பதற்றம் காணப்பட்டது.

கோவை அன்னூரில் ஆலை கழிவுநீரை குடித்த 176 ஆடுகள் பரிதாப சாவு

கோவை அன்னூரில் ஆலை கழிவுநீரை குடித்த 176 ஆடுகள் பரிதாப சாவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக