சனிப்பெயர்ச்சி பலன்கள்!

**சிவா** · **சிவா** Tue Sep 22, 2009 9:55 pm

First topic message reminder :

கனித்து வழங்குபவர்: ஹரிகேசநல்லூர் வெங்கட்ராமன்

மேஷம் (95% நன்மை)

அசுவினி, பரணி, கார்த்திகை 1

வெற்றிமீது வெற்றி வந்து மகிழ்ச்சிக் கடலில் ஆழ்த்தும். பல வருடங்களாக செய்ய முடியாத நல்ல விஜயங்கள் சிலவற்றை இனி சுலபமாக செய்து முடிப்பீர்கள். அதிர்ஷ்டக்காற்று வீசத் துவங்கியுள்ளது. 6-ம் இடத்துக்கு சனி வருவதால் லக்ஷ்மி கடாட்சம் உண்டாகும். கடன் இருந்தால் முற்றிலுமாகத் தீரும். உடல் ஆரோக்கியத்தில் நல்ல முன்னேற்றம் ஏற்படும். மறைமுக எதிரிகள் செயலிழப்பர். வழக்குகளில் வெற்றி கிட்டும். உறவினர்கள் மத்தியில் மதிப்பும் மரியாதையும் அதிகரிக்கும். பணவரவு அமோகமாக இருக்கும். சொந்தவீடு, வண்டி, வாகனங்கள் வாங்குதல் போன்றவை நிகழும்.

குடும்பத்தில் சுப விசேஷங்கள் நடைபெறும். திருமண வயதில் உள்ளவர்களுக்கு விரைவில் திருமணம் இனிதே நடந்தேறும். புத்திர சந்தானம் தாமதமாகிக் கொண்டிருப்பவர்களுக்கு 2010 இறுதிக்குள் குழந்தை பாக்யம் உண்டாகும்.

தொழல் முன்னேற்றம் வெகு சிறப்பாக இருக்கும். உத்தியோகத்தில் உள்ளவர்களுக்குப் பதவி உயர்வு தேடி வரும்.

பரிகாரம்: தினமும் ஸ்ரீவிஷ்ணு சஹஸ்ரநாமம் படிக்கவும் அல்லது ஒலிக்கச் செய்து கேட்கவும்.

**சிவா** · **சிவா** Tue Sep 22, 2009 10:08 pm

கும்பம் 40% நன்மை

அவிட்டம் 3, 4, சதயம், பூரட்டாதி 1, 2, 3

அஷ்டமத்துச் சனி ஆரம்பமாகிறது. சனி உங்கள் ராசி அதிபதி என்பதாலும் எட்டாம் இடமான கன்னிராசி சனிக்கு நட்பு வீடு என்பதாலும், மற்ற ராசிக்காரர்களுக்குத் தொல்லை கொடுக்கும் அளவுக்குக் உங்களுக்குக் கொடுக்காது. மிகப் பெரிய பிரச்னைகளும் இருக்காது. அதேசமயம் மிகப் பெரிய முன்னேற்றமும் இருக்காது. மிகவும் நிதானமாக சிந்தித்துச் செயல்பட வேண்டும். ரிஸ்க் எடுக்காமல் இருப்பது நல்லது. தொழிலில் உழைப்பு அதிகமாகவும், பலன் குறைவாகவும் இருக்கும். உங்களுக்குக் கிடைக்க வேண்டிய பெயரையும் புகழையும் வேறு யாராவது எடுத்துச் செல்வார்கள். திருமண முயற்சிகளில் தடை உண்டாகும்.

ஆரோசக்கியத்தில் சிறு பின்னடைவு ஏற்படவும் வாய்ப்புள்ளது. செலவுகள் அதிகரித்துக் கொண்டே போகும். கை இருப்பு கரையும். கடன் வாங்கும் சூழ்நிலையும் உண்டாகும். உறவினர்களிடம் பகைமை பாராட்ட வேண்டாம்.

உயர் அதிகாரிகளிடம் அனுசரித்துச் சென்றால் உத்தியோகம் நிலைக்கும் வியாபாரம் டல் அடிக்கும்.

பரிகாரம்: திருவாரூர் அருகில் உள்ள திருக்கொள்ளிக்காடு சென்று வழிபடவும்.

**சிவா** · **சிவா** Tue Sep 22, 2009 10:09 pm

மீனம் 55% நன்மை

பூரட்டாதி 4, உத்திரட்டாதி, ரேவதி

உங்கள் ராசிக்கு 7ம் இடத்துக்கு சனி வருகின்றது. திரைகடலோடியும் திரவியம் தேடும் வாய்ப்பு கிடைக்கும். செல்வச் செழிப்பு ஏற்படும். டாலரும் பவுண்டும் குவியும். விஸா வீடு தேடி வரும். வெளிநாடு செல்லும் வாய்ப்பு கிடைக்கம்போது அதை நழுவ விடாதீர்கள். பல அயல்நாடுகளுக்குச் சென்று கை நிறைய சம்பாதிக்கும் நேரம் இது.

வீடு மாற்றம், வேலை மாற்றம், அலுவலக மாற்றம், பணி இடம் மாற்றம் எனப் பல மாற்றங்கள் நிகழும். எந்த மாற்றங்கள் நிகழ்ந்தாலும் அதை ஏற்றுக் கொள்ளும் மனப்பக்குவமும் வந்துவிடும். வாகனத்தின் பராமரிப்புச் செலவுகள் அதிகரிக்கும். வெளியே சென்று பணியாற்ற வேண்டியிருக்கும் என்பதால் குடும்பத்தைப் பிரிந்து வாழ வேண்டிய சூழ்நிலை உருவாகலாம். பெற்றோர்களின் ஆரோக்கியத்தில் அதிக அக்கறை செலுத்தவும். மாணவ மாணவியருக்கு கல்வி முன்னேற்றம் சிறப்பாக இருக்கும். சிலருக்கு உடல் நலிவும் மெலிவும் ஏற்படும்.

பரிகாரம்: பூஜ்யாய ராகவேந்ராய என்னும் சுலோகம் சொல்லி மந்த்ராலய மகானை வழிபடவும்.