எதைப் பா(கவிதை) என்பது?

yarlpavanan · yarlpavanan Sat Dec 10, 2011 10:19 pm

First topic message reminder :

எழுதுவோர்
எழுதியதெல்லாம்
பாவாக மாட்டாதே!
பாவிற்கு
உணர்ச்சி, உவமை, இசை எல்லாம்
ஓரணியில் திரண்டு வர வேண்டுமே!
எண்ணங்களைப் பா(கவிதை) என்று
எழுதிவிடாதீர்கள்...
பா(கவிதை) புனைவதற்கு ஏற்ப
எண்ணங்களை
வெளிப்படுத்த முன்வாருங்கள்!
ஓரிரு வரிகளிலோ
நான்கைந்து வரிகளிலோ
உணர்ச்சி பொங்க எழுதினாலும்
பா(கவிதை) ஆகாதே...
பா(கவிதை) எதுவென அறிந்தே
பா(கவிதை) புனையவும் வேண்டுமே!
இலக்கணமில்லா பா(கவிதை) என்று
ஏதுமில்லையே...
எளிய பா(கவிதை) என்றே
வரிப் பா(வசன கவிதை), புதுப் பா(புதுக் கவிதை)
இருப்பதை அறிந்தே
பா(கவிதை) புனைய முன்வாருங்களேன்!
எடுத்துக்காட்டாகச் சில வரிகள்
சொல்ல வேண்டிய செய்தியாக
"ஒற்றுமை" என்பதை வைத்தே
பா(கவிதை) புனைந்து காட்டுகிறேன்...
புதிதாகப் பா புனைவோரே
கொஞ்சம் பொறுப்போடு பாருங்களேன்!
"கல் தேயுமளவுக்கு எறும்புகள் ஊர்ந்து செல்கின்றன.
எறும்புகள் ஒரே வழியில் ஒற்றுமையாகச் செல்வதால் தானே!
ஆறறிவு நம்மாளுகளுக்கு இப்படியொரு ஒற்றுமையே கிடையாதே!" என
மூன்று நீண்ட வரிகளில் எழுதியது
வரிப் பா(வசன கவிதையே)வே!
வரிப் பாவில்
ஒவ்வொரு வரியிலும்
ஒவ்வொரு உணர்வோ எண்ணமோ
வரிகளை முறிக்காமல் வெளிப்பட
வரிப் பா புனையுங்களேன்!
"ஒரே வழியில்
ஒன்றன் பின் ஒன்றாக
ஊர்ந்து செல்லும் எறும்புகளால்
கல்கூடத் தேயுமென்றால்
ஒற்றுமையின் பெறுமதி எவ்வளவு?
அட நம்மாளுகளே
ஆறறிவு நமக்கிருந்தும்
எங்களுக்குள்ளே
ஒற்றுமையைக் காணோமே!" என
முறிந்த வரிகளால் புனைந்தது
புதுப் பா(புதுக் கவிதையே)வே!
புதுப் பாவில்
வரிகள் முறிந்து இருந்தாலும்
உணர்வோ எண்ணமோ
அவ்வவ் வரியில் அப்படியே தெரிய
இசையோடு வாசிக்க இலகுவாக
புதுப் பா புனையுங்களேன்!
பா புனைவதில் நானோ சிறியன்
எப்படியிருப்பினும்
புதுமுகங்கள் பா புனைவதில்
விடுகின்ற பிழைகளை
சுட்டிக் காட்டும் நோக்கில்
கட்டியமைத்த பா இது!
முடிந்தால் மூ.மேத்தாவின்
கண்ணீர் பூக்களை
வேண்டிப் படித்துப் பாருங்களேன்...
கண்ணதாசனையும்
பட்டுக்கோட்டையாரையும்
முந்திக்கொண்டே பெரும் பாவலராவீரே!

yarlpavanan · yarlpavanan Sun Dec 11, 2011 4:01 pm

சுந்தரராஜ் தயாளன் wrote:நல்லதோர் பாவகையை நல்லபடிச் சொன்னீர்கள்
வெல்லமுடன் தேன்கலந்தாற்ப் போல்

தங்கள் பாராட்டுக்கு நன்றி

yarlpavanan · yarlpavanan Sun Dec 11, 2011 4:02 pm

இளமாறன் wrote:
ஒவ்வொரு வரியிலும்
ஒவ்வொரு உணர்வோ எண்ணமோ
வரிகளை முறிக்காமல் வெளிப்பட
வரிப் பா புனையுங்களேன்!

நன்றி

yarlpavanan · yarlpavanan Sun Dec 11, 2011 4:03 pm

மலிக்கா wrote:பா வுக்கு [கவிதைக்கு] நல்லதோர் விளக்கம் பாராட்டுகள்..

தங்கள் பாராட்டுக்கு நன்றி

**பிஜிராமன்** · **பிஜிராமன்** Sun Dec 11, 2011 6:35 pm

மேத்தாவில் தொடங்கி கண்ணதாசனாக வாருங்களேன்

நிச்ச்யமாக ஐயா, மேத்தா அவர்களின் கண்ணீர் பூக்கள் மென் நூல் புத்தகம் லிங்க் கிடைக்குமா ஐயா...

சதாசிவம் · சதாசிவம் Sun Dec 11, 2011 7:07 pm

அருமை.
பா எழுத மக்கள் பலரும் இன்னும் பண்படவேண்டும். அழகான விஷயத்தை மென்மையாக சொன்ன விதம் அருமை.

சூப்பருங்க

yarlpavanan · yarlpavanan Mon Dec 12, 2011 2:55 pm

சதாசிவம் wrote:அருமை.
பா எழுத மக்கள் பலரும் இன்னும் பண்படவேண்டும். அழகான விஷயத்தை மென்மையாக சொன்ன விதம் அருமை.

தங்கள் பாராட்டுக்கு நன்றி

Sponsored content · Sponsored content

எதைப் பா(கவிதை) என்பது?

எதைப் பா(கவிதை) என்பது?

Re: எதைப் பா(கவிதை) என்பது?

Re: எதைப் பா(கவிதை) என்பது?

Re: எதைப் பா(கவிதை) என்பது?

Re: எதைப் பா(கவிதை) என்பது?

Re: எதைப் பா(கவிதை) என்பது?

Re: எதைப் பா(கவிதை) என்பது?

Re: எதைப் பா(கவிதை) என்பது?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக