பெல் நிறுவனத்தில் 1000 இன்ஜினியரிங் பணியிடங்கள்

திருச்சிராப்பள்ளியில் இயங்கி வரும் மத்திய பொதுத் துறை நவரத்னா நிறுவனங்களில் ஒன்றான பெல் என்று அழைக்கப்படும் பாரத் ஹெவி எலக்ட்ரிகல்ஸ் லிமிடெட் நிறுவனம் ஐ.டி.ஐ., பாலிடெக்னிக், இன்ஜினியரிங் முடித்திருக்கும் நமது இளைஞர்களுக்கு அவ்வப்போது வேலை வாய்ப்புகளை தவறாது வழங்கி வருகிறது.
தற்போது இந்த நிறுவனம் இன்ஜினியரிங் மற்றும் சூப்பர்வைசர் டிரெய்னி ஆகிய பணிகளுக்கான ஆயிரத்துக்கும் மேற்பட்ட காலியிடங்களை அறிவித்துள்ளது.
இன்ஜினியரிங் டிரெய்னி
மெக்கானிக்கல்/எலக்ட்ரிகல்/எலக்ட்ரானிக்ஸ் இவற்றில் ஒன்றில் குறைந்தது 65 சதவீதத்துடன் பி.இ., பி.டெக்., படிப்புகளில் ஒன்றை முடித்திருக்க வேண்டும். 1.8.2009 அன்று 27 வயதுக்குள் இருக்க வேண்டும். அதாவது 1.8.1982க்கு முன்பாகப் பிறந்திருப்பவர் விண்ணப்பிக்க முடியாது. இந்தப் படிப்புகளில் ஒன்றில் பட்டமேற்படிப்பு அல்லது எம்.பி.ஏ., முடித்திருப்பவர்களுக்கு 2 ஆண்டுகள் வயது வரம்பில் தளர்வு தரப்படும்.
சூப்பர்வைசர் டிரெய்னி
மெக்கானிக்கல்/எலக்ட்ரிகல்/எலக்ட்ரானிக்ஸ் இவற்றில் ஒன்றில் குறைந்தது 65 சதவீதத்துடன் டிப்ளமோ படிப்பை முடித்திருக்க வேண்டும். 1.8.1982க்கு முன்பாக பிறந்திருப்பவர் விண்ணப்பிக்க முடியாது.
காலியிடங்கள்:
இன்ஜினியரிங் டிரெய்னி: மெக்கானிக்கல் 350, எலக்ட்ரிகல் 200, எலக்ட்ரானிக்ஸ் 50 ஆக மொத்தம் 600 காலியிடங்கள்.
சூப்பர்வைசர் டிரெய்னி: மெக்கானிக்கல் 400, எலக்ட்ரிகல் 120, எலக்ட்ரானிக்ஸ் 40 மற்றும் சிவில் 40.
குறிப்புகள்
இன்ஜினியரிங் டிரெய்னி பணிக்கு ஒரு ஆண்டு பயிற்சிக் காலமாகக் கருதப்படும். இந்த கால கட்டத்தில் அடிப்படை சம்பளம் 10750 என்ற விகிதத்தில் சம்பளம் தரப்படும். பின்பு 11225 என்ற அடிப்படைச் சம்பள விகிதம் நிர்ணயிக்கப்படும். சூப்பர்வைசர் டிரெய்னி பணிக்கு 5600 அடிப்படைச் சம்பளத்தில் ஒரு ஆண்டுக்கு சம்பளம் தரப்படும். இந்தப் பயிற்சிக் காலம் முடிந்த பின் நிரந்தர சம்பள விகிதம் தரப்படும்.
விண்ணப்பிக்கும் முறை
இப்பணிகளுக்கு ஆன்லைனில் தான் விண்ணப்பிக்க வேண்டும். இன்ஜினியரிங் டிரெய்னி பணிக்கான கட்டணம் ரூ.400. இதை ஸ்டேட் பாங்கில் சலான் மூலமாக செலுத்த வேண்டும். சூப்பர்வைசர் டிரெய்னி பணிக்கான கட்டணம் ரூ.300. இதுவும் ஸ்டேட் பாங்கில் தான் செலுத்தப்பட வேண்டும். எஸ்.சி., எஸ்.டி., பிரிவினருக்குக் கட்டணம் கிடையாது.
அனைத்து சான்றிதழ் நகல்களுடனும் கட்டண சலானுடனும் ஆன்லைன் விண்ணப்பப் பிரதியுடன் தபாலில் அனுப்பும் முகவரி
Sr. DGM (HR) Engineer Trainee Recruitment Cell
HRM Department, Building 24 BHEL,
Tiruchirappalli - 620014.
எந்தப் பணிக்கான விண்ணப்பம் என்பதை தெளிவாக விண்ணப்பம் அனுப்பும் உறையின் இடது மேற்புறம் எழுத வேண்டும். கட்டண சலானையும் டவுண்லோட் செய்து கொள்ள வேண்டும்.

இணைய தள முகவரி http://careers.bhel.in