7,000 கிலோ உப்பு, கலர் பவுடரால் மெகா ஓவியம் :)

**krishnaamma** · **krishnaamma** Sat 10 Mar 2012 - 21:49

மன்னார்குடி : கின்னஸ் சாதனைக்காக கல்லூரி மாணவர்கள் 4 மணி நேரத்தில் 600 ச.மீட்டரில் ஓவியம் வரைந்துள்ளனர். 7 ஆயிரத்து 50 கிலோ உப்பு மற்றும் 405 கிலோ கலர் பவுடரை பயன்படுத்தி ஓவியம் வரையப்பட்டுள்ளது. திருவாரூர் மாவட்டம் மன்னார்குடி அடுத்த இடையர் நத்தம் ஏஆர்ஜே கல்வி நிறுவனங்களின் சார்பில், நேற்று முதல் வரும் 15ம் தேதி வரை 13 வகையான கின்னஸ் சாதனைகள் செய்யும் முயற்சியை மேற்கொண்டுவருகிறது.

இதன் ஒரு பகுதியாக பள்ளி வளாகத்தில் ஏஆர்ஜே பொறியியல் கல்லூரி, பாலிடெக்னிக், பள்ளி மாணவ, மாணவிகள், ஆசிரியர்கள் 3 ஆயிரத்து 366 பேர் ஓவியம் வரைந்தனர். 600 சதுர மீட்டரில் 7 ஆயிரத்து 50 கிலோ உப்பு மற்றும் 405 கிலோ கலர்பவுடரை பயன்படுத்தி வரையப்பட்டுள்ளது.

அதில் ‘எதிர்காலத்திற்கு தண்ணீரை சேமிப்போம்’ என எழுதி, 2 கைகள் நீர்த்துளியை பிடிப்பது போல் வரைந்துள்ளனர். இதை காலை 8 மணிக்கு துவங்கி மதியம் 12 மணிக்கு முடித்தனர். கல்லூரி தாளாளர் சிவன்ராஜ் கூறுகையில், ‘‘4 மணி நேரத்திலேயே இந்த ஓவியத்தை வரைந்து முடித்துள்ளோம். ஒவ்வொரு அரை மணி நேரமும் இணையதளத்தின் மூலமாக போட்டோ மற்றும் வீடியோ பதிவுகள் கின்னஸ் உலக சாதனை புத்தக நிர்வாகம், லிம்கா சாதனை புத்தக நிர்வாகம் உள்ளிட்ட 9 உலக சாதனை புத்தக நிர்வாகத்திற்கு அனுப்பியுள்ளோம்’’ என்றார்.

நன்றி : தினகரன்

**krishnaamma** · **krishnaamma** Sat 10 Mar 2012 - 21:51

யினியவன் · யினியவன் Sun 11 Mar 2012 - 0:09

உப்பிட்டவரை உள்ளளவும் நினை என சொல்வது போல்
உப்பிட்டு கோலம் இட்ட மாணவர்களின் சாதனையில்
உள்ள மெசேஜ மனதில் இட்டு நீரை நாம் சேமிக்க
மறக்காதிருப்போம் - வாழ்த்துகள் சாதனைக்கு.

பகிர்வுக்கு நன்றி கிருஷ்ணாம்மா.

இரா.பகவதி · இரா.பகவதி Sun 11 Mar 2012 - 0:59

குருவே "உப்பிட்டவரை உள்ளளவும் நினை " அப்பிடின உப்பு விக்கிர எங்க ஊரு மளிகை கடைகாரிய நினைச்சிகிட்டே இருக்க சொல்லுரிங்களா

யினியவன் · யினியவன் Sun 11 Mar 2012 - 1:04

இரா.பகவதி wrote:குருவே "உப்பிட்டவரை உள்ளளவும் நினை " அப்பிடின உப்பு விக்கிர எங்க ஊரு மளிகை கடைகாரிய நினைச்சிகிட்டே இருக்க சொல்லுரிங்களா

உப்பு இட்டவரை - உப்பு விற்றவரை அல்ல பகவதி.

உப்பு விற்றவர் உங்களுக்கு பிடித்திருந்தால்
அவரையும் நினைப்பதில் தவறில்லை.

அந்தம்மாட்ட உப்பு வாங்கின பாக்கி இன்னும் இருக்காமே?
அத குடுக்கற வழியப் பாருங்க.