ஈழத்தைத் தெரியாத இந்தியாவா?

yarlpavanan · yarlpavanan Mon Aug 13, 2012 3:49 pm

ஈழத்தைத் தெரியாத இந்தியாவா?

இந்தியாவில் கருணாநிதி கூட்டிய ஈழத் தமிழர் மாநாட்டிற்கு இந்திய மத்திய அரசு "ஈழம்" என்ற சொல்லைப் பாவிக்கத் தடை போட்டுப் பின் அனுமதித்த செய்தி யாவரும் அறிந்ததே!

உலகத் தமிழரின் தாயகம்
இந்தியா தான்!
உலகின் அரைப்பங்கையே
தமிழரின் நாடாக ஆண்ட
(இறுதியாகப் பாண்டிய மன்னன்)
குமரிக்(லெமூரியா) கண்டத்தின்
(கீழ் ஆபிரிக்கா தொட்டு
கீழ் அவுஸ்ரேலியா வரையான)
நடு நாடும் இந்தியாவே!
தேய்ந்து போன குமரியில்
தேறிய இந்தியாவிலிருந்தே
கடற்கோள் வந்தொருகால்
இலங்கையைப் பிரித்ததாம்!
இலங்கைக்குப் பல பெயர்கள்
இருந்தாலும் கூட "ஈழம்" என்பதே
தொன்மைப் பெயராம் - அது கூட
ஈரேழு தீவுகளைக் கொண்டமையால்
ஈரேழும் ஒரு நாடெனக் கருதியே
"ஈரேழும்" என்றிலிருந்தே
"ஈழம்" என்று பெயரமைந்ததாம்!
மதிப்புமிக்க
இந்திய மத்திய அரசே
கருணாநிதியின் மாநாட்டைத் தடுக்க
"ஈழம்" என்பது
பயங்கரவாதிகள் வைத்த பெயரென
பாவிக்கத் தடை போடலாமோ?
"ஈழம்" என்ற பெயரமைந்த
வரலாறு அறியாதவர்
இந்திய மத்திய அரசில்
இருந்தென்ன பயன்?
தமிழரில்லாத ருஷ்ய அரசில்
தமிழுக்கு மணிமகுடமாம்
பத்திரிகையில் படித்தேன்...
தமிழரில்லாத சீன நாட்டில்
சீனத் தமிழ் வானொலியாம்...
தமிழின் தாய் நாடாம்
இந்திய மத்திய அரசில்
தமிழின் வரலாறோ
தமிழர் நாடுகளின் வரலாறோ
தெரிந்திருக்காத
தலைவர்கள் இருந்தென்ன பயன்?
தமிழ் வரலாற்றின் வேரான
சிந்துவெளிப் பகுதி
(மொகஞ்சாதாரோ, ஹரப்பா)
பாகிஸ்தானுக்குள் முடங்கியதால்
தமிழையும்
தமிழர் நாடுகளையும்
மேம்படுத்த உதவாமல் இருப்பது
இந்திய மத்திய அரசின் பணியா?
அ.தி.மு.க. வும் தி.மு.க. வும் அடிபட்டே
மத்திய அரசில்
தமிழ்த் தலைவர்கள் பற்றாக்குறையை
ஏற்படுத்துவார்களென்ற துணிவா?
தமிழையும்
தமிழர் நாடுகளையும்
மேம்படுத்த உதவது
இந்திய மத்திய அரசின்
எந்தவொரு தலைவரின் கடமையும் தானே!
தமிழுக்கும்
தமிழர் நாடுகளுக்கும்
தாய் நாடென மார்தட்டிக் கொள்ள
இந்தியா என்ன தான் செய்யும்?
ஓர் ஈழத் தமிழனின்
ஏக்கப் பெருமூச்சு இது!

வாசுசெல்வா · வாசுசெல்வா Mon Aug 13, 2012 5:15 pm

தமிழின் தாய் நாடாம்
இந்திய மத்திய அரசில்
தமிழின் வரலாறோ
தமிழர் நாடுகளின் வரலாறோ
தெரிந்திருக்காத
தலைவர்கள் இருந்தென்ன பயன்?

Original source: http://www.eegarai.net/t88227-topic#இஷ்ழ்ழ௨௩ர௮௬

அருமையிருக்கு