மதுரை: ""உலகளவில் தனித்துவம் வாய்ந்தது மதுரை மல்லிகை என்பதைக் குறிக்கும் வகையில், "புவிசார் குறியீடு' (ஜி.ஐ.,) கிடைத்துள்ளது,'' என, மதுரை விவசாயக் கல்லூரி டீன் வைரவன் தெரிவித்தார்.

மதுரை, திண்டுக்கல், தேனி, ராமநாதபுரம், சிவகங்கை, விருதுநகர் மாவட்டங்களை உள்ளடக்கிய, "பழைய மதுரையின்' மண்வளம், மல்லிகைக்கு ஏற்றது. இந்த மண்ணில் விளையும் மல்லிகைக்கு மட்டும் கூடுதல் மணம், வெண்மை உண்டு. இரண்டு நாட்கள் வரை பூக்கள் வாடமல் நன்றாக இருக்கும். பூவின் காம்பும், இதழ்களும் சம உயரத்தில் இருக்கும். மதுரை மல்லி வாசம் என்றே சிறப்புடன் காலம் காலமாக போற்றப்படுவதே, மதுரை மல்லிகைக்கு சிறப்பு. தமிழகத்தின் பல இடங்களில், பரவலாக மல்லிகைப் பூக்கள் விளைந்தாலும், மதுரையின் சிறப்பு வேறிடத்தில் இல்லை. மதுரை மார்க்கெட்டிற்கு மட்டும் பிப்ரவரி, ஏப்ரல் மாதங்களில் 15 முதல் 20 டன் பூக்கள் வரத்து இருக்கும். நவம்பர், டிசம்பரில் வேறெங்கும் பூக்கள் உற்பத்தி இருக்காது; மதுரையில் மட்டும் குறைந்தளவு உற்பத்தி இருக்கும். இந்த சிறப்புகளுக்காக, மதுரை மல்லிகைக்கு "புவிசார் குறியீடு' கிடைத்துள்ளது. நாட்டில் ஒரு பூவிற்கு "புவிசார் குறியீடு' கிடைத்தது, இதுவே முதல்முறை.


கலப்படம் செய்தால் "காப்பு'



* புவிசார் குறியீடு கிடைத்திருப்பதால், வெளிநாட்டு ஏற்றுமதிக்கு, குறிப்பிட்ட விலையை இனி நிர்ணயிக்க முடியும்.

* விவசாயிகளுக்கு நல்ல விலை கிடைக்கும்.

* இப்பெயரில், மற்ற பகுதிகளில் விளையும் மல்லிகைப் பூக்களை கலப்படம் செய்ய முடியாது. அப்படி செய்தால், 2 லட்சம் ரூபாய் அபராதம், ஐந்தாண்டு சிறை தண்டனை உண்டு.

"புவிசார் குறியீடு' என்றல் என்ன:


ஒரு குறிப்பிட்ட இடத்தையோ (புவியியல்) அல்லது தோற்றத்தையோ, குறிப்பிடும் பொருளின் மீது பயன்படுத்தப்படும் பெயர் அல்லது சின்னம், "புவிசார் குறியீடு' (ஜியாகிரபிக்கல் இண்டிகேஷன்) எனப்படுகிறது. இக்குறியீடு, அந்த பொருளின் சொந்த இடத்தின் தரத்தையும், நன்மதிப்பையும் பறை சாற்றும் சின்னமாக விளங்கும். இந்தியாவில் பாரம்பரியம் மிக்க பொருட்களுக்கு, மத்திய அரசு அங்கீகாரம் அளித்து பாதுகாக்கிறது. இச்சட்டம் 1999ம் ஆண்டு அறிமுகப்படுத்தப்பட்டு, செப்.15, 2003ம் ஆண்டு அமலுக்கு வந்தது.


இதன்படி மத்திய அரசால் பதிவு செய்யப்பட்ட தமிழக பொருட்கள்:



* சேலம் பேப்ரிக்
* காஞ்சிபுரம் பட்டு
* பவானி ஜமுக்காளம்
* மதுரை சுங்குடி
* கோவை வெட் கிரைண்டர்
* தஞ்சாவூர் வண்ண ஓவியங்கள்
* நாகர்கோவில் கோவில் நகைகள்
* தஞ்சாவூர் கலை தகடுகள்
* ஈஸ்ட் இந்தியா லெதர்
* சேலம் வெண்பட்டு
* கோவை கோரா பட்டு
* ஆரணி பட்டு
* சுவாமிமலை வெண்கலப் பொருட்கள்
* ஈத்தாமொழி நெட்டை தென்னை
* தஞ்சாவூர் பொம்மை
* விருப்பாச்சி மலை வாழை
* சிறுமலை மலை வாழை
* தற்போது மதுரை மல்லி

ஏன் திருநெல்வேலி ஹல்வா , திண்டுக்கல் பூட்டு, மணப்பறை முறுக்கு என்று பலதை விட்டு விட்டார்கள் ?

மல்லி வாசனை போல் மல்லிகை பயிரிடும் விவசாயிகள் வாழ்வில் வசந்தம் வீசட்டும்.

ஒவ்வொன்னா இனி வாங்கிடுவாங்கம்மா சீக்கிரம்.

யினியவன் wrote:மல்லி வாசனை போல் மல்லிகை பயிரிடும் விவசாயிகள் வாழ்வில் வசந்தம் வீசட்டும்.

ஒவ்வொன்னா இனி வாங்கிடுவாங்கம்மா சீக்கிரம்.

ஆமாம் இனியவன் ரொம்ப சந்தோஷமாய் இருக்கு

மகிழ்ச்சியான நிகழ்வு. இருந்தபோதிலும் ஏற்றுமதியானது பயிரிட்ட விவசயினால் செயப்படுவது இல்லையே நம் நாட்டில். ஏதேனும் ஏற்றுமதி நிறுவனம் தான் இதை செயல்படுத்தபோகிறது. விவசாயிகளுக்கும் வருமானம் கிடைக்கும் என்ற போதிலும் அதிக லாபம் ஆனது குறிப்பிட்ட சிலரையே சென்று சேரும் நிலை உள்ளது.
பதிர்வுக்கு நன்றி அம்மா

:suspect:

மதுரை மல்லிகை போலவே மைசூரு மல்லிகையும் உள்ளது

மருதையோ மைசூரோ கூந்தலை
அள்ளி முடிந்து மல்லிய மாமன் மகள் சூடினாதான்
மன்னாரு மனம் மல்லி மனம் போல வீசுதாம்யா...

யினியவன் wrote:மருதையோ மைசூரோ கூந்தலை
அள்ளி முடிந்து மல்லிய மாமன் மகள் சூடினாதான்
மன்னாரு மனம் மல்லி மனம் போல வீசுதாம்யா...

மலர் முடிக்க இன்று கூந்தலேது எல்லாம் பாப் கடிங்க்த்தானே

balakarthik wrote:மலர் முடிக்க இன்று கூந்தலேது எல்லாம் பாப் கடிங்க்த்தானே

இன்னாது மாமன் மகள் முடிய வெட்டிடுச்சா - எடுங்க அந்த அரிவாள இருக்கற பாப் தல முடியையும் வெட்டிடலாம்.