20 -20 கிரிக்கெட்: வெஸ்ட் இண்டீஸ் சாம்பியன்

First topic message reminder :




கொழும்பு: டுவென்டி-20 உலக கோப்பை கிரிக்கெட் தொடரில் இலங்கை அணியை வீழ்த்தி வெஸ்ட் இண்டீஸ் அணி சாம்பியன் பட்டம் வென்றது.

நான்காவது டுவென்டி 20 உலக கோப்பை தொடர் இலங்கையில் நடந்தது. இந்தியா, தென் ஆப்ரிக்கா, போன்ற அணிகள் சூப்பர் 8 சுற்றுடன் வெளியேறியன . ஆஸ்திரேலியா, பாகிஸ்தான் அணிகள் அரை இறுதியுடன் நாடு திரும்பின. இந்நிலையில் போட்டியை நடத்தும் இலங்கைஅணியும் , வெஸ்ட் இண்டீஸ் அணியும் இறுதிப்போட்டியில் மோதின.

இரண்டாவது முறை: டுவென்டி 20 உலக கோப்பை தொடரின் பைனலுக்கு இலங்கை அணி இரண்டாவது முறையாக முன்னேறி யுள்ளது. இரு அணிகளும் இதுவரையில் நான்கு டுவென்டி 20 போட்டிகளில் விளையாடியுள்ளது. இவற்றில் இலங்கை அணியே வெற்றி பெற்றுள்ளது. இரு அணிகள் இடையிலான போட்டியில் இலங்கை அணி அதிக பட்சமாக 195/3 ரன்கள்( பிரிட்ஜ் டவுன்,2010) மற்றும் வெஸ்ட் இண்டிஸ் அணி 177/6 ரன்கள் (2009, நாட்டிங்காம்) எடுத்துள்ளது.

கெயி்ல் ஏமாற்றம்: டாஸ் வென்ற வெஸ்ட் இண்டீஸ் அணி கேப்டன் டேரன் சமி பேட்டிங் செய்ய முடிவு செய்தார். இதனையடுத்து துவக்க வீரர்களாக சார்லஸ்,கெயில் களமிறங்கினர். சார்லஸ் ரன் ஏதும் எடுக்காமல் வெளியேறினார். வெஸ்ட் இண்டீஸ் அணி பெரிதும் நம்பியிருந்த கெயிலும் 3 ரன்னில் ஆட்டமிழந்தார்.

சாமுவேல்ஸ் ஆறுதல்: இதன் பின்னர் வந்த சாமுவேல்ஸ் சிறப்பாக விளையாடினார். அவர் 56 பந்துகளில் 78 ரன்கள் எடுத்து அவுட்டானார். டேரன் பிராவோ 19 ரன்னிலும், போலார்டு 2 ரன்னிலும், ரசல் ரன் ஏதும் எடுக்காமலும் அவுட்டானார்கள். டேரன் சமி 26 ரன்னுடனும், ராம்தின் 4 ரன்னுடனும் களத்தில் இருந்தனர். வெஸ்ட் இண்டீஸ் அணி 20 ஓவரில் 6 விக்கெட் இழப்பிற்கு 137 ரன்கள் எடுத்தது. இலங்கை அணியி்ன் மெண்டீஸ் 4 விக்கெட்களை வீழ்த்தினார்.

இலங்கைக்கு அதிர்ச்சி: இதன் பின்னர் 138 ரன்கள் என்ற இலக்குடன் களமிறங்கிய இலங்கை அணிக்கு துவக்கத்தில் அதிர்ச்சி காத்திருந்தது. தில்ஷன் ரன் ஏதும் எடுக்காமல் அவுட்டானார். இதன் பின்னர் கேப்டன் ஜெயவர்த்தனாவும், சங்ககாராவும் ஜோடி சேர்ந்து ரரன்களை சேர்க்க துவங்கினர். சங்ககாரா 22 ரன்னில் அவுட்டானார். பின்னர் வந்த மாத்யூஸ் ஒரு ரன்னில் வெளியேறினார். கேப்டன் ஜெயவர்த்தனா 33 ரன்னில் அவுட்டானார். குலசேகரா 26 ரன்கள் எடுத்து அவுட்டானார். இதன் பின்னர் வந்த வீரர்கள் ஒருவர் பின் ஒருவராக வெளியேறினர். மெண்டீஸ் 3 ரன்னிலும், பெரரா 3 ரன்னிலும், திரிமானே 4 ரன்னிலும் என அனைத்து வீரர்களும் சொற்ப ரன்களுக்கு அவுட்டாக வெஸ்ட் இண்டீஸ் அணி 36 ரன்கள் வித்தியாசத்தில் வெற்றி பெற்று சாம்பியன் பட்டம் வென்றது.

வாழ்த்துகள் மேற்கிந்திய தீவுகளுக்கு.
நேற்றைய ஆட்டம் இலங்கை பேட்டிங் இல் ஒரே சொதப்பலாக இருந்தது.
batsman அனைவரும் கை கொடுக்க வில்லை
வெற்றி வாய்ப்பு கையில்ருந்தும் கோட்டை விட்டது..

உலகக்கோப்பை வரலாற்றில் மேற்கிந்தியத் தீவுகள் எத்தனையாவது முறையாகக் கோப்பையை கைப்பற்றியிருக்கிறார்கள் என தெரிந்தவர்கள் சொலுங்களேன்?

ச. சந்திரசேகரன் wrote:உலகக்கோப்பை வரலாற்றில் மேற்கிந்தியத் தீவுகள் எத்தனையாவது முறையாகக் கோப்பையை கைப்பற்றியிருக்கிறார்கள் என தெரிந்தவர்கள் சொலுங்களேன்?

கூகுள் தம்பியை கேட்டா சொல்லிட போறான்..