சி.......ரி.....த்....து.... மகிழலாம்...

**ரா.ரா3275** · **ரா.ரா3275** Sat Dec 08, 2012 11:32 pm

நண்பர்களே...

"நடுவுல கொஞ்சம் பக்கத்த காணோம்" திரைப்படம் பார்த்தோம் நான் என் மனைவியும்...
அந்த பட அனுபவத்தைப் பகிர விரும்பியே இந்தப் பதிவு...

படத்தின் தலைப்பே வித்தியாசமாக இருக்க...அதன் மீது ரிலீசுக்கு முன்பிருந்தே ஓர் ஈர்ப்பு எனக்கு...
அதில்லாமல் பிரேம்குமார் என்ற ஒளிப்பதிவாளரின் வாழ்க்கையில் நடந்ததுதான் இந்தப் படத்தின் கதைக்கரு என்று
பத்திரிகைகளில் செய்தி வந்ததும் இந்த ஈர்ப்புக்கு இன்னொரு காரணம்...

ஆரம்பம் முதல் சற்றே 'வழக்கமான' அலட்சியத்துடன் படம் பார்க்க ஆரம்பித்தேன்...ஆரம்பித்தில் இருந்தே என் மனைவியும் சரி...
படம் பார்த்த அனைவரும் வெகுவாக சிரிக்கத் தொடங்க...நான் மட்டும் கொஞ்சம் இயல்பு திரிந்தவனாக அழுத்தமாகவே சிரிக்காமல் இருந்தேன்...

அனால் நண்பர்களே...சிறிது நேரத்திற்கு மேல் என் அழுத்தத்தை(திமிரென்றும் சொல்லலாம்) அந்தப் படம் சுக்கு நூறாக உடைத்துப் போட்டது...பிறகென்ன?...என்னருகில் இருந்த மனைவிக்கு மேல் நான் பட்டாசாக வெடித்துச் சிரிக்கத் தொடங்கினேன்...அப்படி ஆக்கிவிட்டது அந்தப் படம்...இரண்டு மூன்று வசனங்களைத் திரும்பத் திரும்ப பேச வைத்து அது அலுக்காமல்-எரிச்சலூட்டாமல் இருந்தது எனக்குத் தெரிந்து இதுவே முதல் படம்...

நண்பர்களே...ஓர் உத்தரவாதம் உங்களுக்கு...நீங்கள் கண்டிப்பாக இந்தப் படத்தைப் பாருங்கள்...நிச்சயமாக சிரித்து சிரித்து சிரித்து சிரித்து
சிரித்து....சி.......ரி.....த்....து.... மகிழலாம்...இரண்டு மணி நேரம் இன்பமாகச் சிரித்து மகிழ இந்தப் படம் மிகப் பெரிய ஊடகப் படைப்பு...

மீண்டும் நான் அடித்துச் சொல்வேன்...வழக்காமான சினிமா இது இல்லை...உண்மையிலேயே...மிக வித்தியாசமான படம்...

அந்தப் படக்குழுவுக்கு என் சார்பாகவும் ஈகரை சார்பாகவும் மிகப் பெரும் பாராட்டுகளும்...வாழ்த்துகளும்...