நான் அடுத்த பிறவியில் தமிழனாகப் பிறக்க வேண்டும் - காந்தியடிகள்

**கரூர் கவியன்பன்** · 23/09/2012

நான் அடுத்த பிறவியில் தமிழனாகப் பிறக்க வேண்டும் - இப்படி சொன்னவர் யார் தெரியுமா ? நம் தேச தந்தை காந்தியடிகள் !

மகாத்மா காந்தியடிகள், உலகப் புகழ்பெற்ற எழுத்தாளர் லியோ டால்ஸ்டாய்க்கு ஒரு கடிதம் எழுதினார். அக்கடிதத்தில் 'தம்மைத் துன்புறுத்து வோரையும் தண்டிக்காது மன்னிக்கும் குணம் பற்றித் தாங்கள் கூறியிருக்கும் செய்தி, என்னை மிகவும் கவர்ந்தது' என்று குறிப்பிட்டார்.

கடிதத்தைப் படித்த லியோ டால்ஸ்டாய் மிகுந்த தன்னடக்கத்தோடு, 'இந்தப் பெருமையும், புகழும் எனக்கு உகந்ததல்ல. உங்கள் தேசத்தில், தமிழ்நாட்டில் பிறந்து, திருக்குறள் எனும் அற்புத நூலைப் படைத்த திருவள்ளு வரையே சாரும். இதோ, அப்பொருள் உணர்த்தும் குறள்' என்று ஆங்கிலத்தில் மொழி பெயர்க்கப்பட்ட திருக்குறளைக் குறிப்பிட்டிருந்தார். அந்தக் குறள்...

இன்னா செய்தாரை ஒறுத்தல் அவர்
நாண நன்னயம் செய்து விடல்.

இந்நிகழ்வுக்குப் பின், ஆங்கிலத்தில் மொழி பெயர்க்கப்பட்ட திருக்குறளை காந்தி படித்தார். பின், 'நான் அடுத்த பிறவியில் தமிழனாகப் பிறக்க வேண்டும். ஏன் தெரியுமா? ஆங்கிலத்தில் படிக்கும்போதே... இத்தனை சுவையாக இருக்கிற திருக்குறளின் மூலநூலை தமிழ்மொழியில் படிக்க வேண்டும். அதற்காகவே, நான் ஒரு தமிழனாகப் பிறக்க வேண்டும்' என்றார்..

தமிழனாய் பிறந்ததில் கர்வம் கொள்வோம் !!!

நன்றி - பொதுவுடைமை,

அச்சலா · அச்சலா Wed Jan 02, 2013 10:51 pm

dhilipdsp · dhilipdsp Thu Jan 03, 2013 9:20 am

DERAR BABU · DERAR BABU Thu Jan 03, 2013 10:50 am

அப்போது சொல்லிருப்பார் , இப்ப இருந்தா கண்டிப்பாக சொல்லமாட்டார்.....

ஹர்ஷித் · ஹர்ஷித் Thu Jan 03, 2013 11:35 am

V.BABU wrote:அப்போது சொல்லிருப்பார் , இப்ப இருந்தா கண்டிப்பாக சொல்லமாட்டார்.....

எப்போது படித்திருந்தாலும் சொல்லி இருப்பார் ஏன் எனில் அவர் ரசித்தது தமிழ் மொழியில் இயற்றப்பட்ட திருக்குறளை..திருக்குறள் அனைவராலும் ஏற்றுக்கொள்ளப்பட்ட பொது மறை......
தமிழனின் கோலங்கள் மாறினாலும்
தமிழின் கோலம் இக்கோளில் மாறாது.
நன்றி.