யாழ்ப்பாணத்தில் இருந்து லொயாலாக் கல்லூரி மாணவர்களுக்கு ஓர் செய்தி!

ஒரு அவசர செய்தி .. லோயலா கல்லூரி மாணவர்களின் உண்ணாவிரதத்தின் முக்கியத்துவத்தை எம் ஈழ மக்களிடம் எடுத்துச்செல்லவும் .. பட்டினிப்போராட்டம் நடத்தும் மாணவர்களுக்கு ஓர் ஊக்கம் கொடுக்கும் முகமாகவும் இன்று யாழ்பாண நகரத்தில் எம்மால் இரவோடு இரவாக துண்டுப்பிரசுரங்கள் ஒட்டப்படுள்ளன.. இச்செய்தியின் முக்கியம் நன்குணர்ந்த நீங்கள் தயவுசெய்து இதனை இணைய உலகெங்கும் பரப்ப உதவிசெய்யுங்கள்… பலத்த இராணுவ கண்காணிப்பினுள்ளும் மாணவர் நாம் செய்தவற்றை லோயலா கல்லுரி மாணவர்களிடம் கொண்டு சேர்த்துவிடுங்கள்…

கீழே அதன் முழுவடிவமும் துண்டுப்பிரசுரத்தின் பிரதியும் இணைக்கப்படுக்கது..

தயவுசெய்து இதனை தமிழ சகோதரர்களிடம் சேர்த்து விடவும்…

அன்புடன் தம்பிகள்..

எமக்காய் உணவு தவிர்ப்பு போராட்டம் நடத்தும் தாய்த்தமிழகத்து மாணவத்தோழர்களுக்கு…

இன்று ஈழம் இன அழிப்பின் உச்சக்கட்ட கொடுமைகளை அனுபவிக்கிறது.ஜந்து நபர்களுக்கு ஒரு இராணுவம் என்ற ரீதியில் ஈழம் முற்றுமுழுதாக சிங்கள இராணுவத்தால் சூழப்பட்டுள்ளது…

நேர்த்தியாக முறைப்படுத்தப்பட்ட இனஅழிப்பு (structural genocide)வல்லரசுகளின் வழிகாட்டலில் முழு வீச்சில் நடைபெறுகிறது.

எங்கும் இராணுவம் எதிலும் இராணுவம்..

திருமணத்துக்கு கூட இராணுவத்துக்கு முதல்மரியாதை செய்யவேண்டிய கட்டாயத்தில் இருக்கிறோம்..

எமக்கு இங்கு சாப்பிட மாத்திரமே வாய்திறக்க அனுமதி அளிக்கப்படுகிறது..

‘’நான் அடிக்கிறது போல் அடிக்கிறேன் நீ அழுவது போல் அழு’’ என்பது போல் சர்வதேசமும் சிங்கள அரசுடன் மறைமுகமாக கைகோர்க்கிறது..

இங்கு தினம் தினம் இசைப்பிரியாக்களும் பாலச்சந்திரன்களும் புதைக்கப்படுகிறார்கள்..

இந்நிலையில் எம்மக்களுக்கு நீதி சொல்ல தமிழகத்தை விட்டால் யாருமில்லை..

போராட இடம் கூட மறுக்கப்பட்ட நிலையில் எமக்காய் போராடும் எம் இரத்தத் உறவுகளே…

லோயலா கல்லூரியில் எழுந்துள்ள இத்தீப்பொறியை தமிழக கல்லுரிகள் அனைத்துனுள்ளும் பரப்புங்கள்

அன்று முத்துக்குமாரன் எழுப்பிய தீயை அரசியல் அணைத்தது போல் இன்று உங்களுடைய போராட்டத்தை அணையை விடாதீர்கள்.. சமரசங்கள் பல வடிவில் வரும் சோர்ந்து போய் விடாதீர்கள், ஏமாந்து போய் விடாதீர்கள்.

‘’மாணவர் சக்தி மாபெரும் சக்தி’’,
நன்றி:http://www.tamilcnn.org

சிறப்பான பகிர்வு நன்றி

ஜாஹீதாபானு wrote:சிறப்பான பகிர்வு நன்றி

அதுமட்டுமல்ல அனைவரும் பகிரவேண்டிய பதிவும் கூட

தமிழர்களின் பிரச்சினை தீர்வதற்கு முதலில் தமிழர்களிடம் விழிப்புணர்வு வேண்டும்

தமிழகத்தை ஆண்ட அரசியல் கட்சிகளால் சுமார் 40 வருடங்களாக மக்கள் மூளை மழுங்கடிக்கப்பட்டுவிட்டார்கள் அடுத்த தலைமுறையாவது தான் யார் தன்னுடைய வரலாறு என்ன என்று உணர வேண்டும்.

இனியாவது விழித்து எழுமா என் இனம்???????

மாணவனை மதித்தால் மதிப்பான் மிதித்தால் மிதிப்பான் என்ற சொல்படி இந்த போராட்டம் தொடர தமிழினம் தோள்கொடுக்கும் .....