குர்பானி எதற்காக?

**சிவா** · **சிவா** Fri Jul 10, 2009 4:51 am

இறையச்சத்தின் அடிப்படையில் செய்ய வேண்டிய இந்த குர்பானியின் மகத்துவத்தை நாம் ஒவ்வொருவரும் அறிந்து கொள்ளுதல் அவசியமாகும்.

நபி இப்ராஹீம் (அலை) அவர்களின் மகன் இஸ்மாயீல் (அலை) அவர்களை அறுத்துப் பலியிடுமாறு அல்லாஹ் கனவின் மூலம் இப்ராஹீம் (அலை) அவர்களுக்கு கட்டளையிட்டான். அதை நிறைவேற்ற தன் மகனை அழைத்துப் பலியிட நெருங்கியபோது அல்லாஹ் அதைத்தடுத்து பிராணியை அறுத்துப் பலியிடுமாறு கட்டளையிட்டான்.

இவர்களின் இந்த தியாகத்தை நினைவுகூறும் வண்ணம் மற்ற அனைவரும் பிராணியை பலியிட வேண்டும் என அல்லாஹ் கட்டளையிடுகிறான். இந்த விவரங்களை அல்லாஹ் திருமறைக் குர்ஆனின் 37„101-108 வசனங்களில் தெளிவுபடுத்துகிறான். இப்ராஹீம் (அலை) அவர்கள் எப்படி தன் மகனையும் அல்லாஹ்வுக்காக பலியிட முன் வந்தார்களோ அதைப் போன்று நாமும் நம்மையே அர்பபணிக்க முன்வருவோம் என்பதை எடுத்துக் காட்டும் விதமே இந்தக் குர்பானியைக் கொடுக்கிறோம். இந்தக் குர்பானி கொடுப்பதின் நோக்கம் இறையச்சம் ஒன்றைத் தவிர வேறில்லை.

குர்பானியின் மாமிசமோ, அவற்றின் இரத்தமோ அல்லாஹ்வை அடைவதில்லை. எனினும் உங்கள் இறையச்சமே அவனை அடைகிறது. (அல்குர் ஆன் 22„ 37) - இவ்வசனம் குர்பானியின் உண்மையான நோக்கத்தை தெளிவாக விளக்குகிறது. குர்பானி பெருமைக்காகவோ, வேறு காரணத்திற்காகவோ செய்யப்படுமானால், குர்பானியின் நன்மையை எள்ளளவும் அல்லாஹ்விடம் பெற முடியாது.

சபீர் · சபீர் Sun May 23, 2010 2:11 pm

சரியாக சொல்லியுள்ளீகள்.உங்கள் ஒவ்வொரு பதிவுகளையும் விடாது படித்து வருகின்றேன் சந்தோஷம் நன்றி தொடருங்கள் சகோதரா

குர்பானி எதற்காக?

குர்பானி எதற்காக?

Re: குர்பானி எதற்காக?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக