கலெக்டர் அலுவலகத்தில் விஷம் குடித்த வாலிபர்

நவீன் · நவீன் Tue Aug 10, 2010 9:11 am

தேனி:

கலெக்டர் அலுவலகத்தில், விஷம் குடித்து மயங்கி விழுந்த ஊனமுற்ற
வாலிபரால் பரபரப்பு ஏற்பட்டது. தேனி கலெக்டர் அலுவலகத்தில், நேற்று நடந்த
மக்கள் குறை தீர்க்கும் நாள் கூட்டத்தில் மனு கொடுப்பதற்காக கையில்
பூச்சிக்கொல்லி மருந்து பாட்டிலுடன் ஆண்டிப்பட்டி சித்தார்பட்டியை சேர்ந்த
பாக்கியராஜ்(35) என்ற ஊனமுற்ற வாலிபர் வந்திருந்தார். கலெக்டர்,
டி.ஆர்.ஓ., இருவரும் விடுமுறையில் இருந்ததால், மனுவை கலெக்டரின் நேர்முக
உதவியாளர்(விவசாயம்) ராமகிருஷ்ணன் பெற்றார். மனுக்கான ரசீதையும்
பெற்றுக்கொண்ட பாக்கியராஜ், கலெக்டர் அறை முன் ஊன்றுகோலுடன் நடந்து
வந்தார். "எனது குறையை சொல்ல கலெக்டரும் இல்லையே' என கூச்சலிட்டவாறே
கையில் வைத்திருந்த பூச்சி மருந்தை குடித்தார். சிறிது நேரத்தில் மயங்கி
விழுந்தார். தகவலறிந்த அதிகாரிகள் ஆம்புலன்சுக்கு தகவல் கொடுத்தனர்.
ஆம்புலன்ஸ் வர தாமதமாகவே, போடி தாசில்தார் ஜீப்பில் ஏற்றி மருத்துவமனைக்கு
அனுப்பி வைத்தனர். மனுவில் பாக்கியராஜ் கூறியுள்ளதாவது: எனது மனைவி
புஷ்பத்திற்கு பலருடன் தொடர்பு இருந்ததால், வாழ பிடிக்காமல் பிரிந்து
விட்டேன். மனைவி கொடுத்த புகாரில், ஆண்டிப்பட்டி மகளிர் போலீஸ்
இன்ஸ்பெக்டர் பூங்கோதை, என்னை மிரட்டி ஒரு லட்சம் பணம், ஏழு சவரன் நகை
கொடுத்து விட்டுப் போ என்றார். என் மனைவி எதுவுமே இல்லாமல் சும்மாதான்
வந்தார். இன்ஸ்பெக்டர் என்னை அடிக்கிறார். என் மனைவியின் குடும்பத்தினரும்
அடித்து மிரட்டுகின்றனர். இதில் இருந்து மீள வழி தெரியாமல் மருந்து
குடித்து இருக்கிறேன். இவ்வாறு மனுவில் தெரிவித்துள்ளார். இதுகுறித்து
அதிகாரிகள் நடவடிக்கை எடுத்து வருகின்றனர்.

கலெக்டர் அலுவலகத்தில் விஷம் குடித்த வாலிபர்

கலெக்டர் அலுவலகத்தில் விஷம் குடித்த வாலிபர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக