ஐ.நா.வில் இலங்கைக்கு எதிரான புதிய தீர்மானம்: யு.எஸ். முடிவு

**கரூர் கவியன்பன்** · 23/09/2012

ஐக்கிய நாடுகளின் மனித உரிமை கவுன்சிலில் இலங்கைக்கு எதிராக புதிய தீர்மானம் ஒன்றைக் கொண்டுவர அமெரிக்கா முடிவு செய்துள்ளது.

ஜெனீவாவில் மார்ச் மாதம் நடைபெறவுள்ள கூட்டத்தில் இந்த தீர்மானத்தை கொண்டுவர முடிவு செய்யப்பட்டுள்ளது என்று இலங்கைக்கான அமெரிக்கத் துணைத் தூதரக உதவிச் செயலர் ஜேம்ஸ் மூர் தெரிவித்துள்ளார்.

கொழும்புவில் இதுகுறித்து அவர் மேலும் கூறுகையில், இலங்கை மக்களின் நலன்கருதியே இத்தகையத் தீர்மானம் ஒன்றை மீண்டும் கொண்டுவர முடிவு செய்யப்பட்டுள்ளதாகத் தெரிவித்தார்.

இலங்கையில் போரின்போது குற்றங்களில் ஈடுபட்ட ராணுவ அதிகாரிகள் மீது விசாரணை நடத்தப்பட வேண்டும் என்பன உள்ளிட்ட அம்சங்கள் அடங்கிய புதிய தீர்மானம் கொண்டுவரப்படவுள்ளதாக அவர் குறிப்பிட்டுள்ளார்.

முன்னதாக, இலங்கையில் தமிழர் பகுதியில் நடக்கும் மறுசீரமைப்பு நடவடிக்கைகளை ஜேம்ஸ் மூர் தலைமையிலான குழு பார்வையிட்டது.

விகடன்