மறக்க முடியாத வர்த்தகச் சின்னங்கள்

First topic message reminder :

ஹெர்குலஸ் மிதிவண்டி ( 1950s - 1990s), டிவிஎஸ் - 50 ( 1980 - ..), பஜாஜ் செடாக் ( 1972 - 2005), யெஸ்டி : ( 1961 - 1995 ), டிவிஎஸ் - இண்ட் சுசுகி ( 1980s - 1990s )...
**************************************************************************************
உங்களோட சின்ன வயசப் பத்தி சொல்லச் சொன்னா, உங்களுக்கு என்னென்ன நினைவிற்கு வரும்?

சின்ன வயசு விளையாட்டுக்கள், நண்பர்கள், விழாக்கள், அப்புறம்...... நாம் பயன்படுத்திய பொருட்கள் அல்லது வர்த்தகச் சின்னங்கள் (பிராண்டுகள்). ஆமாங்க, நாம பார்த்துப் பழக்கப்பட்ட மறக்க முடியாத வர்த்தகச்சின்னங்கள் பத்தி தான் இங்கே பார்க்க போறோம்..

1. ஹெர்குலஸ் மிதிவண்டி ( 1950s - 1990s)

நமக்கு இந்த வண்டி அறிமுகம் ஆனதே எங்க வூட்டுக்கு வர்ற பால்காரர் மூலமாத்தான். அவரு வண்டி கைப்பிடில பூச்சுத்தி வச்சிருப்பாரு. அதனால விவரம் தெரியற வரைக்கும் இதுக்கு பேரு பூவண்டி.

இந்த வண்டில இருந்த வசதியப் பத்தி சொல்லனும்னா, குரங்குப் பெடல் போடலாம், டபுள்ஸ், டிரிபுள்ஸ் போகலாம், என்ன அடி அடிச்சாலும் தாங்கும். எத்தனையோ வீடுகள்ல குழந்தைகள உட்கார வைக்கற அளவுக்கு ஒரு சீட்டும் வச்சிருப்பங்க. இந்த வண்டில விளக்கு எரியலன்னு எங்கூரு காவல் நிலையத்துல பிடிச்சு வைச்சுக்கறது கூட நடக்கும் )



இந்த வண்டியோட செல்வாக்கு ஹீரோ ரேஞ்சர், BSA SLR எல்லாம் வர ஆரம்பிச்சவுடனே குறைய ஆரம்பிச்சிருச்சு.. ஆனாலும் நல்ல நேரம் எம்.ஜி.ஆர்ல ஆரம்பிச்சு, தலைவரோட அண்ணாமலை வரைக்கும் வந்த வண்டிங்கரங்காட்டி இதுக்கு எப்பவுமே நம்ம மனசுல ஒரு இடம் இருக்கத்தாங்க செய்யுது.

"ஓரம்போ.. ருக்குமணி வண்டி வருது" பாட்டைப் பொது இடங்கள்ல பாடத் தடை செஞ்சிருந்தாங்களாம். அந்த அளவுக்கு சைக்கிள் பிரபலமா இருந்ததுங்கறத இப்ப நம்ப முடியுதா?
*********
2. டிவிஎஸ் - 50 ( 1980 - ....)

"நம்ம ஊரு வண்டி டிவிஎஸ் XL", இந்த விளம்பரத்தப் பத்தி சொல்ல வேண்டியதில்லை.

இதுக்கு முன்னாடி இருந்த லூனா, சுவேகா மாதிரி வண்டியெல்லாம் என்ன முறுக்கினாலும் 30 கிமி வேகத்தைத் தாண்டாது. அந்த நேரத்துல தான் நம்ம டிவிஎஸ் - 50 வந்ததாம்.



நம்ம ஊருக்காரங்களக் கேட்டாத் தெரியும். மூனு சிலிண்டர ஏத்தி வச்சிட்டு, பின்னாடி ஒரு துணிக்கட்டையும் வச்சிட்டு போவாங்க பாருங்க. இப்ப இருக்கற மினிடார் (MINIDOR) செய்யற வேலைய இது செய்யும்.
ஒரு சின்னக் குடும்பத்துல இருக்கற அத்தனை பேரையும் ஏத்திட்டுப் போக முடியும். காலப்போக்குல டிவிஎஸ் - 50, XL SUPERஆ மாறிடிச்சு.

*******
3. பஜாஜ் செடாக் ( 1972 - 2005)

"ஹமாரா பஜாஜ்".. இந்த வாசகத்தக் கேட்காத ஆளே இருக்க முடியாதுன்ன நினைக்கிறேன்.



நம்ம ஊருல வங்கி மானேஜர், ஒரு சில பணக்காரங்க மட்டும் தான் இந்த வண்டிய வச்சிருக்காங்கனு நினைச்சுட்டு இருந்தேன், நான் ஒருமுறை ஹைதராபாத் போகிற வரைக்கும். நம்ம தமிழகத்தத் தவிர்த்துட்டுப் பார்த்தா மற்ற மாநிலங்கள்ல அதிகமா பார்க்க முடியறது இந்த வண்டி தாங்க.

"ஹமாரா பஜாஜ்"ங்கர வர்த்தக வசனத்துக்கு ஏத்த மாதிரி, ஒரு சின்ன குடும்ப முழுக்க இந்த வண்டில சவாரி செய்ய முடியும்..

நம்ம பஜாஜ் பல்சர் மற்றும் இதர 4 STROKE எஞ்சின் வண்டிக வர ஆரம்பித்த பிறகு இந்த வண்டியோட செல்வாக்கு குறைய ஆரம்பித்து விட்டது.

********

4. யெஸ்டி : ( 1961 - 1995 )

ராஜ்தூத், புல்லட் மாதிரி வண்டிகள் இருந்த போது கோலோச்சிய வண்டி தான் "யெஸ்டி". இப்ப ஒரு 40 வயதாகிறவங்களக் கேட்டுப் பாருங்க.. இந்த வண்டி தான் அப்போதைய இளைஞர்கள் விருப்பமாம்.



வண்டிய 'ஸ்டார்ட்' பண்ணவே கடினம்னாலும், இந்த வண்டி மேல மிகுந்த மோகமாம். இப்பவும், என் நண்பர் ஒருத்தர் இந்த வண்டிய பயன்படுத்தீட்டு இருக்கிறார்.. ******** 5. இண்ட் சுசுகி ( 1980s - 1990s ) இந்த வண்டி வந்த பிறகு தான் இருசக்கர வாகனங்களில் டிவிஎஸ் நிறுவனத்திற்கு ஒரு தனி இடம் கிடைத்தது. அடுத்ததாக வந்த AX-100R வரும் வரை இந்த வண்டி பிரபலமாக இருந்தது.



ன்னகை மன்னன் படத்தில் கமல், மௌன ராகம் கார்த்திக் என்று இந்த வண்டியும் மிகவும் பிரபலம் தான்.
********
என்ன தான் இப்போது எத்தனையோ இருசக்கர வாகனங்கள் வந்தாலும், மேலே குறிப்பிட்ட வர்த்தக சின்னங்களுக்கு நம் மனதில் ஒரு இடம் இருக்கத்தான் செய்கிறது.

லெஹர் 7அப் (1992 - ... ), மேங்கோ ஃப்ரூட்டி (1970s - ... ),ஜெம்ஸ் ( 1968 - ... ),நியூட்ரின் இனிப்பு வகைகள் ( 1960s - ...)கேம்லின் ( 1931 - ...),ஹீரோ பேனா (1968 - ... ), பிரில் ( 1964 - ..... ), நடராஜ் பென்சில் (1958 - ..)
************************************************************************************
வர்த்தகச் சின்னங்கள் ( பிராண்ட்ஸ்) என்றால் நாம் சிந்திப்பது ஆப்பிள், சாம்சங்க், பெப்சி, கோககோலா போன்ற நிறுவனங்களின் சின்னங்களைத் தான்.
இந்த அளவிற்குப் பெரிய நிறுவனங்களின் பொருட்களாக இல்லாவிட்டாலும் ஒரு சிலவற்றின் மதிப்பு மட்டும் குறைவதே இல்லை.

அந்த வரிசையில் நாம் காணப்போகும் வர்த்தகச் சின்னங்கள் கீழே..
கேம்லின் ( 1931 - ....... )

கணிதத்தில் வரும் வடிவியல் (ஜியாமெட்ரி) என்றாலே நமக்கு நினைவிற்கு வருவது கேம்லின் தான். எத்தனையோ வர்த்தகச் சின்னங்கள் வந்தாலும் கேம்லினிற்குத் தனி இடம் இருக்கத்தான் செய்கிறது.



ஹீரோ பேனா - (1968 - ... ):

இன்றைய தேதியில் சீனத் தயாரிப்பு என்றாலே போலியாக இருக்குமோ, தரக்குறைவான பொருளோ என்று பயப்படுகிறோம். ஆனால் ஒரு பொருள் "மே-இன்-சீனா" என்றால் பெருமிதம் கொள்ளும் அளவிற்கு இருந்தது என்றால் அது கட்டாயமாக ஹீரோ பேனாவாகத்தான் இருக்கும்.



அதுவும் பள்ளிக்காலத்தில், "ஹீரோ பேனா" வைத்திருப்பது "பார்க்கர் பேனா" வைத்திருப்பது போல. என்ன தான் ஹீரோ பேனாவில் அதிகமாக மையைச் சேர்த்து வைக்க முடியாது என்றாலும் ரெனால்ட்டு -045 போன்ற பேனாக்கள் வந்தாலும் இதன் மதிப்பு மட்டும் குறையவே இல்லை.

********
பிரில் - ( 1964 - ..... ):

பேனாவைப் பற்றிக் கூறிவிட்டு அதில் ஊற்றும் மையைப் பற்றிக் கூறவில்லை என்றால் நன்றாகவா இருக்கும்?



பேனா மை என்றால் "பிரில்" தவிர்த்து வேறு எந்த நிறுவனமும் இல்லை என்கிற நிலை, வேற எந்தத் துறையிலாவது இருக்க முடியுமா?
பள்ளிக்கூட இறுதி நாளில், நண்பர்களின் சட்டையில் மையை அடித்ததை நினைத்து பார்க்கும் போது கிடைக்கும் மகிழ்ச்சியில் பிரில்லுக்கும் ஒரு இடம் இருக்கத்தான் செய்கிறது )
*********
நடராஜ் பென்சில் - (1958 - .....) :

தூர்தர்சன் காலத்தில் ஒரு விளம்பரம் வரும், "மூன்று பென்சில்களுக்கான ஓட்டப்பந்தயம் அது, மற்ற பென்சில்களின் முனை உடைந்து விடும், நடராஜ் மற்றும் முன்னேறி வெற்றியடையும்"



இன்றும் கடையில் போய் பென்சில் வாங்கினால் நமக்குக் கடைக்காரர் தருவது நடராஜ் பென்சிலைத்தான். என்ன தான் அப்சரா போன்ற போட்டி நிறுவனங்கள் இருந்தாலும் நடராஜின் மீது நமக்கு ஒரு தனிப்பற்று தான் ( நடராஜ் என்ற பெயர்க் காரணமோ?)
********
நியூட்ரின் இனிப்பு வகைகள் ( 1960s - ...... )

பச்சை நிற காகிதத்தில் சுற்றப்பட்டிருக்கும் மிட்டாய் தான் நியூட்ரின் மிட்டாய் வகைகள். எனக்குத் தெரிந்து 15 பைசாவிற்கு விற்றது.



கேட்பரீஸின் எக்ளைர்ஸ், டைரி மில்க் போன்ற மிட்டாய் வகைகள் விலை அதிகமானதால், நியூட்ரின் இனிப்பு வகைகள் எளியவர்களின் தேவையைப் பூர்த்தி செய்வதாக இருந்தது.

ஆசை படம் வந்த நேரத்தில் இருந்து இதே நிறுவனத்தின் ஆசை மிட்டாயும் வெகுவாகப் பிரபலமடைந்திருந்தது.
********
ஜெம்ஸ் ( 1968 - .... )
"ஒரு சிறுவன் மைதானத்தில் மட்டையைப் பிடித்துக்கொண்டு இருப்பான். இன்னொரு சிறுவன் பந்தை வீச அது நேராக சிறுவனின் வாயில் போய் விழும். பார்த்தால் அவன் வீசியது ஜெம்ஸ் மிட்டாயை....". தூர்தர்சன் காலத்தில் பார்த்த அழகான விளம்பரம் இது.



எப்போதாவது ஜெம்ஸ் மிட்டாய் வாங்கும் அளவிற்கு காசு கிடைப்பதுண்டு. இந்த ஜெம்ஸ் மிட்டாய் விற்பனையில் தான் எத்தனை வர்த்தக உத்திகள். ஒரு முறை பார்த்தால் பொம்மைகளுடன் வரும், சில சமயம் பால்ரச குண்டுடன் வரும். (அது தான் நகர்த்தி நடுவில் சேர்ப்போமே.. )

கண்ணைக் கவரும் நிறத்தில் வருவதால், குழந்தைகள் மத்தியில் ஜெம்ஸிற்கு ஒரு தனி இடம் தான்.

********
லெஹர் 7அப் - (1992 - ... )

இப்பொழுது எப்படி வோடபோன் விளம்பரங்கள் பிரபலமோ, அந்த அளவிற்கு அந்த விளம்பரமும் பிரபலம் தான். பிடோ-டிடோவின் துறுதுறுப்பான வடிவமைப்பே இந்த குளிர்பானத்தை விளம்பரப்படுத்தப் போதுமானதாக இருந்தது.



கோல்ட்-ஸ்பாட், டொரினோ போன்ற வர்த்தகச்சின்னங்கள் மந்தமடையத்தொடங்கிய நேரம் தான் இந்த 7அப் குளிர்பான விற்பனை சூடானது.

**********

மேங்கோ ஃப்ரூட்டி - (1970s - ....... )

"மேங்கோ ஃப்ரூட்டி ஃப்ரெஸ் அன் ஜூசி ".. இந்த விளம்பரம் தெரியாதவர்களே இருக்க முடியாது.
மாஸா, ஸ்லைஸ் போன்ற வர்த்தகச்சின்னங்கள் வருவதற்கு முன்பிருந்தே மாம்பழ ருசியுள்ள குளிர்பானம் என்றால் அது ஃப்ரூட்டி தான். கடும்போட்டியை சமாளித்து இன்றும் புதுப்புது வடிவங்களில் வந்து கொண்டு தான் இருக்கிறது.





நன்றி:- செந்திலின் பக்கங்கள்

அருமையான திரி பாலா.................

'சுவேகா ' என்றாலே புடவைக்காரன் வண்டி, வேன்னைக்கரன் வண்டி என்று சொல்லுவோம் அப்போ

4. யெஸ்டி : ( 1961 - 1995 )

ராஜ்தூத், புல்லட் மாதிரி வண்டிகள் இருந்த போது கோலோச்சிய வண்டி தான் "யெஸ்டி". இப்ப ஒரு 40 வயதாகிறவங்களக் கேட்டுப் பாருங்க.. இந்த வண்டி தான் அப்போதைய இளைஞர்கள் விருப்பமாம்.வண்டிய 'ஸ்டார்ட்' பண்ணவே கடினம்னாலும், இந்த வண்டி மேல மிகுந்த மோகமாம்.

ரொம்ப நிஜம் 'இவர்' ராஜ் தூத்தும்    , இவர் அண்ணா யெஸ்டியும் வெச்சிருந்தார்கள்.....அதில்  பயணிப்பதே .........ஒரு சுகம் தான்

balakarthik wrote:

சரவணன் wrote:

balakarthik wrote:நன்றி சரோ சென்னைல ரொம்ப அரிதாகதான் கிடைக்குது இதுக்கு முன்னாடி கேட்பெரியாவது மண்ணாவது எல்லாம் வெத்துத்தான்  

சென்னைலிருந்து என் நண்பர்கள் எங்க ஊருக்கு வரும்போதெல்லாம் இதை பாக்கெட் பாக்கெட்டா வாங்கிட்டு போவானுங்க, எலந்த அடை  ரோல் ரோலா வாங்கிட்டு  போவானுங்க..........

எலந்த ஆடை ஜீரா முறுக்கு எல்லாமே அருமையா இருக்கும் சென்னைல ஜீரா முறுக்கு கிடைக்குது

காதி  கிராப்ட்  போனா எலந்த அடையும் கிடைக்கும்  

ரங்கநாதன் தெருவில், வலது பக்கம் முதல் கடை இல் மட்டும் கிடைக்கும், இப்போ தெரியலை

krishnaamma wrote:ரங்கநாதன் தெருவில், வலது பக்கம் முதல் கடை இல் மட்டும் கிடைக்கும், இப்போ தெரியலை

இப்போ சுடிதார் தைக்கிற கடித்தான் இருக்கு முன்னாடி ஒரு ஜூஸ் கடை இருந்தது இப்போ இருக்கானு தெர்ல

சரவணன் wrote:

balakarthik wrote:

அப்டினா எனக்கு ஒரு ப்ளைட் உரப்படை பார்சல்

பார்சல் பனுறது முக்கியமில்ல வந்து சேர 8 மாசம் ஆகும் சாப்டுட்டு இருந்தா மேற்கொண்டு அனுப்புறேன்

அடுத்த நாளே வந்துடும் நு கொரியர் விளம்பரம் போடுறாங்க. அப்ப டி.வி ல வர விளம்பரம் எல்லாமே பொய்தானா!

மேற்கோள் செய்த பதிவு: 1140914

ஆமாம் சரவணன், காசை வாங்கிக்கொண்டு ஏமாத்தறாங்க, இப்போ 2 தரமாய் பெங்களுரிலிருந்து சென்னைக்கு போய்சேர 4 நாள் ஆகிறது

ஹார்லிக்ஸ் சொல்ல மறந்துடீன்களே



பழைய ஹார்லிக்ஸ் பாட்டில் ரொம்ப ஸ்ட்ராங்கா இருக்கும். ஆர்லிக்சும் நல்ல சுவையா இருக்கும்..

ஆமாம் அப்படியே சாப்பிட்டு காலி பண்ணுவோம் அந்த ஜாடியில் ஹார்லிக்ஸ் இருந்ததை விட ஊறுகாய் உப்பு பருப்பு போன்றவைகள் இருந்ததுத்தான் அதிகம்

balakarthik wrote:ஆமாம் அப்படியே சாப்பிட்டு காலி பண்ணுவோம் அந்த ஜாடியில் ஹார்லிக்ஸ் இருந்ததை விட ஊறுகாய் உப்பு பருப்பு போன்றவைகள் இருந்ததுத்தான் அதிகம்

பழைய ஹார்லிக்ஸ், காம்ப்ளான் பாட்டில்கள் இன்னும் வீட்டில் உள்ளது..உப்பு ஊறுகாய் ஜாடியாக

இந்த ஹீரோ பேனா & பச்சை கலர் crocodile belt இது ரெண்டையும் என்னால் மறக்க முடியாது.

சிறுவயதில் , எங்கப்பா ஆசிரியர் என்பதால் கிராமத்தில் வெளிநாடுகளில் இருந்து யாராவது வந்தால் ஒரு ஹீரோ பேனா எங்கப்பாவுக்கு கிடைக்கும். அத்துடன் ஊரில் உள்ள வயதான மைனர்கள் வெறும் வேட்டியை மட்டும் கட்டிக்கொண்டு இந்த பச்சை பெல்ட் அணிந்த்துகொண்டு ஊரை சுற்றிவருவார்கள்.

சரவணன் wrote:ஹார்லிக்ஸ் சொல்ல மறந்துடீன்களே



பழைய ஹார்லிக்ஸ் பாட்டில் ரொம்ப ஸ்ட்ராங்கா இருக்கும். ஆர்லிக்சும் நல்ல சுவையா இருக்கும்..

இன்று வரை நான் உபயோகிக்கிறேன் எங்க வீட்டு ஹோர்லிக்ஸ் பேபி நான்..கரைக்க வேண்டாம் அப்படியே சாப்பிடலாம் என்று சொல்லும் ரகம்

ராஜா wrote:இந்த ஹீரோ பேனா & பச்சை கலர் crocodile belt இது ரெண்டையும் என்னால் மறக்க முடியாது.

சிறுவயதில் , எங்கப்பா ஆசிரியர் என்பதால் கிராமத்தில் வெளிநாடுகளில் இருந்து யாராவது வந்தால் ஒரு ஹீரோ பேனா எங்கப்பாவுக்கு கிடைக்கும். அத்துடன் ஊரில் உள்ள வயதான மைனர்கள் வெறும் வேட்டியை மட்டும் கட்டிக்கொண்டு இந்த பச்சை பெல்ட் அணிந்த்துகொண்டு ஊரை சுற்றிவருவார்கள்.

பாகெட் வச்ச ஐயப்பசாமி பெல்ட் தானே சொல்லுரிங்க தல , மலைக்கு போகும்பொழுது மட்டும் அதை உபயோகிப்பேன்