திருமந்திரம் விளக்கப்படங்கள்

Namasivayam Mu · Namasivayam Mu Fri 28 Aug 2015 - 16:00

First topic message reminder :

திருமந்திரம்
நந்தியின் சீடரான சுந்தரநாதர் கயிலாசத்திளிருந்து புறப்பட்டு தமிழகம்வந்து திருவாவடுதுறையில் இறந்து கிடந்த மூலன் உடலில் புகுந்து திருமூலர் என்ற பெயரில் மூவாயிரம் பாடல்களை தமிழில் தான் எழுதினார். அதுவே திருமந்திரம் எனப்படுகிறது. கடவுளைப்பற்றிய பல ரகசியங்கள் திருமந்திரத்தில் பொதிந்து கிடக்கிறது.தமிழ் தெரிந்தவர்கள் மட்டுமே திருமந்திரம் பயில வாய்ப்பு பெற்றவர்கள் அதனால்தானோ என்னவோ திருமூலர் தமிழில் திருமந்திரத்தை எழுதி உள்ளார்
திருமந்திரத்திற்குப் பண்டைக்காலத்தில் உரை எழுதப்படவில்லை. 20ஆம் நூற்றாண்டின் நடுப்பகுதியிலிருந்துதான் இதற்குப் பலராலும் உரைகள் எழுதப்பட்டு வந்துள்ளது. இதனால், பல பாட்டுக்களில் கூறப்பட்டிருப்பவைக்கு, வேறுபட்ட, முரண்பட்ட கருத்துக்கள் கொடுக்கப்பட்ட நிலைதான் காணப்படுகிறது.
திருமந்திரத்தில் பொதிந்துள்ள கருத்துக்களை புரிந்து கொள்வதற்கு அதன் பாடலை உரையில்லாமல் மூலத்தையே வாசித்து பொருள் உணரவேண்டும் என்பது என் கருத்து. இருப்பினும் நான் திருமந்திரத்தை வாசிக்கும்பொழுது எனக்குள் தோன்றிய அகக்காட்சிகளை என்னால் முடிந்தவரை படங்களாகப் பதிவு செய்து உங்கள் பார்வைக்கு வழங்குகிறேன்

[You must be registered and logged in to see this image.]

வேதங்கள் ஆட மிகுஆகமம் ஆடக்
கீதங்கள் ஆடக் கிளறண்டம் எழாடப்
பூதங்கள் ஆடப் புவனம் முழுதாட
நாதங் கொண்டாடினான் ஞானானந்த கூத்தே—திருமந்திரம்
*****
கூத்து ---நடனம்,சுவாசம்,இயக்கம்

Namasivayam Mu · Namasivayam Mu Wed 3 Feb 2016 - 23:40

[You must be registered and logged in to see this image.]

உடம்புக்குள்ளே உயிர் உள்ளது.உயிருக்குள்ளே மனம் உள்ளது.மனசுக்குள்ள அறிவு உள்ளது.அந்த அறிவின் உள்ளே ஆத்மா அமர்ந்துள்ளது.
ஆத்மாவின் குறியீடாக சைவ சித்தாந்தம்' ய ' என்ற எழுத்தினை குறிப்பிடுகிறது. ஆத்மாவின் வடிவம் 'ய' என்பதை திருமூலரும் தனது பாடலில் இவ்வாறு சொல்கிறார்.

அந்தமிலானுக்கு அகலிடம் தான் இல்லை
அந்தமிலானை அளப்பவர் தாம் இல்லை
அந்தமிலானுக்கு அடுத்த சொல் தானில்லை
அந்தமிலானை அறிந்துகொள் பத்தே--திருமந்திரம்—1031

அதாவது பத்து என்பது தமிழ் எழுத்தில் யகரமாகும் 'ய'

Namasivayam Mu · Namasivayam Mu Sat 6 Feb 2016 - 17:05

[You must be registered and logged in to see this image.]

உயிர்

உயிருக்கு உருவம் கிடையாது.இது பரவலாக கருதப் படுகிறது.ஆனால் சைவ சித்தாந்தத்தில் உயிரின் குறியீடு 'சி' என்ற எழுத்தாக சொல்லப்படுகிறது. ந ம சி வ ய என்ற ஐந்தெழுத்தில் சி என்பது உயிராக பொருள் கொள்ளப் படுகிறது.

திருமூலர் தமது திருமந்திரத்தில் உயிரின் வடிவத்தைப் பற்றி தெளிவாகக் கூறுகிறார். பசுவின் உடம்பில் உள்ள ஒரு மயிரினை நீள்வாக்கில் ஒரு லட்சம் கூறுகளாக பிளந்தால், கிடைக்கும் மொத்தக் கூறுகளில் ஒன்றின் வடிவமே உயிரின் வடிவம் என்று பின்வரும் பாடலில் குறிப்பிட்டுள்ளார்.

மேவிய சீவன் வடிவது சொல்லிடில்
கோவின் மயிர ஒன்று நூறுடன் கூறிட்டு
மேவிய கூறது ஆயிரம் ஆயினால்
ஆவியின் கூறு நூறயிரத்து ஒன்றே --திருமந்திரம் 1988

Namasivayam Mu · Namasivayam Mu Mon 15 Feb 2016 - 7:01

திருமூலர் காட்டும் இறை இருப்பிடம்: ஆய்வுக்குட்பட்டது.

[You must be registered and logged in to see this image.]

. காளியோடு ஆடி கனக- அசலத்துஆடி
கூளியோடு ஆடி குவலயத்தே ஆடி
. நீளிய நீர் ,தீ, கால்,நீள்வான் இடை ஆடி
நாள் உற அம்பலத்தே ஆடும் நாதனே—திருமந்திரம் 2708

நீளிய நீர்--கடல்

தீ -----சூரியன்

கால்--காற்று மண்டலம்

நீள்வான்---ஆகாயம்

அம்பலம்-- உச்சி

ஓரியன் நட்சத்திரக் கூட்டத்தின் இருப்பிடம் பற்றி சொல்லுகிறார். கோடிக்கணக்கான நட்சத்திரங்கள் இருந்தாலும் கண்களுக்குத் தெளிவாகத் தேரிவது திருவாதிரை உட்பட ஏழு நட்சத்திரங்கள் கொண்ட ஓரியன் நட்சத்திரக் கூட்டமே வானத்தில் தினசரி தோன்றி மறையும் அற்புதமான நட்சத்திரக் கூட்டமாகும்.

இறை அம்சம் கொண்ட இதனையே திருமூலர் இப்பாடலில் சுட்டிக் காட்டுவது போல் தோன்றுகிறது..ஏழு நட்சத்திரங்களையும் கோடிட்டு இணைத்தால்உடுக்கு போன்ற வடிவம் கிடைக்கும்.

Namasivayam Mu · Namasivayam Mu Tue 23 Feb 2016 - 9:39

[You must be registered and logged in to see this image.]

”குருட்டினை நீக்கும் குருவினைக் கொள்ளார்

குருட்டினை நீக்கா குருவினைக் கொள்வர்,

குருடும் குருடும் குருட்டாட்டம் ஆடிக்

குருடும் குருடும் குழிவிழுமாறே---திருமந்திரம்

***
மனதினுள் சுடர்விட்டு பிரகாசிக்கும் அறிவு, அதனுள் மறைவாய் அமர்ந்திருக்கும் ஆன்மாவே குரு

Namasivayam Mu · Namasivayam Mu Sat 27 Feb 2016 - 9:29

[You must be registered and logged in to see this image.]

அவளைஅறியா அமரரும் இல்லை
அவள் அன்றிச் செய்யும் அருந்தவம் இல்லை
அவள் அன்றி ஐவரால் ஆவது ஒன்று இல்லை
அவள் அன்றி ஊர்புகும் ஆறு அறியேனே---திருமந்திரம்

அவள்...குண்டலினி

ஆறு....ஆதாரங்கள்

Namasivayam Mu · Namasivayam Mu Mon 29 Feb 2016 - 21:20

[You must be registered and logged in to see this image.]

காயப்பை யொன்று சரக்கு பலவுள
மாயப்பை யொன்றுண்டு மற்றுமோர் பையுண்டு
காயப்பைக் குண்ணின்ற கள்ளன புறப்பட்டான்
மாயப்பை மண்ணாய் மயங்கிய வாறே---திருமந்திரம்

Namasivayam Mu · Namasivayam Mu Mon 7 Mar 2016 - 22:42

[You must be registered and logged in to see this image.]

காயத்தேர் ஏறி மனப்பாகன் கை கூட்ட

மாயத்தேர் ஏறி மயங்குமவை உணர்

நேயத்தேர் ஏறி நிமலன் அருள் பெற்றால்

ஆயத்தேர் ஏறி அவன் சிவனாமே---திருமந்திரம்

காயத்தேர்--ஸ்தூல உடல்
மாயத்தேர்---சூக்கும உடல்

Namasivayam Mu · Namasivayam Mu Thu 17 Mar 2016 - 15:07

[You must be registered and logged in to see this image.]

இருளும் வெளியும் போல் இரண்டாம் இதயம்
அருள் அறியாமையும் மன்னும் அறிவு
மருளிவை விட்டெறியாமை மயங்கும்
மருளும் சிதைத்தோர் அவர்களாம் அன்றே---திருமந்திரம்

Namasivayam Mu · Namasivayam Mu Sun 20 Mar 2016 - 15:40

[You must be registered and logged in to see this image.]

ஆத்த மனையாள் அகத்தே இருக்கவே

காத்த மனையாளைக் காமுறும் காளையர்

காய்த்த பலாவின் கனி உண்ண மாட்டாமல்

ஈத்தம் பழத்துக்கு இடர் உற்ற வாறே-----திருமந்திரம்

Namasivayam Mu · Namasivayam Mu Sat 2 Apr 2016 - 14:02

[You must be registered and logged in to see this image.]

சேர்ந்த கலை அஞ்சும் சேரும் மின் குண்டமும்;

ஆர்த்த திசைகளும் அங்கே அமர்ந்திடும்;

பாய்ந்த ஐம்பூதமும் பார்க்கின்ற வன்னியைக்

காய்ந்தவர் என்றும் கலந்தவர் தாமே----திருமந்திரம்

Sponsored content · Sponsored content

திருமந்திரம் விளக்கப்படங்கள்

திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக