திருமந்திரம் விளக்கப்படங்கள்

Namasivayam Mu · Namasivayam Mu Fri Aug 28, 2015 2:30 pm

First topic message reminder :

திருமந்திரம்
நந்தியின் சீடரான சுந்தரநாதர் கயிலாசத்திளிருந்து புறப்பட்டு தமிழகம்வந்து திருவாவடுதுறையில் இறந்து கிடந்த மூலன் உடலில் புகுந்து திருமூலர் என்ற பெயரில் மூவாயிரம் பாடல்களை தமிழில் தான் எழுதினார். அதுவே திருமந்திரம் எனப்படுகிறது. கடவுளைப்பற்றிய பல ரகசியங்கள் திருமந்திரத்தில் பொதிந்து கிடக்கிறது.தமிழ் தெரிந்தவர்கள் மட்டுமே திருமந்திரம் பயில வாய்ப்பு பெற்றவர்கள் அதனால்தானோ என்னவோ திருமூலர் தமிழில் திருமந்திரத்தை எழுதி உள்ளார்
திருமந்திரத்திற்குப் பண்டைக்காலத்தில் உரை எழுதப்படவில்லை. 20ஆம் நூற்றாண்டின் நடுப்பகுதியிலிருந்துதான் இதற்குப் பலராலும் உரைகள் எழுதப்பட்டு வந்துள்ளது. இதனால், பல பாட்டுக்களில் கூறப்பட்டிருப்பவைக்கு, வேறுபட்ட, முரண்பட்ட கருத்துக்கள் கொடுக்கப்பட்ட நிலைதான் காணப்படுகிறது.
திருமந்திரத்தில் பொதிந்துள்ள கருத்துக்களை புரிந்து கொள்வதற்கு அதன் பாடலை உரையில்லாமல் மூலத்தையே வாசித்து பொருள் உணரவேண்டும் என்பது என் கருத்து. இருப்பினும் நான் திருமந்திரத்தை வாசிக்கும்பொழுது எனக்குள் தோன்றிய அகக்காட்சிகளை என்னால் முடிந்தவரை படங்களாகப் பதிவு செய்து உங்கள் பார்வைக்கு வழங்குகிறேன்

[You must be registered and logged in to see this image.]

வேதங்கள் ஆட மிகுஆகமம் ஆடக்
கீதங்கள் ஆடக் கிளறண்டம் எழாடப்
பூதங்கள் ஆடப் புவனம் முழுதாட
நாதங் கொண்டாடினான் ஞானானந்த கூத்தே—திருமந்திரம்
*****
கூத்து ---நடனம்,சுவாசம்,இயக்கம்

Namasivayam Mu · Namasivayam Mu Sat Jun 18, 2016 6:51 am

[You must be registered and logged in to see this image.]

அடங்காத என்னை அடக்கி அடிவைத்து

திடம் காண் பர ஆனந்தத்தே விட்டு

நடம்தான் செயும் நந்தி, நன் ஞானக் கூத்தன்

படம் தான் செய்து உள்ளுள் படிந்திருந்தானே ---திருமந்திரம்

Namasivayam Mu · Namasivayam Mu Sun Jul 17, 2016 1:35 pm

[You must be registered and logged in to see this image.]

ஒளியை அறியில் உருவும் ஒளியும்
ஒளியும் உருவும் அறியில் உருவாம்
ஒளியின் உருவும் அறியில் ஒளியே
ஒளியும் உருக உடனிருந்தானே
----திருமந்திரம்
*************

ஒளி ----அறிவு

உரு--பொருள்

Namasivayam Mu · Namasivayam Mu Sat Sep 17, 2016 10:44 am

காலினில் ஊறும் கரும்பினிற் கட்டியும்
பாலினுள் நெய்யும் பழத்துள் இரதமும்
பூவினுள் நாற்றமும் போலுளன் எம் இறை
காவலன் எங்கும் கலந்து நின்றானே ------திருமந்திரம்
[You must be registered and logged in to see this image.]

**M.Jagadeesan** · **M.Jagadeesan** Sat Sep 17, 2016 11:59 am

நன்று ஐயா ! தங்களை நீண்ட நாட்களாகக் காணமுடியவில்லையே ! தங்கள் படங்களைப் புரிந்துகொள்ள இயலவில்லை . விளக்கம் கொடுத்தால் புரிந்துகொள்ளளாம் .

Namasivayam Mu · Namasivayam Mu Sat Sep 17, 2016 1:24 pm

M.Jagadeesan wrote:நன்று ஐயா ! தங்களை நீண்ட நாட்களாகக் காணமுடியவில்லையே ! தங்கள் படங்களைப் புரிந்துகொள்ள இயலவில்லை . விளக்கம் கொடுத்தால் புரிந்துகொள்ளளாம் .

[You must be registered and logged in to see this link.]

படங்களில் ஒன்றும் இல்லை ஐயா. அது சும்மா. பாடல்தான் படித்துப் பொருள் உணர வேண்டியது. பொருள் ஆளுக்கு ஆள் வேறுபாடும். அவரவர்களுக்கு எப்படி தோன்றுகிறதோ அப்படி வைத்துக் கொள்ளாலாம். காரணம் பரம் எனப்படுவது பல்வேறுபட்ட குணாதிசயங்களை உள்ளடக்கியது. மெய்ப்பொருள் காண்பது அறிவு.

Namasivayam Mu · Namasivayam Mu Fri Oct 21, 2016 11:16 am

[You must be registered and logged in to see this image.]

தன்னை அறிந்திடும் தத்துவ ஞானிகள்
முன்னை வினையின் முடிச்சை அவிழ்ப்பர்கள்
பின்னை வினையைப் பிடித்து பிசைவர்கள்
சென்னியில் வைத்த சிவனருளாலே ----திருமந்திரம்
******
சென்னி----பிடரி

Sponsored content · Sponsored content

திருமந்திரம் விளக்கப்படங்கள்

திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக