சீர் கெட்டுவரும் சினிமா,,, சீர்கெடுக்கும் சினிமா...

First topic message reminder :

சீர் கெட்டுவரும் சினிமா....சீர்கெடுக்கும் சினிமா...

சினிமாவுக்கு போனோமுங்க
சினிமாவுக்கு போனோமுங்க
சீர்கெடுக்கும் சினிமா பாக்க
சிரிச்சி சிரிச்சி போனோமுங்க...
படம் பாக்குற நேரத்துல
பயமாத்தான் இருக்குது
ரொம்ப படபடப்பா இருக்குது
அது வன்முறைய தூண்டுது
அதுல வரமுறையும் இல்லெங்க

அந்த கால படங்களெல்லாம்
பகுத்தறிவ வளத்துச்சு
நல்ல பண்பையுமே வளத்துச்சு
இந்தகால படங்களெல்லாம்
இச்சையத்தான் தூண்டுது..
வார்த்த கொச்சையாக இருக்குது-அந்த
கொச்சையான வார்த்தையெல்லாம்
கொட்டி கொட்டி கெடக்குது –அது
கொழந்த கொனத்த கெடுக்குது...
அப்ப குடும்பத்தோடு பாக்க போனா
குதுகலமா இருக்கலாம் -அங்க
குலுங்கி குலுங்கி சிரிக்கலாம்
இப்ப குடும்பத்தோடு பாக்க போனா
கோணி நாணி இருக்கணும்-பச்ச
கொழந்த மொகத்த மறைக்கணும்......
அப்ப சினமாவுல நடிச்சவங்க
சிறப்பாத் தான் இருந்தாங்க
ரொம்ப சிறப்பாத்தான் இருந்தாங்க
இப்ப சினிமாவுல இருக்கறவங்க
சிறப்பு ஒன்னும் இல்லெங்க-பொழப்பு
சிரிப்பாதான் சிரிக்குதுங்க..

சண்ட அடிச்சு மண்ட உடச்சு -மனசுல
மருந்த ஏத்துறாங்க  
வெஷ மருந்து ஏத்துறாங்க...
புகைய புடுச்சு மதுவ குடிச்சு
புத்தி புகட்டுறாங்க
கெட்ட புத்தி புகட்டுறாங்க...
விவரமில்லா பசங்க அத
வெரச்சு பாக்குறாங்க....
ரொம்ப விரும்பி பாக்குறாங்க..
வித்தையெல்லாம் பாத்துபுட்டு
வாய போளக்குறாங்க...
பெருசா வாய போளக்குறாங்க..பசங்க
பாத்துபுட்டு பழகிக்கிட்டு
வரிஞ்சி கட்டுறாங்க
வம்புக்கு வரிஞ்சி கட்டுறாங்க...
இந்த அசிங்கமெல்லாம் நடப்பதெல்லாம்
இந்த நாட்டில் தாங்க
இந்த நம்ம நாட்டில் தாங்க.

அரிதாரம் பூசிக்கிட்டு
அரசமைக்க ஆசைப்பட்டு
அருமையாத்தான் நடிக்கிறான்
அளவில்லாம நடிக்கிறான்..
அரசு பதவிபிடிக்க அறிஞ்சு நல்லா
திட்டம் தீட்டுறாங்க..
திருட்டு திட்டம் தீட்டுறாங்க...
அதுக்கு வார்த்தை ஜாலம் ரொம்ப நல்லா
வரியில் சேர்க்குறாங்க...
பாட்டு வரியில் சேர்க்குறாங்க..
அந்த திருட்டு வேஷம் தெரியாம
மக்கள் இருக்குறாங்க..
நம்ம மக்கள் இருக்குறாங்க...அவங்க
பொல்லாத மனிசர் பேசும்
பொறியில் விழுகுறாங்க...
பேச்சு  பொறியில் விழுகுராங்க....
பொறிபோல வசனம் பேசி நல்லா
மனச புடிக்குறாங்க
மக்கள் மனச புடிக்குறாங்க.....
திருடன் தடுக்கி விழுந்தால் கூட
தீ குளிக்கிறாங்க
பசங்க தீ குளிக்கிறாங்க
இந்த அசிங்கமெல்லாம் நடப்பதெல்லாம்
இந்த நாட்டில் தாங்க
இந்த நம்ம நாட்டில் தாங்க.

போலிஸ் வேஷம் போட்ட ஆளு
பொழப்பு சிரிச்சு போச்சு
இங்க பொழப்பு சிரிச்சு போச்சு..
பொண்ணுங்க எல்லாம் கொடி புடிக்க
ஓடி ஒளிஞ்சாச்சு
அவங்க ஓடி ஒளிஞ்சாச்சு....
வெளியில் மட்டும் வெள்ளை உருவ
பவுடர் பூசிக்கொண்டு
உள்ளுக்குள்ள தூசுபடிஞ்ச
மனச வச்சுக்கொண்டு
இது வரையில் ஏமாத்தி
சொன்ன சேதி போதும்
இல்லேனா அதுக்கு இனிமேல்
இருண்ட காலமாகும்.........

T.N.Balasubramanian wrote:செந்தில் குமார் ,
ஒரு parable   (நீதி  கதை ) ஐ  அழகான நீண்ட கவிதையாக மாற்றி
தந்துள்ளீர் . அருமையாக இருக்கிறது  . ரசித்தேன் .
ரமணியன்

மேற்கோள் செய்த பதிவு: 1183560


நன்றி ஐயா..

தோழரே அருமையாக பதிவு செய்து உள்ளீர்கள். நன்றி. மக்களின் ரசனையை மாற்றி விட்டனர், இனி மாறுவது கடினம்.

K Sendhil kumar wrote:இந்த பாடல் ஒரு தெருக்கூத்தில் கலைவாணரும் ( கலைவானரும்)  மதுரம் (மருதம்) அவர்களும் பாடினால் எவ்வாறு பாடுவார்கள் என்ற கற்பனையில் எழுதப்பட்டவை. இதோ எண்ணத்தில் எவ்வாறு உதித்ததோ அப்படியே  இங்கு பதிவிடுகிறேன் ..

தமிழ் எழுத்துப் பிழை , பெயர் பிழை மருதம் மாற்றி உள்ளேன்

ரமணியன்

[quote="T.N.Balasubramanian"]

ayyasami ram wrote:நடிகை பத்மினி நடித்த ஒரு இந்தி படத்தில் அருவியில் குளிப்பது
போல ஒரு சீன் இருந்தது....அந்த காட்சியை முன்னிட்டு
சுமார் 45 ஆண்டுகளுக்கு முன்னர்,
இந்தி மொழிக்கு  எதிர்ப்பு நிலவிய கால கட்டத்தில் அந்த
படம் இந்தி மொழி தெரியாதவர்களால் பார்க்கப்பட்டு பல
வாரம் ஓடியது....
-
இப்படி சில முரண்கள் இருக்கத்தான் செய்கின்றன...
-
அந்தக்கால நினைவுகள் ரமணியன் தொடருவார்...!!!

என்ன சாமி நம்மலே மாட்டிவிடுறீங்க !
ஏதோ கொஞ்சம் கொஞ்சம் ஹிந்தி புரிந்த காரணதிற்காகவும் ,
ராஜ்கபூர் நடிப்பு பிடிக்கும் என்பதாலும் ,
ஷங்கர் ஜெய்கிஷன் ம்யுசிக் பிடிக்கும் என்பதாலும்
"ஜிஸ் தேஷ் மெ கங்கா  பஹ்தி ஹை" பார்த்தது உண்டு .
அதே போல் "சங்கம் " சினிமாவும் பார்த்ததுண்டு .
சங்கம் நீண்ட நேர சினிமா --2 இடைவெளிகள் .
அதில் தென்னிந்தியா தாரகை வைஜயந்தி மாலாநடித்திருப்பார் .
ஒரு குளத்தில் வைஜயந்தி மாலா குளித்துக் கொண்டு இருப்பார் .
மேலே மரத்தில் ராஜ்கபூர் உட்கார்ந்து கொண்டே ,
"போல் ராதா போல் ,சங்கம்  ஹோகா ஹி நஹி  " என்று பாடிக்கொண்டே
crane shot இல் வைஜயந்தியை படம் பிடித்து இருப்பார் .
அதில் அவர் முழுமையாக ,நினைத்தபடி எடுக்க முடியாதலால் ,
பத்மினியை பேருக்கு ஒரு துணியை சுற்றி ,அருவியில் அவர் அழகை எல்லாம்
காண்பித்து சந்தோஷமடைந்தார் ., ஜிஸ் தேஷ் மெ கங்கா பஹ்தி ஹை மூலமாக .

தூங்கி கொண்டு இருந்த என்னை எழுப்பிய a ram அவர்களை

ரமணியன்

மேற்கோள் செய்த பதிவு: 1183558

நல்ல விளக்கம் அய்யா . தூக்கத்தில் இருந்து நானும் எழுப்பி விட்டேன் ஆ?

T.N.Balasubramanian wrote:

K Sendhil kumar wrote:இந்த பாடல் ஒரு தெருக்கூத்தில் கலைவாணரும் ( கலைவானரும்)  மதுரம் (மருதம்) அவர்களும் பாடினால் எவ்வாறு பாடுவார்கள் என்ற கற்பனையில் எழுதப்பட்டவை. இதோ எண்ணத்தில் எவ்வாறு உதித்ததோ அப்படியே  இங்கு பதிவிடுகிறேன் ..

தமிழ் எழுத்துப் பிழை , பெயர் பிழை மருதம் மாற்றி உள்ளேன்

ரமணியன்

மேற்கோள் செய்த பதிவு: 1183620


பிழை திருத்தியமைக்கு நன்றி ஐயா...

சசி wrote:தோழரே அருமையாக பதிவு செய்து உள்ளீர்கள். நன்றி. மக்களின் ரசனையை மாற்றி விட்டனர், இனி மாறுவது கடினம்.

மேற்கோள் செய்த பதிவு: 1183597
 
கருத்திட்டமைக்கு மிக்க நன்றி தோழியே....

நல்லவர் ஆவதும் தீயவர் ஆவதும் அவரவர் மன நிலையை சூழ்நிலையை பொறுத்ததே சினிமா மட்டும் தான் காரணம் என்று எடுத்துக் கொள்ளமுடியாது. நெல்லோடு புல்லும் வளரத் தான் செய்கிறது. அதை பிடுங்கி எறிவது இல்லையா? அது போலவும் அன்னம் போல பாலையும் தண்ணீரையும் பகுத்து எடுப்பது போல நாமும் பகுத்து எடுப்போம் நல்லவற்றை மட்டும். தீயதும் நல்லதும் இனங் காண உதவுவதோடு, உலகம் முழுவதையும் கண் முன்னே கொண்டு வந்து நிறுத்தா விட்டால் கிணற்று தவளையாக இருந்திருப்போம்.// உண்மைதான்! நல்ல கருத்து! தற்காலத்தில் முன்பு வந்ததுபோல் நாட்டுப்பற்றை ஊட்டக்கூடிய, தனிமனித வாழ்வில் நிகழும் இன்ப, துன்பங்களைப் பிரதிபலித்து வாழ்முறையில் நன்மை சேர்ப்பதாக அமையும் படங்கள் அருகி விட்டன. இலக்கியத்தரம் வாய்ந்த, நல்ல கருத்துகளை பாமரனும் உணரும் வண்ணம் எளிய வார்த்தைகளில, மனதைக் கவரும் மெல்லிசையோடு திரைப்பாடல்கள் தற்காலத்தில் அமைவதில்லை. அப்படியே இருந்தாலும் இசைக் கருவிகளின் ஓசையில் வார்தைகள் சிந்தையைச் சேருமுன் சிதைந்து விடுகின்றன. தற்காலத்தில் அதற்காக நல்ல படங்களே வருவதில்லையென்றோ, நல்ல பாடல்களே அமைவதில்லை எனவோ ஒரேயடியாகக் குற்றம் கூற முடியாது. தற்காலத்தில் அவ்வாறான படங்கள்/பாடல்களின் எண்ணிக்கை மிகவும் குறைந்து விட்டது. திரையரங்கிற்குப் போய் திரைப்படம் பார்ப்பதை விட தற்காலத்தில் வீட்டிலேயே ( தொலைக்காட்சியிலோ (அ) குறுந்தகடுகள் வாயிலாகவோ) பார்ப்பவர்கள் அதிகரித்துவிட்டநிலையில் குடும்பத்தில் உள்ள அனைவரோடும் அமர்ந்து பார்க்கும் தரத்தில் நிறைய திரைப்படங்கள் அமையாதது ஒரு குறையே! தொலைக்காட்சியில் மூழ்கும் சிறுவர் சிறுமியர் உள்ளத்தில் இந்த வன்முறைகளும், விரசமான உரையாடல்களும் ஆழப்பதிந்து சீரழிக்கும் நிலை வேதனிக்குரியது. எதிர்காலத்திலாவது இத்தைகைய நிலை மாறும் என நம்புவோமாக!

நல்லதொரு பதிவுக்கு நன்றி திரு.செந்தில்.

கருத்திட்டமைக்கு நன்றி கார்த்திக்...

என் எண்ண கண்ணாடியின் பிம்பம் தங்களின் கருத்து..

நன்றி செந்தில் ..

சமூக அவலங்களை சற்று வித்தியாசமான கோணத்தில் பார்ப்பவர் நீங்கள்.உங்கள் கருத்தாளமிக்க பதிவு தற்கால நடைமுறை வாழ்க்கைக்கு தேவையே..நம்மில் பலர் சினிமா மட்டுமே சமுதாயத்தை சீரழித்து விட்டது என்று வாதிடலாம்.ஆனால் சினிமா மட்டும் அல்லாமல் சினிமா வை சார்ந்த அரசியல் மற்றும் அரசியல் சார்ந்த ஊடகங்கள் போன்றவைகளும் இச்சீர்கேட்டிற்கு காரணிகளாக உள்ளன..

நன்றி

கார்த்திக் செயராம் wrote:நன்றி செந்தில் ..

சமூக அவலங்களை சற்று வித்தியாசமான கோணத்தில் பார்ப்பவர் நீங்கள்.உங்கள்  கருத்தாளமிக்க பதிவு தற்கால நடைமுறை வாழ்க்கைக்கு தேவையே..நம்மில் பலர் சினிமா மட்டுமே சமுதாயத்தை சீரழித்து விட்டது என்று வாதிடலாம்.ஆனால் சினிமா மட்டும் அல்லாமல் சினிமா வை சார்ந்த அரசியல் மற்றும் அரசியல் சார்ந்த ஊடகங்கள் போன்றவைகளும் இச்சீர்கேட்டிற்கு காரணிகளாக உள்ளன..

நன்றி

மேற்கோள் செய்த பதிவு: 1183921


தங்களின் கருத்து உண்மைதான் கார்த்திக் ....