பட்டாசு ஆலையில் விபத்து: 9 பேர் பலி

**சிவா** · **சிவா** Wed 2 Feb 2011 - 10:16

கேரள மாநிலம் பாலக்காடு மாவட்டம் சொரனூரை அடுத்த ஒத்தப்பாலம் சரங்காலி என்ற இடத்தில் உள்ள பட்டாசு தயாரிக்கும் ஆலையில் 30 தொழிலாளர்கள் வேலை பார்த்துக் கொண்டிருந்தனர்.

ரெயில்வே தண்டவாளம் அருகே திறந்த வெளியில் உள்ள அந்த பட்டாசு ஆலையில் செவ்வாய்கிழமை பிற்பகலில் பயங்கர தீவிபத்து ஏற்பட்டது. அப்போது அங்கு தயாரித்து வைக்கப்பட்டிருந்த பட்டாசுகளில் தீ பட்டதும் அவை வெடித்து சிதறி தீப்பற்றி எரிந்தது. விபத்து நடந்த நேரத்தில் அந்த வழியாக ரெயில் கடந்து சென்றது. ஆனால் ரெயிலுக்கு எந்த பாதிப்பும் ஏற்படவில்லை.

இந்த விபத்து பற்றிய தகவல் கிடைத்ததும் தீயணைப்பு வீரர்கள் விரைந்து வந்து பல மணி நேரம் போராடி தீயை அணைத்தனர். இந்த விபத்தில் முதல் கட்டமாக விபத்து நடந்த இடத்தில் இருந்து கருகிய நிலையில் 9 தொழிலாளர்களின் உடல்கள் மீட்கப்பட்டன. உடல் கருகிய நிலையில் 6 பேர் உயிருக்கு ஆபத்தான நிலையில் திருச்சூர் மருத்துவக்கல்லூரி மற்றும் அருகில் உள்ள மருத்துவமனைகளில் அனுமதிக்கப்பட்டுள்ளனர். இதில் பலரது நிலைமை கவலைக்கிடமாக இருப்பதால் பலி எண்ணிக்கை மேலும் உயரக்கூடும் என அஞ்சப்படுகிறது. விபத்துக்குள்ளான பட்டாசு தொழிற்சாலை உரிய அரசு அனுமதியுடன் செயல்பட்டு வந்தது குறிப்பிடத்தக்கது.

நக்கீரன்

அசோகன் · அசோகன் Wed 2 Feb 2011 - 11:02

உரிய அரசு அனுமதி என்பது அந்தப் பகுதியில் உள்ள ஒரு பாழாய்ப்போன லஞ்சப் பெருச்சாளி அதிகாரியால் தரப்பட்டதாக இருக்குமோ என் ஐயம் எழுகிறது.

பட்டாசு ஆலையில் விபத்து: 9 பேர் பலி

பட்டாசு ஆலையில் விபத்து: 9 பேர் பலி

Re: பட்டாசு ஆலையில் விபத்து: 9 பேர் பலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக