முத்துச் சிதறல்கள் - பொது அறிவுத் தகவல்கள்

**சிவா** · **சிவா** Thu Sep 15, 2011 3:07 am

First topic message reminder :

மும்முரமாகத் தேடுவதை, `ஒரு கல்லையும் திருப்பாமல் விடாதே' (Leave no stone unturned) என்று ஆங்கிலத்தில் கூறுவார்கள்.

இதன் பின்னணி என்னவென்று தெரியுமா?

கிரேக்கப் புராணக் கதையின் அடிப்படையில் கூறப்படும் வார்த்தைகள் இவை. `ஆரக்கிள் ஆப் டெல்பி'யால் (Oracle of Delphi) கடவுளுடன் பேச முடியும். அதனால் அவன் பேரறிவைப் பெற்றிருந்தான்.

தோற்கடிக்கப்பட்ட ஒரு ராணுவத் தளபதியால் ஒளித்து வைக்கப்பட்ட புதையலை எப்படிக் கண்டுபிடிப்பது என்று ஆரக்கிளிடம் கேட்கப்பட்டபோது, `ஒரே ஒரு வழிதான் உள்ளது. எந்தக் கல்லையும் திருப்பாமல் விடாதே!' என்று அவன் கூறினானாம்.

அந்த அறிவுரைதான் அப்படியே சொற்றொடராக நீடிக்கிறது.

ஹர்ஷித் · ஹர்ஷித் Mon May 20, 2013 3:32 pm

இதன் கால்கள் மிகவும் வலிமையானவை. 13 கிலோ எடையுள்ள ஒரு விலங்கைக் கூட இது தனது கால்களால் பற்றிக் கொண்டு அலகினால் கொத்திக் கிழித்துவிடும்.

**சிவா** · **சிவா** Sat May 25, 2013 2:41 pm

பெருங்கால நாயகி

பழந்தமிழ் நாட்டில் கிராமப் பஞ்சாயத்து சபைகள் இருந்தன. இதில் முதன்முதலில் இடம்பெற்ற பெண்ணின் பெயர் பெருங்கால நாயகி. இந்தத் தகவல் உத்திரமேரூர் கல்வெட்டு ஒன்றிலிருந்து அறியக் கிடைக்கின்றது.

**சிவா** · **சிவா** Sun Dec 01, 2013 10:45 am

பாருக்குள்ளே நல்ல நாடு... நம் பாரத நாடு

மகாகவி பாரதியார், 1918-ஆம் ஆண்டு ஆங்கிலேயர்களால் தேடப்பட்ட காலத்தில் பாண்டிச்சேரியில் தலைமறைவு வாழ்க்கை வாழ்ந்தார்.

பிறகு, மன்னார்குடி ""மேலநாகை'' கிராமத்தில் இருந்த ஆசிரமத்தில் தனது நண்பர் கொடியாளம் ரெங்கசாமியுடன் தங்கி இருந்தார்.

அப்போது, யாருக்கும் அடையாளம் தெரியாதவண்ணம் முண்டாசு கட்டாமலும், மீசை இல்லாமலும் நடமாடினார்.

அப்படி, அங்கு தலைமறைவாக இருந்த போதுதான், ""பாருக்குள்ளே நல்ல நாடு... நம் பாரத நாடு'' என்ற உணர்ச்சி மிகுந்த சுதந்திர தாகத்தைத் தூண்டும் பாடலையும் எழுதினார்.

**சிவா** · **சிவா** Sun Dec 01, 2013 10:47 am

பேரரறிஞர் சாக்ரடீஸ்

கிரேக்கப் பேரரறிஞர் சாக்ரடீஸின் திருமண வாழ்க்கை அவ்வளவு திருப்திகரமாக அமையவில்லை என்பது அனைவரும் அறிந்ததே. திருமணத்தைப் பற்றி சாக்ரடீஸ் கூறிய கருத்து இதுதான்:

""திருமணத்தை வெறுக்காதீர்கள், செய்து கொள்ளுங்கள். நல்ல மனைவி அமைந்தால் உங்கள் வாழ்க்கை மிகவும் மகிழ்ச்சியாக இருக்கும். ஒருவேளை கெட்ட மனைவி அமைந்தால் நீங்கள் தத்துவ ஞானியாகி விடுவீர்கள்''.

**krishnaamma** · **krishnaamma** Mon Dec 02, 2013 10:15 am

சிவா wrote:பாருக்குள்ளே நல்ல நாடு... நம் பாரத நாடு

மகாகவி பாரதியார், 1918-ஆம் ஆண்டு ஆங்கிலேயர்களால் தேடப்பட்ட காலத்தில் பாண்டிச்சேரியில் தலைமறைவு வாழ்க்கை வாழ்ந்தார்.

பிறகு, மன்னார்குடி ""மேலநாகை'' கிராமத்தில் இருந்த ஆசிரமத்தில் தனது நண்பர் கொடியாளம் ரெங்கசாமியுடன் தங்கி இருந்தார்.

அப்போது, யாருக்கும் அடையாளம் தெரியாதவண்ணம் முண்டாசு கட்டாமலும், மீசை இல்லாமலும் நடமாடினார்.

அப்படி, அங்கு தலைமறைவாக இருந்த போதுதான், ""பாருக்குள்ளே நல்ல நாடு... நம் பாரத நாடு'' என்ற உணர்ச்சி மிகுந்த சுதந்திர தாகத்தைத் தூண்டும் பாடலையும் எழுதினார்.

ம்.....ரொம்ப வருத்தமான விஷயம் சிவா சோகம்

**krishnaamma** · **krishnaamma** Mon Dec 02, 2013 10:16 am

சிவா wrote:பேரரறிஞர் சாக்ரடீஸ்

கிரேக்கப் பேரரறிஞர் சாக்ரடீஸின் திருமண வாழ்க்கை அவ்வளவு திருப்திகரமாக அமையவில்லை என்பது அனைவரும் அறிந்ததே. திருமணத்தைப் பற்றி சாக்ரடீஸ் கூறிய கருத்து இதுதான்:

""திருமணத்தை வெறுக்காதீர்கள், செய்து கொள்ளுங்கள். நல்ல மனைவி அமைந்தால் உங்கள் வாழ்க்கை மிகவும் மகிழ்ச்சியாக இருக்கும். ஒருவேளை கெட்ட மனைவி அமைந்தால் நீங்கள் தத்துவ ஞானியாகி விடுவீர்கள்''.

ரொம்ப சரி

**சிவா** · **சிவா** Sat Apr 26, 2014 4:19 pm

கசப்பு நீர்

மெக்ஸிகோ நாட்டின் Nahuat மொழியில் இருந்து வந்தது சாக்லேட் என்கிற பெயர். நம்புங்கள்... இதற்கு ‘கசப்பு நீர்’ என்று பொருள். மயன் நாகரிக மனிதர்கள் 2,600 ஆண்டு களுக்கு முன்பே சாக்லேட் சாப்பிட்டிருக்கிறார்கள். கோகோ, கசப்பு நீர், வெனிலா, மிளகாய், மிளகு கலந்து குடிப்பார்கள்.

இப்போது உள்ள திட சாக்லேட்டில் கோகோ, கொழுப்பு, சர்க்கரை ஆகியவை சேர்க்கப்படுகின்றன.

**Dr.S.Soundarapandian** · **Dr.S.Soundarapandian** Sun May 25, 2014 8:46 pm

நல்ல பதிவுகள் !

Let us not leave a page unturned ! பாடகன்

**சிவா** · **சிவா** Sat Aug 16, 2014 11:29 pm

ஒட்டக நூலகம்!

ஈரான் நாட்டில் பல நூற்றாண்டுகளுக்கு முன் காசிம் இஸ்மாயில் என்ற மன்னர் இருந்தார். சிறந்த சிந்தனையாளர். போரிலும் வல்லவர். அவர் ஒரு லட்சத்திற்கும் மேற்பட்ட புத்தகங்களைச் சேகரித்து வைத்திருந்தார்.

அவர் எப்பொழுது வெளியூர்ப் பயணம் சென்றாலும் அந்தப் புத்தகங்களை 342 ஒட்டகங்களின் மீது ஏற்றிக்கொண்டு செல்வார். அகர வரிசைப்படி புத்தகங்கள் ஏற்றப்பட்டிருக்கும். அவருக்கு ஏதேனும் சந்தேகம் ஏற்பட்டால் கையை உயர்த்துவார். உடனே ஒட்டக வீரர் வந்து, என்ன புத்தகம் தேவை என்பதைக் கேட்டறிந்து, கொண்டு வந்து கொடுப்பார்.

**சிவா** · **சிவா** Sat Aug 16, 2014 11:42 pm

முதல் பெருமை!

வயலின் மேல்நாட்டு இசைக்கருவி. இப்போது இந்தியாவில் கச்சேரிகளில் முக்கிய துணைக் கருவியாக இருக்கின்றது. முதன்முதலில் வயலின் இசையைப் பயின்று, அதில் கர்நாடக இசையை வாசிக்க முடியும் என்பதைக் காட்டியவர் பால ஸ்வாமி தீட்சிதர்.

Sponsored content · Sponsored content

முத்துச் சிதறல்கள் - பொது அறிவுத் தகவல்கள்

முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக