நுண்ணறிவைப் பெற உள்ளே நுழையவும் - பிஜிராமன் !!!

**பிஜிராமன்** · **பிஜிராமன்** Thu Feb 16, 2012 6:16 pm

First topic message reminder :

வணக்கம் நண்பர்களே

இன்று நம் ஈகரையில் ஒரு திரியை துவங்கவுள்ளேன். இந்த திரியின் மையக் கரு என்னவென்றால் "ஒரு தலைப்பு இரண்டு நாள் அதை சார்ந்த்த தகவல் மற்றும் குறுக்குக் கேள்வி மற்றும் அந்த தலைப்பின் மீது ஆராய்ந்து நுண்ணறிவை பெறுதல்". ஒரு தலைப்பு என்று எடுத்துக் கொண்டால், நாம் அதை பற்றி அனைத்து பார்வையிலும் அறிவு பெற வேண்டும் என்பதே இந்த திரியின் நோக்கம். வெறுமனே படித்தோம் சென்றோம் என்று இல்லாமல், ஒன்றை நன்றாய் கற்றோம் என்ற உணர்வு எழும் இந்த திரியால் எனப்து மட்டும் உறுதி.

குறிக்கோள் : போட்டிதேர்விற்கு தயார் செய்வோற்கு பயனாய் இருக்க ஒரு முயற்சி மற்றும் அனைவரும் நுண்ணறிவை பெற.

இந்த திரிக்கான சில விதிமுறைகள் மற்றும் அம்சங்கள் உள்ளன, அதை தெளிவாய் படித்து பின்பற்றுமாறு அனைவரையும் கேட்டுக் கொள்கிறேன்.

விதிமுறைகள் மற்றும் அம்சங்கள்

1. இந்த திரியில் நான் அட்மின் பொறுப்பை ஏற்கிறேன். அதே போல் இதில் மெம்பர் ஆக விருப்பம் உள்ளவர்கள் தெரிவிக்கலாம். அவர்கள் பெயர் முன்னால் இணைக்கப்படும்.

2. இந்த திரியில் யாரெல்லாம் மெம்பர் ஆக உள்ளார்களோ அவர்கள் மட்டுமே தலைப்பை வழங்க அதிகாரம் உள்ளவர்கள்.

3. தலைப்பு கீழே குறிப்பிட்ட துறைகளில் இருந்து கேட்பது சிறப்பு.

*புவியியல் (ஜியாகிரஃபி),
*வரலாறு (ஹிஸ்டரி),
*பொருளாதாரம் (எகனாமிக்ஸ்),
*அறிவியல்(சயின்ஸ்),
*கணிதம் அதாவது (அப்டிடியூட்)
*இந்தியா அரசியலமைப்பு
* தினசரி நிகழ்வுகள் (கரண்ட் அப்பைர்ஸ்)

தினசரி நிகழ்வுகள் என்றால், அந்த நிகழ்வு ஒரு முக்கிய மாற்றத்தை நாட்டிலோ உலகிலோ ஏற்படுத்தி இருக்க வேண்டும்.

4. தலைப்பு தந்த அடுத்த 5 நாட்கள் அந்த தலைப்பின் கீழ் தகவல் பரிமாற்றம், ஏதாவது சந்தேகம் எழும் பட்சத்தில் அதனை தீர்த்து வைப்பது. முழுமையாக வாசித்து புரிந்து கொள்ள முயற்சி செய்வது. தலைப்பின் தன்மையை பொறுத்து இந்த நேரம் வித்தியாசப் படும். தலைப்பின் அருகிலேயே, விவாதிக்கப் படும் நேரமும் குறிப்பிடப் பட்டிருக்கும்.

5. நாம் கொடுக்கும் தகவல் சிறியதாகவும் அதே சமயம் மிகவும் உபயோகமானதாகவும் இருத்தல் வேண்டும்.

6. முக்கியமான ஒன்று தலைப்பை இடுபவர் அந்த தலைப்பின் கீழ் ஒரு முன்னுரை அதாவது அந்த தலைப்பை பற்றி ஒரு சிறு குறிப்புடன் துவங்க வேண்டும். அதன் பின் ஒருவர் பின் ஒருவராக எழும் சந்தேகம், தகவலை சேர்க்க வேண்டும் என்றால் சேர்ப்பது என அனைத்தும் செய்யலாம்.

உதரானத்திற்கு, 1857, நம்மில் பலர் அறிந்திருப்போம், 1857 நடந்த சிப்பாய் கலகம், இந்தியாவின் முதல் சுதந்திர போராட்டம் என்று கூறப்படுகிறது. இது தலைப்பாக இருந்தால், இதற்கு காரணம் என்ன, இதில் யார் யார் பங்கேற்றனர், அவர்கள் பங்கேற்றதன் காரணம் என்ன, பங்கேற்றதால் அவர்களுக்கு விளைந்த இன்னல்கள் என்ன, சிப்பாய் கலகத்தால் விளைந்த சட்டங்கள் என்ன, ஆட்சியில் ஏற்பட்ட மாற்றங்கள் என்ன. என சிப்பாய் கலகம் என்று கேட்டாலே, அதை பற்றிய அனைத்து தகவலும் நம் விரல் நுனியில் இருக்கும் படி நம் விவாதம் இருத்தல் அவசியம்,

7. எந்த சந்தேகம் எழுந்தாலும் கேட்க தயங்குதல் கூடாது.

8. தலைப்பை பற்றி எதுவுமே தங்களுக்கு தெரியவில்லை என்றாலும், சந்தேகம் கேட்டு தெரிந்து கொள்ளலாம், இதனால் விலைவது அறிவு மட்டுமே.

9. இந்த திரியின் நோக்கம், தகவலை பொறுக்கி இங்கே கொட்ட வேண்டும் என்பது இல்லை, தகவலை சுருக்கி, விரிவாய் நுண் அறிந்து, மதியில் தேக்குவதே.

10. இந்த திரி அரட்டைக்கு அப்பாற்பட்டது, யாரும் அரட்டை அடிக்க வேண்டாம்.

11. உங்களுக்கு அந்த தலைப்பின் கீழ் சரியென்று நான் அங்கு படிதிருக்கிறேன், இங்கு படிதிருக்கிறேன் என்று தோன்றினாலும், தெரிவிக்கலாம், அது தவறாக இருந்தாலும். கருத்தை தெரிவிக்க யாரும் தயக்கம் காட்ட வேண்டாம்.

இரண்டு பொன்மொழிகளை கூற விளைகிறேன்.

உளரெனினும் இல்லாரொடு ஒப்பர் களனஞ்சிக்
கற்ற செலச்சொல்லா தார்.

The person one who fear of asking question is ashamed of learning" அதாவது எவன் ஒருவன் கேள்வி கேட்க அஞ்சுகிறானோ அவன் கல்வி கற்க வெட்கப் படவேண்டும்.

இந்த இரண்டு பொன்மொழிகளையும் நியாபகம் வைத்துக் கொள்வது சிறப்பு.

இதுவே இந்த திரியின் அம்சங்களும், விதிமுறைகளும் ஆகும். நிச்சயம் இந்த திரி பயனுள்ளதாய், இருக்கும் என்று நம்புகிறேன். நான் இந்த திரி துவங்குவதற்கு காரணம், நம் ஈகரையில் உலாவிக் கொண்டிருக்கும், படித்துக்கொண்டிருக்கும் இளைஞர்களும், இளைஞிகளும் தான்.

மிக்க நன்றிகள் உறவுகளே

இத்திரியின்

அட்மின் : பிஜிராமன்

தற்போதைய மெம்பர்கள்

1. மகா பிரபு அண்ணா
2. அல்கெனா ரிஷி
3. கார்த்திக் எம். ஆர்.
4. முகைதீன்
5. டாக்டர் சுந்தரராஜ் தயாளன் ஐயா (புவியியல் பொறுப்பாளர்)
6. ஆதிரா அம்மா
7. அசுரன் சார்
8. ந. கார்த்தி
9. கோவிந்தராஜன்
10. கிறிஷ்ணம்மா
11. இளமாறன் அண்ணா

தொடங்கப்பட்டுள்ள திரிகள்

1. வரலாறு: மொகலாயப் பேரரசு : திரி துவக்கம் 17- 02 - 2012 முடிவுற்றது 27 - 02 - 2012

**Dr.சுந்தரராஜ் தயாளன்** · 03/09/2011

நல்ல முயற்ச்சி இராமன்...நான் வேண்டுமானால் புவியியல் (Geography) குறித்து பொறுப்பு ஏற்க விரும்புகிறேன் மகிழ்ச்சி

**பிஜிராமன்** · **பிஜிராமன்** Thu Feb 16, 2012 6:58 pm

Dr.சுந்தரராஜ் தயாளன் wrote:நல்ல முயற்ச்சி இராமன்...நான் வேண்டுமானால் புவியியல் (Geography) குறித்து பொறுப்பு ஏற்க விரும்புகிறேன்

நான் இப்பொழுது தான் இதை பற்றி தங்களுக்கு தனி மடலில் கேட்கலாம் என்று இருந்தேன். தாங்களே பொறுப்பேற்றது மிக்க மகிழ்ச்சியாக உள்ளது ஐயா.......

மிக்க நன்றிகள் ஐயா........ஜியாகிரஃபி சம்பந்தமான சந்தேகத்திற்கு தங்களை நாடுவோம் ஐயா......

தங்களையும் இதில் மெம்பர் ஆக இணைப்ப்தில் நான் மகிழ்ச்சி அடைகிறேன் ஐயா.......

**Aathira** · **Aathira** Thu Feb 16, 2012 6:58 pm

அழகான திரி. பயனுள்ளது. என்னால் கேள்வி கேட்கத்தான் முடியும். பதில் சொல்ல முடியாது. என் கேள்விகள் இடம்பெறும். நன்றி ராமன். அருமையிருக்கு

மகா பிரபு · மகா பிரபு Thu Feb 16, 2012 7:02 pm

மகா பிரபு wrote:/// 10. இந்த திரி அரட்டைக்கு அப்பாற்பட்டது, யாரும் அரட்டை அடிக்க வேண்டாம். ////

நான் ரெடி .

நன்றி ராமன். என்னால் இயன்றதை செய்கிறேன். :வணக்கம்:

அசுரன் · அசுரன் Thu Feb 16, 2012 8:18 pm

நானும் நல்லா கேள்வி கேட்பேன் ராமா..... என்னையும் இனைத்துக்கொள்ளுங்கள்.

**பிஜிராமன்** · **பிஜிராமன்** Thu Feb 16, 2012 8:19 pm

Aathira wrote:அழகான திரி. பயனுள்ளது. என்னால் கேள்வி கேட்கத்தான் முடியும். பதில் சொல்ல முடியாது. என் கேள்விகள் இடம்பெறும். நன்றி ராமன்.

மிக்க நன்றிகள் அம்மா....இங்க கேள்வி கேட்குறது தான் கொஞ்சம் சிரமம் அம்மா.......

மிக்க நன்றிகள் மா. மகிழ்ச்சி

**பிஜிராமன்** · **பிஜிராமன்** Thu Feb 16, 2012 8:20 pm

அசுரன் wrote:நானும் நல்லா கேள்வி கேட்பேன் ராமா..... என்னையும் இனைத்துக்கொள்ளுங்கள்.

மிக்க நன்றிகள் சார்............நீங்க தான் நல்லா கேள்வி கேட்பீங்கணு எல்லாருக்கும் தெரியுமே.

நன்றிகள் சார்.........இணைத்து விட்டேன்...... மகிழ்ச்சி

**ந.கார்த்தி** · **ந.கார்த்தி** Thu Feb 16, 2012 8:23 pm

/////7. எந்த சந்தேகம் எழுந்தாலும் கேட்க தயங்குதல் கூடாது. /////
நிச்சயமாக அண்ணா எனக்கு எழும் சந்தேகம் அனைத்தையும் கேட்கிறேன்..
என்னையும் மெம்பர் ஆக சேர்த்து கொள்ளுங்கள் அண்ணா

**பிஜிராமன்** · **பிஜிராமன்** Thu Feb 16, 2012 8:28 pm

ந.கார்த்தி wrote://///7. எந்த சந்தேகம் எழுந்தாலும் கேட்க தயங்குதல் கூடாது. /////
நிச்சயமாக அண்ணா எனக்கு எழும் சந்தேகம் அனைத்தையும் கேட்கிறேன்..
என்னையும் மெம்பர் ஆக சேர்த்து கொள்ளுங்கள் அண்ணா

நிச்சயம் கேள் கார்த்தி........

உன்னையும் இணைத்து விட்டேன்.........

மெம்பெர்கள் என்ன செய்ய வேண்டும் என்று தனிமடலில் கூறுகின்றேன்.

இணைந்த அனைத்து உறவுகளுக்கும் என் நன்றிகள். மகிழ்ச்சி