Search found 2 matches for உப்பு

இன்றைய காலகட்டத்தில் யாருக்குத்தான் பணக்கஷ்டம் இல்லை? அனைவருக்கும் தேவைப்படும் ஒரு மதிப்புமிக்க பொருளாக உள்ளது பணம். இந்த அவசியத் தேவையான பணம் ஒருபுறமிருந்தாலும், வீட்டில் எப்போதுமே தீர்ந்துபோகாமல், இருந்துகொண்டே இருக்க வேண்டியதாக ஐந்து பொருட்கள் திகழ்கின்றன. இந்த ஐந்து பொருட்களில் ஒன்று தீர்ந்துபோய் விட்டாலும் அந்த வீட்டில் பெரும் வாழ்க்கை நெருக்கடி வரப்போகிறது என்பதற்கான அர்த்தமாகவே அது கருதப்படுகிறது.

அந்த ஐந்து பொருட்களில் முதலாவதாகச் சொல்லப்படுவது #உப்பு. இந்த உப்பு எப்போதுமே வீட்டில் தீர்ந்து போய்விடக்கூடாது. அப்படி உப்பு முழுவதுமாகத் தீர்ந்து போய்விட்டால் உங்களுக்கு ஏதோ ஒரு பெரிய பணக்கஷ்டம் வரப்போகிறது என்று அர்த்தம். அதனால் வீட்டை நிர்வகிக்கும் பெண்கள் எப்பொழுதுமே ஒரு பாக்கெட் உப்பு வீட்டில் இருக்கும்படி பார்த்துக்கொள்வது நல்லது.

அடுத்து, இரண்டாவது மற்றும் மூன்றாவது பொருளாகக் கருதப்படுவது #மஞ்சள், #குங்குமம். வீட்டில் எப்பொழுதும் மஞ்சள், குங்குமம் இல்லை என்ற வார்த்தையே இருக்கக் கூடாது. ஆம், மஞ்சள் மற்றும் குங்குமம் முழுமையாக தீர்ந்துபோகும் நிலை வந்தாலும் உங்களுக்கு பெரிய பணக் கஷ்டம் வரப்போகிறது என்றுதான் அர்த்தம். அதனால், மஞ்சள் குங்குமம் காலியாவதற்கு முன்பே அதை வாங்கி வீட்டில் வைத்துக் கொள்வது நல்லது.

நான்காவதாக, அனைவரின் பசியைப் போக்கும் #அரிசி எப்பொழுதும் வீட்டில் முழுமையாக தீர்ந்துபோய்விடக்கூடாது. அடுத்த வேளை உணவு சமைக்க அரிசி இல்லை என்ற வார்த்தை வீட்டில் எழக்கூடாது. வீட்டில் அரிசி தீர்ந்துபோவதற்கு முன்பாகவே அதை வாங்கி வைத்துக்கொள்ள வேண்டும். இப்படி அரிசி முழுமையாக வீட்டில் தீர்ந்து போய்விட்டாலும் அந்த வீட்டில் பெரிய நெருக்கடி வரக் கூடும்.

ஐந்தாவது முக்கியமான விஷயம், வீட்டுப் பெண்களின் #சந்தோஷம். எந்த ஒரு வீட்டில் பெண்கள் சந்தோஷமாக இல்லாமல், மிகவும் துக்கத்துடன் வாழ்ந்து கொண்டிருக்கிறார்களோ, அந்த வீட்டிலும் சந்தோஷம் துளியும் இருக்காது. அதனுடன், லட்சுமி கடாட்சமும் அந்த வீட்டில் இருக்காது. லட்சுமி கடாட்சம் இல்லாத வீட்டில் காசு பணம் சேராது. அதனால் வீட்டுப் பெண்கள் எப்பொழுதும் சிரிப்புடனும் சந்தோஷத்துடன் இருக்கும்படி பார்த்துக் கொள்வது குடும்பத்தில் சுபிட்சத்தை ஏற்படுத்தும். எந்த வீட்டில் மேற்கண்ட ஐந்து விஷயங்களும் நிறைவாக உள்ளதோ அந்த வீட்டில் மகாலட்சுமி நிரந்தரமாக வாசம் செய்வாள் என்பது ஐதீகம்.

Topics tagged under உப்பு on ஈகரை தமிழ் களஞ்சியம் Everything-you-wanted-to-know-about-salt

உணவின் சுவையை அதிகரிப்பதில் உப்புக்கு அதிக பங்கு உண்டு.

இதன் ரசாயனப் பெயர் சோடியம் குளோரைடு.

தயாரிக்கும் உணவில் உப்பின் அளவு குறைந்தாலும், கூடினாலும் அந்த உணவை நம்மால் ருசிக்க முடியாது.

உடலின் இயக்கம் சீராக செயல்படுவதற்கு #உப்பு அவசியம். இது செரிமானத்தையும், மூளையின் செயல்திறனையும் சீராக்குகிறது.

நீரின் சமநிலையை ஒழுங்குபடுத்தி, தசைகளின் சீரான இயக்கத்திற்கு உதவுகிறது. நரம்பு தூண்டுதல்களை ஏற்படுத்துகிறது.

ஆரோக்கியமானவர்கள் தினமும் 1,500 முதல் 2,300 மில்லி கிராம் அளவு வரை உப்பை சேர்த்துக்கொள்ளலாம். இது ஒரு டேபிள் ஸ்பூன் அளவாகும்.

ஒரு வயது வரையுள்ள குழந்தைகளுக்கு 'ஒரு கல் உப்பு' மட்டுமே சேர்த்து உணவு வழங்கலாம். தாய்ப்பால் பருகும் குழந்தைகளுக்கு தேவையான உப்பு அதிலேயே இருக்கும். வளரும் குழந்தைகளுக்கு 1,300 மில்லிகிராம் அளவு உப்பு போதுமானது.

ரத்த அழுத்தம், உடல் பாகங்களில் வீக்கம், கல்லீரல் மற்றும் சிறுநீரக செயலிழப்பு, இதய செயலிழப்பு, சிறுநீரக செயலிழப்புடன் கூடிய நெப்ரோடிக் நோய் அறிகுறி ஆகியவற்றால் பாதிக்கப்பட்டவர்கள் உப்பின் அளவை குறைக்க வேண்டும்.

கர்ப்ப காலத்தில், பெண்கள் உணவில் சேர்த்து கொள்ளும் உப்பு மற்றும் சர்க்கரையின் அளவில் கூடுதல் கவனம் செலுத்த வேண்டும். கர்ப்ப காலத்தில் முகம், கை, கால், கணுக்கால்களில் வீக்கம் ஏற்படும். இந்த சமயத்தில், அதிக அளவிலான உப்பை சேர்த்துக்கொள்ளும்போது, அது 'எடிமா' எனும் வீக்க நோயை உண்டாக்கும். எனவே, கர்ப்ப காலத்தில் உணவில் வழக்கத்தை விட குறைந்த அளவில் உப்பை சேர்ப்பது சிறந்தது. அதிகபட்சமாக 1,800 மில்லி கிராம் அளவு சாப்பிடலாம்.

மாதவிடாய் காலத்தில், அதிக அளவு உப்பு சாப்பிடுவதால் வயிற்று பிடிப்பு, உடலில் திரவம் தங்குதல், உடல் வீக்கம் ஆகிய பாதிப்புகள் ஏற்படுகின்றன. எனவே அந்த சமயத்தில் 1,500 முதல் 1,900 மில்லிகிராம் அளவு மட்டுமே உப்பு சேர்த்துக்கொள்ளலாம்.

உணவில் அதிகமாக உப்பு சேர்த்துக்கொள்ளும்போது, நிறைய தண்ணீர் குடிக்கத் தோன்றும். தாராளமாக தண்ணீர் குடித்தால், தேவையற்ற சோடியம் சிறுநீர் வழியாக வெளியேறும்.

தாகம் எடுக்கும் நேரங்களில் தண்ணீர் குடிக்காமல் அலட்சியமாக இருந்தால், ரத்தத்தில் உப்பின் அளவு அதிகரிக்கும். இதனால், உயர் ரத்த அழுத்தம், அதிகப்படியான கோபம் ஏற்படக்கூடும். தொடர்ந்து ஒரே இடத்தில் உட்கார்ந்து இருக்கும் பெண்கள், தண்ணீர் தாராளமாக குடிப்பதன் மூலம் உடலில் உள்ள அதிகப்படியான உப்பை வெளியேற்ற முடியும்.

30 வயதை கடந்த பெண்கள், தங்கள் உடம்பில் சோடியத்தின் அளவை அடிக்கடி பரிசோதிக்க வேண்டும். சோடியம் ரத்தத்தில் அதிகமாக கலந்திருப்பது தெரிந்தால், அதை குறைக்க முயற்சிக்க வேண்டும். இல்லாவிடில் உடல் வீக்கம், தசைப் பிடிப்புகள், உயர் ரத்த அழுத்தம், இதய நோய் போன்ற பாதிப்புகள் ஏற்படும்.

Search found 2 matches for உப்பு

வீட்டில் தீர்ந்துபோகக் கூடாத ஐந்து பொருட்கள்!

உப்பு பற்றிய தகவல்கள்