ஜெயலலிதா மீண்டும் முதல்வராக வேண்டி தமிழகம் முழுவதும் கோயில்களில் சிறப்பு வழிபாடு

**சிவா** · **சிவா** Sun May 10, 2015 2:45 am

சென்னை - மக்களின் முதல்வர் ஜெயலலிதா மீண்டும் தமிழக முதல்வராக தமிழகம் முழுவதும் கோவில்களில் சிறப்பு வழிபாடுகள், யாகங்களை அதிமுகவினர் தீவிரமாக நடத்தி வருகின்றனர். அதிமுக பொதுசெயலாளர் ஜெயலலிதா , மீண்டும் தமிழக முதல்வராக வேண்டும் என்ற நோக்கத்தோடு தமிழகம் முழுவதும் அதிமுகவினர் சிறப்பு வழிபாடு, யாகங்கள் நடத்துதல் மற்றும் அன்னதானம் உள்ளிட்ட நலத்திட்டங்களையும் வழங்குகின்றனர். கோவை புறநகர் மாவட்ட அதிமுக சார்பில் அமைச்சர் எஸ்.பி,வேலுமணி ஏற்பாட்டில் 11 ந்தேதி காலை 11 மணி வரை வெள்ளிங்கிரி திருக்கோயிலில் 108 திரவியங்களுடன் சகஸ்வர ஹோமம், ருத்ர ஹோமம், நவக்கிரக ஹோமம், தங்கத்தேர் இழுத்து 1ஆயிரத்து 8 விளக்கு பூஜைகள் நடக்கின்றன.

புதுக்கோட்டை மாவட்டம், குடுமியான் மலை ஸ்ரீ அகிலாண்டேஸ்வரி சமேத சிகாகிரிஷவரர் ஆலயத்தில் 1008 குத்துவிளக்கு பூஜை, நவசக்தி பூஜை, சந்தன காப்பு அலங்காரம் ஆகியவை நேற்று மாலை நடைபெற்றது. இதற்கான ஏற்பாடுகளை அமைச்சர் விஜயபாஸ்கர் செய்திருந்தார். இந்த நிகழ்ச்சியில் புதுக்கோட்டை மாவட்டத்தை சேர்ந்த அதிமுக எம்.எல்.ஏக்கள் உள்ளாட்சி பிரதிநிதிகள் உள்ளிட்ட ஏராளமான அதிமுகவினரும் பொதுமக்களும் கலந்து கொண்டனர்.

ஈரோடு புறநகர் மாவட்ட அதிமுக சார்பில் அமைச்சர் தோப்பு என்.டி வெங்கடாசலம் ஏற்பாட்டில் மகா சுதர்சன ஹோமம் மற்றுநம் அன்னதான நிகழ்ச்சிகள் நடைபெறுகிறது. திருவள்ளூர் மேற்கு மாவட்ட அதிமுக சார்பில் பி.வி.ரமணா ஏற்பாட்டில் 23 சைவ திருத்தலங்களில் சிறப்பு யாகம் ஹோமங்கள் நடைபெறுகின்றன. மாதவரம் கரிவரதராஜ பெருமாள் கோயிலில் சிறப்பு கோ பூஜை மற்றும் மகாலட்சுமி ஹோமம் மற்றும் அன்னதான நிகழ்ச்சிகள் இன்று நடைபெறுகின்றது. இதனால் தமிழகம் முழுவதும் உள்ள கோவில்களில் பொதுமக்கள் அதிகாலையிலேயே ஜெயலலிதாவுக்கு ஏற்பட்டுள்ள இடர்பாடுகளை நீக்க சாமி தரிசனத்திற்காக பெருமளவில் குவிந்துள்ளனர்.

**M.Jagadeesan** · **M.Jagadeesan** Sun May 10, 2015 3:23 pm

" வேண்டத்தக்கது அறிவோய் நீ ! " என்பார் மாணிக்கவாசகர்.

தப்பு செய்து தண்டனை பெற்ற ஒருவருக்காக இறைவனிடம் வேண்டினால் , அந்த வேண்டுகோளை இறைவனே விரும்பமாட்டான்.

**Dr.சுந்தரராஜ் தயாளன்** · 03/09/2011

உப்பு தின்றவன் தண்ணீர் குடித்தே ஆகவேண்டும்

**krishnaamma** · **krishnaamma** Sun May 10, 2015 7:26 pm

Dr.சுந்தரராஜ் தயாளன் wrote:உப்பு தின்றவன் தண்ணீர் குடித்தே ஆகவேண்டும்

மேற்கோள் செய்த பதிவு: 1135867
நிஜம் ஐயா, ஆனால் அவங்க உப்பு தின்னதா யாரும் ஒப்புக்க தயாராய் இல்லையே ?...........அது தான் பிரச்சனையே!

ஏதோ சுதந்திர போராட்டத்தில் சிறைக்கு போனது போலவும் பிரிட்டிஷ்ஷாரிடமிருந்து அவங்களை மீட்கணும் போலவும் ஒரு மாயை யை உருவாக்கராங்களே....... என்ன கொடுமை சார் இது

அவங்க அடித்தது எல்லாம் இவங்க பணம் தானே என்கிற அடிப்படை எண்ணம் கூட இவங்களுக்கு இல்லையே....என்ன செய்ய ? சோகம்

Sponsored content · Sponsored content

ஜெயலலிதா மீண்டும் முதல்வராக வேண்டி தமிழகம் முழுவதும் கோயில்களில் சிறப்பு வழிபாடு

ஜெயலலிதா மீண்டும் முதல்வராக வேண்டி தமிழகம் முழுவதும் கோயில்களில் சிறப்பு வழிபாடு

Re: ஜெயலலிதா மீண்டும் முதல்வராக வேண்டி தமிழகம் முழுவதும் கோயில்களில் சிறப்பு வழிபாடு

Re: ஜெயலலிதா மீண்டும் முதல்வராக வேண்டி தமிழகம் முழுவதும் கோயில்களில் சிறப்பு வழிபாடு

Re: ஜெயலலிதா மீண்டும் முதல்வராக வேண்டி தமிழகம் முழுவதும் கோயில்களில் சிறப்பு வழிபாடு

Re: ஜெயலலிதா மீண்டும் முதல்வராக வேண்டி தமிழகம் முழுவதும் கோயில்களில் சிறப்பு வழிபாடு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக