மருத்துவத் தகவல்கள் தொகுப்பு

**சிவா** · **சிவா** Mon Jun 06, 2011 8:43 am

First topic message reminder :

பெண்களின் மார்பக புற்றுநோய்க்கு காரணமான ஜீன் கண்டுபிடிப்பு

மார்பக புற்றுநோய் பெரும்பாலும் பெண்களையே தாக்குகிறது. இந்தியாவில் மும்பை, சென்னை மற்றும் டில்லி போன்ற பெருநகரங்களில் இப்புற்றுநோயின் தாக்கம் அதிகம் காணப்படுகிறது. இந்தியா மற்றும் அமெரிக்க நாட்டு பெண்களில் முறையே 22ல் 1 மற்றும் 8ல் 1 என்ற விகிதத்தில் மார்பக புற்றுநோய் காணப்படுகிறது. இங்கிலாந்து நாட்டில் வருடத்திற்கு 36 ஆயிரம் பேர் இவ்வியாதியால் பாதிப்பு அடைகின்றனர். தற்போது, லண்டனில் அமைந்துள்ள மார்பக புற்றுநோய் ஆராய்ச்சி மைய விஞ்ஞானிகள் மனித மரபணு பற்றிய ஆய்வில் ஒரு குறிப்பிட்ட ஜீன் புற்று கட்டிகளை உருவாக்குகிறது என கண்டறிந்தனர். அந்த ஆய்வில், அவர்கள் கண்டறிந்த சி6ஓஆர்எப்96, சி6ஓஆர்எப்97 மற்றும் சி6ஓஆர்எப்211 ஆகிய ஜீன்களில் சி6ஓஆர்எப்211 என்ற ஜீன் புற்றுகட்டிகளை வளர செய்வதாக தெரிய வந்துள்ளது. சி6ஓஆர்எப்97 என்ற ஜீன் ஈஸ்ட்ரோஜன் என்ற ஹார்மோன் மீது மருந்தின் செயல்பாட்டுடன் தொடர்பு கொண்டுள்ளது. மற்றொரு ஜீனான சி6ஓஆர்எப்96 என்ன செய்கிறதென ஆய்வாளர்களுக்கு தெரிய வரவில்லை. இது குறித்து ஆய்வின் தலைவர் மிட்ச் டவ்செட் என்பவர் கூறும்போது, தற்போது கண்டுபிடிக்கப்பட்டு உள்ள இந்த ஜீன் புற்றுநோய் கட்டிகளில் வேறு என்ன தாக்கத்தை ஏற்படுத்துகிறது என்று தொடர்ந்து ஆய்வு மேற்கொள்ளப்பட்டு வருகிறது. அதன் மூலம் மார்பக புற்றுநோயிலிருந்து பெண்களை காப்பாற்றும் வழிகள் கண்டறியப்படும் என்றார். தற்போது இந்த ஜீன் கண்டுபிடிப்பு மருத்துவ உலகில் பெண்களின் முக்கியமான பிரச்சனையான மார்பக புற்றுநோய் சிகிச்சைக்கு ஒரு திறவுகோலாக அமையும் என்பதில் ஐயமில்லை.

**ரிபாஸ்** · **ரிபாஸ்** Mon Jun 06, 2011 9:34 am

தகவலுக்கு மிக்க நன்றி தல

**சிவா** · **சிவா** Mon Jun 06, 2011 9:48 am

ஆண்களுக்கு உறக்கமின்மையால் செக்ஸ் குறைபாடு ஏற்படும்

தினமும் 5 மணி நேரத்துக்கும் குறைவாக தூங்கும் ஆண்களுக்கு செக்ஸ் குறைபாடு மற்றும் செக்சில் ஆர்வமின்மை ஆகியவை ஏற்படும் என கண்டு பிடிக்கப்பட்டுள்ளது. இது தொடர்பாக, நல்ல ஆரோக்கியத்துடன் உள்ள 25 வயது இளைஞர்கள் சிலரிடம் சிகோகோ பல்கலைக்கழகத்தை சேர்ந்த ஆராய்ச்சியாளர்கள் ஆய்வு மேற்கொண்டனர். முதலில் 10 மணி நேரம் தூங்க வைத்தும், பின்னர் 5 மணி நேரம் தூங்க வைத்தும் இரண்டு கட்டமாக சோதனை நடத்தப்பட்டது.

சோதனையின் முடிவில், 10 மணி நேரம் தூங்கியபோது, செக்ஸ் ஆர்வத்தை தூண்டும் `டெஸ்டோடெரோன்' அதிக அளவில் சுரந்தது கண்டு பிடிக்கப்பட்டது. ஆனால், 5 மணி நேரம் தூங்கிய சமயத்தில் அதன் அளவு குறைந்து விட்டது. ஒரே வயது உடையவர்களாக இருந்தாலும், குறைவான தூக்கம் உடையவருக்கும் நன்றாக தூங்குபவருக்கும் இடையே செக்ஸ் ஈடுபாட்டில் 15 வயது வித்தியாசம் இருப்பதும் தெரிய வந்தது.

Sponsored content · Sponsored content

மருத்துவத் தகவல்கள் தொகுப்பு

மருத்துவத் தகவல்கள் தொகுப்பு

Re: மருத்துவத் தகவல்கள் தொகுப்பு

Re: மருத்துவத் தகவல்கள் தொகுப்பு

Re: மருத்துவத் தகவல்கள் தொகுப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக