விரைவில் தாம‌ரை ஆட்சி : மதுரை மாநாட்டில் கட்காரி சூளுரை

**பிரசன்னா** · **பிரசன்னா** Thu May 10, 2012 3:36 pm

மதுரை: மத்தியில் விரைவில் தாமரை ஆட்சி மலரும் என மதுரையில் நடைபெற்று வரும் பா.ஜ., 5வது மாநில மாநாட்டை துவக்கி வைத்து பேசிய பா.ஜ., தேசிய தலைவர் நிதின் கட்காரி நம்பிக்கை தெரிவித்துள்ளார். மாநாட்டில் அவர் பேசியதாவது:

காங்கிரசிற்கு கெட்ட காலம் துவங்கி விட்டது; தற்போது நாடு முழுவதிலும் பா.ஜ., 126 எம்.பி.,களையும், 900 எம்.எல்.ஏ.,க்களையும் கொண்டுள்ளது; இதே போன்று தமிழகத்திலும் எம்.பி.‌, மற்றும் எம்.எல்.ஏ.,க்களை உருவாக்க பா.ஜ., முயற்சி மேற்கொண்டு வருகிறது; தற்போது மத்தியில் நடைபெற்று வரும் காங்கிரஸ் தலைமையிலான அரசால் விவசாயிகள் பெரும் பாதிப்பிற்கு ஆளாகி உள்ளனர்; விளைபொருட்கள் பெருமளவில் வீணடிக்கப்படுகின்றன; இதன் காரணமாக விவசாயிகள் தற்கொலை செய்து கொள்ளும் அவல நிலைக்கு தள்ளப்பட்டுள்ளனர்.

சர்வதேச சந்தையில் ரூநாயின் மதிப்பும் சரிந்து வருகிறது; இந்தியாவில் செய்யப்படும் முதலீடுகளும் களவாடப்படுகின்றன; இதனால் தொழில்கள் வீழ்ச்சி அடைந்து வருகிறது; மத்திய அரசின் தவறான கொள்கைகளால் நாட்டின் பொருளாதாரமும் வீழ்ச்சி அடைந்துள்ளது; வாஜ்பாய் கொண்டு வந்த காவிரி கூட்டு குடிநீர் திட்டம் போன்ற நலத்திட்டப் பணிகளையும் காங்கிரஸ் தலைமையிலான அரசு கிடப்பில் போட்டு விட்டது; இலங்கையில் தமிழர்கள் கொல்லப்படுவதற்கும் மத்திய அரசு நடவடிக்கை எடு்க்க வில்லை.நாட்டில் பயங்கரவாதம் அதிகரித்து வருகிறது; இனி இந்த நிலை மாற போகிறது; விலைவாசி உயர்வு; குடும்ப ஆட்சி ஆகியன முடிவுக்கு வரும் காலம் வந்து விட்டது; நாட்டின் இந்த துயர நிலையை மாற்ற விரைவில் தாமரை ஆட்சி மலரும். இவ்வாறு கட்காரி நம்பிக்கை தெரிவித்துள்ளார்.

பொன்.ராதாகிருஷ்ணன் :திராவிட கட்சிகளின் ஆட்சியால் தமிழகம் தாழ்ந்த நிலைக்கு சென்று கொண்டிருக்கிறது; திமுக ஆட்சியில் இருந்த போது அளித்த வாக்குறுதிகள் அனைத்தும் பொய்யாகி போனது; தமிழகத்தில் தமிழ் மொழியின் தரம் குறைந்து வருகிறது; தமிழகர்கள் அவமானப்படுத்தப்படுகிறார்கள்; கடல்க‌டந்து இலங்கைக்கு செல்லும் தமிழகர்களும் கொலைப்படுகிறார்கள்; இதற்கு திராவிட கட்சிகளும் துணையாக உள்ளன; இத்தகைய நிலை மாறி தமிழகம் நன்னிலைபெற ஒரு மாற்றாக பா.ஜ., விளங்கும்; மத்தியில் மட்டுமின்றி தமிழகத்திலும் பா.ஜ., ஆட்சி அமைய வேண்டும்; அதற்கு தொண்டர்களின் முழு ஒத்துழைப்பை தலைமை எதிர்பார்க்கிறது.

தற்போது இந்த மாநாடு நடைபெறுவதற்கு கூட பல்வேறு தடைகள் ஏற்பட்டது; அவற்றை எல்லாம் கடந்த தற்போது வெற்றிகரமாக இந்த மாநாடு நடைபெற்று வருகிறது. இவ்வாறு பொன்.ராதாகிருஷ்ணன் தெரிவித்துள்ளார்.

தினமலர்

**ரா.ரா3275** · **ரா.ரா3275** Thu May 10, 2012 3:40 pm

அப்படியா...தமிழகத்தில் தாமரை ஆட்சியா?...கவிஞர் தாமரை எப்ப முதலமைச்சர் ஆனாங்க?...
ஆமா...அவங்கள வெச்சு காமெடி கீமெடி பண்ணலையே?...

**பிரசன்னா** · **பிரசன்னா** Thu May 10, 2012 3:45 pm

ரா.ரா3275 wrote:அப்படியா...தமிழகத்தில் தாமரை ஆட்சியா?...கவிஞர் தாமரை எப்ப முதலமைச்சர் ஆனாங்க?...

ஆமா...அவங்கள வெச்சு காமெடி கீமெடி பண்ணலையே?...

ஆமாம் இதை படிக்கும் போது... எனக்கு வடிவேலுவின்... நாங்களும் ரௌடியா form ஆயிட்டோம்ல.... காமெடி தான் ஞாபகத்திற்கு வந்தது... சிரி

**ரா.ரா3275** · **ரா.ரா3275** Thu May 10, 2012 3:56 pm

பிரசன்னா wrote:
ரா.ரா3275 wrote:அப்படியா...தமிழகத்தில் தாமரை ஆட்சியா?...கவிஞர் தாமரை எப்ப முதலமைச்சர் ஆனாங்க?...

ஆமா...அவங்கள வெச்சு காமெடி கீமெடி பண்ணலையே?...

ஆமாம் இதை படிக்கும் போது... எனக்கு வடிவேலுவின்... நாங்களும் ரௌடியா form ஆயிட்டோம்ல.... காமெடி தான் ஞாபகத்திற்கு வந்தது...

ஆனா...காங்கிரஸ் பீசுகளுக்கு இதுங்க பெட்டரு...