முதியோரின் தேவைகள் ஆராய அரசு கமிட்டி

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

முதியோரின் தேவைகள் ஆராய அரசு கமிட்டி

#369699

நவீன்
வி.ஐ.பி: பதிவுகள் : 4665
இணைந்தது : 29/05/2009

Post நவீன் Tue Aug 17, 2010 6:22 pm

புதுடில்லி:
நாட்டில் 80 வயதுக்கு மேற்பட்ட முதியோரின் எண்ணிக்கை அதிகரித்து வருவதால்,
அவர்களின் தேவைகள் குறித்து ஆராய மத்திய அரசு ஒரு கமிட்டியை
நியமித்துள்ளது. இக்கமிட்டி முதியோரின் பல்வேறு விதமான தேவைகள் குறித்து
ஆராய்ந்து மத்திய அரசுக்கு பரிந்துரைக்கும். நாட்டில் தற்போது 60 வயதுக்கு
மேற்பட்ட வயதானவர்களின் எண்ணிக்கை கணிசமாக இருந்தாலும், 80 வயதுக்கு
மேற்பட்ட முதியோரின் எண்ணிக்கை அதிகரித்து வருகிறது. இந்த வயதில்
அவர்களின் தேவைகள், அவர்கள் எதிர்கொள்ளும் பிரச்னைகள் ஆகியவை
கவனிக்கத்தக்கவை. மத்திய சமூக நீதி மற்றும் அதிகாரமளிப்பு துறை அமைச்சர்
முகுல் வாஸ்னிக், அரசின் முதியோர் பற்றிய கொள்கையை (1999) மறுபரிசீலனை
செய்வதற்கு ஏதுவாக, முதியோரின் தேவைகள் மற்றும் பிரச்னைகள் ஆகியவை
குறித்து ஆராய, நான்கு பேர் கொண்ட கமிட்டி ஒன்றை நியமித்துள்ளார்.
இக்கமிட்டி, இப்பிரச்னைகள் குறித்து ஆராய்ந்து டிசம்பருக்குள் தன்
அறிக்கையை அமைச்சகத்திடம் சமர்ப்பிக்கும். இக்கமிட்டி, 80 வயதிற்கு
மேற்பட்ட முதியோரின் உடல் நலம், பாதுகாப்பு, பெண்கள் நலம் ஆகியவை குறித்து
ஆராயும். மேலும் உலகளவில் ஆண்களை விட, பெண்களே அதிக ஆண்டுகள் உயிர்
வாழ்கின்றனர். இந்தியாவிலும் 80 வயதிற்கு மேற்பட்ட ஆண்களை விட பெண்களே
அதிகம். அதனால் அவர்களின் தனிப்பட்ட நலன்கள் பற்றியும் கமிட்டி ஆராயும்.
அந்த வயதிற்கு தேவையான சத்தான உணவு வகைகள், யாரையாவது சார்ந்து வாழ்வது
அல்லது தனித்து வாழ்வது போன்ற முதியோரின் வாழ்க்கை சூழல் குறித்தும்
கமிட்டி தன் கவனத்தில் கொள்ளும்.

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1