ஈகரைத் தமிழ்க் களஞ்சியத்தின் பிரம்மாண்டமான சித்திரைப் புத்தாண்டு கவிதைப்போட்டி - 6

வாழ்த்துகள் அனைவருக்கும்.

kirikasan wrote:கவிதைப் போட்டிக்கு வாழ்த்துக்கள்

சித்திரமா, சித்திரையா ?

நித்திரையிற் கூடச் சித்திரை யென்றேதோ
கத்தறயே ஏன்மாமா?
சித்திரம்நான் பக்கம் உத்தரவுக்காக
நிற்கையிலே போ மாமா
இத்தரையில் உன்னை எத்தனைநாள் ஏங்கி
அத்தைமகள் காத்திருக்கேன்
வித்தையொன்று சொல்லா சத்தமிட்டு நீயும்
சித்திரையென் றரற்றுவதேன்

அத்தைமகள் கிளியே எத்தனைநாள் சொன்னேன்
புத்திகெட்டுப் போகாதேடி
முத்தை இரத்தினங்கள் எத்தனை கொண்டாலும்
சித்திரையை மறப்பேனோடி
ஆத்தங்கரை யில்லை இந்தக் கரையில்லை
அன்புக்கரை ஈகரையில்
சித்திரைக்கு கவிதை செய்யவெனப் போட்டி
சொல்லிட்டாங்க பார்த்துக்கடி

எத்தனை தான்கவிதை கத்தைகத்தையாக
நித்தியம்நீ எழுதிவைச்சும்
மெத்தைமீது உந்தன் அத்தைமகள் கூட
புத்த்ம்புதுக் கவிதையன்றோ
சித்தமெடுக்காமல் பத்துப் பதினாறு
வைத்திருக்கேன் எடுத்துக்கய்யா
நித்தமுனை ஏங்கி செத்துவிடப போறேன்
முத்தமொன்று தந்திடய்யா

புத்தம் புதுநிலவே சித்திரமே என்னை
இத்துடனே விட்டுவிடடி
சித்திரைக்கு கவிதை பத்துவிதமுண்டாம்
பாதிதனும் எழுதணும்டி
சத்தமிட்டு நின்றால் சத்தியமா உன்னை
விட்டுவிடப் போறேண்டி
எத்தகைய இன்பம் ஈகரைக்கு கவிதை
முத்து முத்தாய் எழுதணும்டி

கவிதை போட்டிக்கு கவிதை எழுதிய அண்ணனுக்கு வாழ்த்துக்கள்... நீண்ட நாட்களுக்கு பிறகு நானும் கலந்து கொள்கிறேன் கவிதை போட்டிக்கு....

பங்கு பெரும் அனைத்து போட்டியாளருக்கும் வாழ்த்துக்கள்...

நன்றி என் ஈகரைக்கு நீண்ட நாட்களுக்குப்பின்னர்... மீண்டும் இணைந்துள்ளேன்... டோஹாவிலிருந்து...

இக் கவிதைப் போட்டியில் என் கவிதைகளையும் சேர்க்கவிருக்கின்றேன் நண்பர்களே

என் கவிதைகளை ஏற்றுக் கொண்ட ஆதிரா அவர்களுக்கும் புவனா அவர்களுக்கும் நன்றிகள்

கவிதைப்போட்டி கலகலப்பாக இருக்கட்டுமே என்று எழுதுகிறேன். எழுதலாம் தானே!


கவிதை தந்தாள்

பாட்டெழுதப் பார்வதியின் பாதியுடல் ஈந்தவனைப்
பார்க்கவெனக் கோவிலடி போனேன்
ஏட்டினிலே போட்டியினை எண்ணியொரு தீங்கவிதை
ஏற்றமுறத் தாவெனவே கேட்டேன்
நாட்டினிலே நாளிலன்று நாவினிக்க தருமியவன்
நீட்டியகை மீது கவியீந்தாய்
கேட்டவுடன் பாட்டெழுதிக் குற்றமெனக் கண்டவரை
போட்டுவிட்டதாகத் தானும்கேட்டேன்

கேட்டுமனம் நெய்யெனவே நீளுருக நின்றவனோ
கோவிலிடை சாமிகுரல் கேட்டேன்
பாட்டெழுத வந்தவன்உன் பாட்டினிலே பட்டழியும்
பாடுதனை எண்ணினையோ பாவி
பாட்டெழுதச் சொன்னவளும் பக்கமுண்டுபார்த்திருக்கப்
பாட்டெழுதக் கேட்டனையுன்பாடு
பாட்டினிலே நானெழுதி பாடவென ஆகிவிடும்
பார்த்திருக்க ஓடென்றான் பரமன்

ஓடு என்ற போதுமன தோடுகொண்ட ஆசைகளை
ஓடவிட்டே ஒடுமெண்ணம் இன்றி
ஓடு தலை மாலைகொண்டும் ஓடிநடம் பேய்கணங்க
ளோடு செய்யும் கூத்தன்நினை நம்பி
ஓடு ஏந்தும் யாசகனாய் உன்னை யெண்ணிவந்தவனை
ஒடுவென்பதென், கவிதையின்றி
ஓடுசுழல் பூமியிலே ஓடியுயிர் போய்விடினும்
ஓடுபவனல்லன் இவன் என்றேன்

நாடிவந்தபோது உந்தன் நாடுஎண்ணி வந்தனையோ
நாடுவதை ஈவதென்று எண்ண
நாடிதனில் ஓடும் கவி நாவிலெழும் கூறலின்றி
நாதனிடம் கேட்டதென்னவென்றாள்
நாடி நரம்பே யுறைய நான்வணங்கும் சக்திவர
நாதன்வேறு சக்திவேறென் றுண்டோ
நாடிய தொன் றென்றவனை நாவிலெழும் புன்னகையால்
நான்வணங்கப் பூங்கவிதை ஈந்தாள்
(அதை அனுப்பி வைப்பேன்)

சொந்தக்கவிதைக்கு சூளுரைத்து விட்டீர்கள்
அந்தகவிதைக்கு அரும்பரிசு கிடைத்திடவே
அந்தகனும் அஞ்சுகின்ற அஞ்சுமுகன் வேண்டிடுவேன்
நிந்தை நமக்கில்லை நீளும்கவி நா மலரும்
புந்தியில் பலகவியும் பூத்திடட்டும் புலவருக்கு
உந்தியிலே உற்பவிக்கும் மனிதகுலம் மேன்மைபெற
பந்தகவி பலபடைக்க பாரினிலே ஈகரையும்
இந்தகவிபோட்டியினை இவ்வுலகை அழைத்துநிற்க
எந்தன்கவி மடலினிலே ஏற்கனவே ஏற்றிவிட்டேன்
எந்தகவி சிறந்ததென நடுவர்களும் தேர்ந்தெடுக்க
இந்தபோட்டி சிறந்திடவே இனிதாக வாழ்த்துகிறேன்

விழிகள் பார்த்ததும் நெஞ்சம் இனித்தது... இப்போதே தயாராகிறேன்... அனைவருக்கும் வாழ்த்துக்கள்...

இன்னும் இரு வாரங்களே உள்ளன உறவுகளே.. விரைந்து கவிதைகளை அனுப்புங்கள்! வெற்றியை உங்களது ஆக்கிக் கொள்ளுங்கள்! வாழ்த்துகள்!

Aathira wrote:இன்னும் இரு வாரங்களே உள்ளன உறவுகளே.. விரைந்து கவிதைகளை அனுப்புங்கள்! வெற்றியை உங்களது ஆக்கிக் கொள்ளுங்கள்! வாழ்த்துகள்!

ஈகரை நிர்வாகத்தினருக்கு அன்பு வணக்கம்.

யாம் அனுப்பிய 5 கவிதைகள் பதிவாகியுள்ளனவா
என்பதை மட்டும் தயவு செய்து தெரிவிக்கவும்.

அன்பு தமிழ் நெஞ்சம் . . . பொன். செல்லமுத்து

வணக்கம்
நான் ராசா(எ)தமிழ்மகன் எனது இயற்பெயா் ஆ.இளையராசா. இதில் இணைவதிில் மகிழ்கிறேன்
நன்றி