அபூர்வ கானங்கள்

veeyaar · veeyaar Mon 2 Dec 2013 - 22:42

பழைய பாடல்களைக் கேட்பதென்றாலே தனி யின்பம். புதிய தலைமுறையினர் பழைய பாடல்களைக் கேட்பதற்கம், பழைய தலைமுறையினர் அதே பழைய பாடல்களைக் கேட்பதற்கும் வேறுபாடு இருக்கிறது. புதிய தலைமுறையினர் பாடலின் இனிமை, மெட்டு, இசை போன்ற அம்சங்களால் பழைய பாடல்களில் ஈர்க்கப் பட்டு ரசிக்கின்றனர். பழைய தலைமுறையினரோ, இவையல்லாமல் அவை தங்கள் வாழ்க்கையுடன் பின்னிப் பிணைந்து அதனுடன் தொடர்புடைய நினைவுகளை அசை போடுகின்றனர். அது எந்த விதமான உணர்வையும் பிரதிபலிக்கலாம்.

இங்கே நாம் பழைய பாடல்களை, முடிந்த வரை 1980ம் ஆண்டினைத் தாண்டாமல், பகிர்ந்து கொள்ளலாம். ஒவ்வொரு பாடலின் பின்னாலும் அவரவர் தங்களுக்கு உள்ள மலரும் நினைவுகளை அசை போட இது பெரிதும் உதவும். புதிய தலைமுறையினருக்கு, அன்றைய கால கட்டத்தில் திரைப்படப் பாடல்கள் மக்களிடம் எந்த அளவிற்குத் தாக்கத்தை ஏற்படுத்தியிருந்தன என்பதை எடுத்துச் சொல்லும் களமாகவும் இருக்கும்.

அதிலும் குறிப்பாக அதிகம் அறியப் படாத அபூர்வமான பாடல்களை இங்கே நாம் வெளிக்கொண்டு வந்தால் இன்னும் சிறப்பாக இருக்கும்.

தொடக்கமாக என்னுடைய தேர்வுஅலைகள் திரைப்படத்தில் இடம் பெற்ற பொன்னென்ன பூவென்ன கண்ணே என்கின்ற பாடல்.

விஷ்ணுவர்த்தன் முதன் முதலில் தமிழில் நடித்த படம். சந்திரகலா கதாநாயகி. ஒரு விலைமகளிர் விடுதியைப் பற்றிய கதை. அனைத்துப் பாடல்களும் கதையை ஒட்டியே அமைக்கப் பட்டிருக்கும். இந்தப் பாடல் மிக அருமையானதாகும். அடிக்கடி நான் விரும்பிக் கேட்கின்ற பாடல்

ஹர்ஷித் · ஹர்ஷித் Mon 2 Dec 2013 - 22:50

அருமையான முயற்சி.....தொடருங்கள் நாங்களும் அறிவோம் அரிய பாடல்களை...

veeyaar · veeyaar Mon 2 Dec 2013 - 23:19

ஊக்கத்திற்கு நன்றி ஹர்ஷீத்.

அபூர்வ கானங்கள் VKumarmusic_director.248133131_sq_thumb_m

அடுத்து ஒரு அபூர்வமான பாடல், ஏழைக்கும் காலம் வரும் திரைப்படத்திலிருந்து மோகம் என்னும் ராகம் பாடும் முத்துப் பல்லக்கு என்கின்ற பாடல். பாடியவர்கள், கே.ஜே.யேசுதாஸ், பி.சுசீலா. இசை மெல்லிசை மாமணி வி. குமார் அவர்களின் இனிமையான பல பாடல்களில் இதுவும் ஒன்று.

veeyaar · veeyaar Mon 2 Dec 2013 - 23:23

மெல்லிசை மாமணி வி.குமார் இசையில் எஸ்.பி.பாலசுப்ரமணியம், கண்ணாமூச்சி திரைப்படத்திற்காகப் பாடிய பாடல்.

பொன்னை நான் பார்த்ததில்லை.

எத்தனை முறை கேட்டாலும் திகட்டாத பாடல் இது. இப்படம் சென்னை அண்ணாசாலை கெயிட்டி திரையரங்கில் பார்த்ததாக ஞாபகம். உடையப்பா என்ற மிகப் பிரபலமான நாடக நடிகர் நடித்திருப்பார் என நினைக்கிறேன்.

இவ்விரு பாடல்களுக்கும் நன்றி, டிஎம்எப்லவர் அவர்கள்.

veeyaar · veeyaar Mon 2 Dec 2013 - 23:32

1970களின் மிகப் பிரபலமான இனிமையான பாடல்களில் இது குறிப்பிடத் தக்கதாகும். எஸ்.பி.பாலசுப்ரமணியத்திற்கு ஏராளமான ரசிகர்களை உருவாக்கிய பாடல்களில் இதுவும் ஒன்று.
மெல்லிசை மாமணி வி.குமாரின் இசையில் எல்லோரும் நல்லவரே திரைப்படத்தில் இடம்ப பெற்ற பாடல்.

படைத்தானே பிரம்ம தேவன் பதினாறு வயது கோலம்

veeyaar · veeyaar Mon 2 Dec 2013 - 23:35

வீட்டுக்கு ஒரு பிள்ளை திரைப்படத்தில் இடம் பெற்ற இனிமையான பாடல்

இன்று முதல் செல்வமிது

பாடியவர்கள் எஸ்.பி.பாலா, பி.வசந்தா

**மாணிக்கம் நடேசன்** · 14/12/2009

இந்த விஷ்ணுவர்தன், அழகான நடிகை பாரதியின் கணவர்தானே? நான் பாரதியை அழகு என்று சொன்னது அவரது சிரிப்பை வைத்து தான். ஒரு காலத்தில் பலரது கனவு கன்னி எங்கள் பாரதி. பெநரும் அழகு, ஆளும் அழகு.

**ayyasamy ram** · **ayyasamy ram** Tue 3 Dec 2013 - 10:40

நீங்காத நினைவுகளை மீட்டித் தரும் ...பதிவுக்கு.. அபூர்வ கானங்கள் 1571444738

-

vasudevan31355 · vasudevan31355 Tue 3 Dec 2013 - 11:42

அருமையான முயற்சி வீயார் சார். தாங்கள் தொகுத்தளித்துள்ள பாடல்கள் வெகு ஜோர். என் மனம் கவர்ந்த இசையமைப்பாளர் குமார் அவர்கள். எப்படியோ வந்திருக்க வேண்டியவர். இள வயதிலேயே காலன் அவரை அழைத்துச் சென்று விட்டான். அவர் போனால் என்ன? அவர் நமக்குத் தந்த பாடல்கள் சாகா வரம் பெற்றவையல்லவா!

முக்தாவின் 'நினைவில் நின்றவள்' (1967) திரைப்படத்தில் 'மெல்லிசை' மாமணி' வி.குமார் அவர்களின் இசையமைப்பில் நம் காதுகளைக் குளிர வைக்கும் எல்.ஆர்.ஈஸ்வரி அவர்கள் பாடிய 'பறவைகள் சிறகினால் அணைக்கக் கண்டேனய்யா' என்னும் பாடல் எனக்கு மிக மிக பிடித்த பாடல். இதோ நீங்களும் பார்த்து கேட்டு இன்புறுங்களேன்.